Nýklippt...

...finnst sjálfri að ég sé að líkjast mömmu...veit ekki...hef reyndar heyrt það áður...en aldrei séð það sjálf fyrr...

Ég bara má til...

...með að deila með ykkur pps´inu sem ég fékk frá Lilju sys.

...og þegar ég er búin að því þá ætla ég að skríða undir sængina okkar góðu og hverfa inn í draumalandið

Skrár tengdar þessari bloggfærslu:

• Differences

Og vitiði hvað?!!!

Ég ætla að smella mér í klippingu! Er búin að melta þetta með hárið núna í tvo mánuði eða svo, fór í klippingu á Nobbó um páskana og fékk æðislega klippingu, sem nú er úr sér vaxin.  Núna er ég ákveðin; hárið fær að FJÚKA!  Ekki samt eins mikið og ég átti til hérna in ðí óld deys! Svo mamma þarf ekkert að örvænta...

Annars er lítið að frétta, get þó sagt ykkur að eftir sumarfrí - eða frá 1. sept. - þá verð ég að vinna 4. hverju helgi í stað 3. hverrar! Alger lúxus, I have to say!!! 

Núna er bara sæla og sumar framundan. 1½ mánuður fram að sumarfríi hjá mér og þá verð ég í fríi í rúmar 5 vikur!!! Það verður bara nice.  Ég og drengirnir skellum okkur væntanlega til Græsted, þar sem á að styrkja vinarböndin við dönsku vinina. Strákarnir hlakka mikið til og ætlar Jón Ingvi m.a. að vera amk. 5 daga hjá Camillu, vinkonu sinni. Ég og Jóhannes munum halda til hjá stúlkunni hans í Danmörku, henni Idu, og hennar fjölskyldu. En við Tinna, mamma Idu, erum góðar vinkonur.

Svo verður Neistaflug væntanlega tekið með trompi eins og undanfarin ár. Bara gaman.

Jamm...en nú verð ég víst að þvo á mér hárið... 

 

ég er svo þreytt...

...er að skríða í rúmið en langaði að kasta á ykkur kveðju fyrst. Hér hefur verið nóg að gera um helgina...og dagurinn í dag endaði á að Einar þurfti að rífa upp hluta af parketinu...mistök hjá píparanum gerðu að það lak vatn inn undir parketið á smá hluta...sem betur fer bara á smá hluta og sem betur fer uppgötvaði Einar það fljótt.  Þessu verður kippt í liðinn á morgun og vonandi verður parketið sett á fljótlega...Einar er á næturvöktum næstu nætur svo...

Jæja, verð að rjúka og hjálpa yfirgelgjunni...

Smútsí... 

Eyrun hans Jóns Ingva

Við fórum til eyrnalæknisins í morgun, ég og Jón Ingvi.  Jón Ingvi fékk rör í bæði eyrun í páskafríinu á síðasta ári.  Rörið í hægra eyranu fór fljótlega, og hefur það eyra fungerað mjög vel síðan. En áður en hann fékk rörin var hann orðin nánast heyrarlaus, þessi angakarl.  Það var svo mikill vökvi og hafði verið lengi.

Jón Ingvi hefur verið töluvert þreyttur á þessu röraveseni undanfarnar vikur og bað mig sjálfur að panta tíma...hann var að vona að rörið væri farið, svo hann gæti hætt að vera með tappa og sundhettu í sundi...

EN honum varð ekki að ósk sinni...rörið sat sem fastast og var ekkert á leiðinni eitt eða neitt.  Hins vegar sagði doksi að rörið mætti alveg fara þar sem það hefur allt gengið að óskum þetta rúmlega ár sem rörið hefur setið.

Og nú voru góð ráð dýr...það er vont að láta taka rörið úr, en tekur fljótt af.  Hinn kosturinn er að fara í svæfingu og það þótti okkur mæðginum ekki fýsilegur kostur... Síðast þurfti ég að halda honum og það var hræðileg upplifun fyrir okkur bæði

Í samráði við lækninn ákvað Jón Ingvi að læknirinn mætti prófa að hreyfa rörið með tönginni sinni og ef það væri hræðilega vont þá myndi læknirinn hætta og svæfingin yrði málið.

Svo tekur hann taki á rörinu og um leið finnur Jón Ingvi fyrir þessu og kippir hausnum sínum FRÁ lækninum...

...og volla...rörið losnaði!

Þetta var vont, en ekki svo vont að það tæki því að gráta yfir því.

Þvílíka hetjan hann Jón Ingvi

Fékk þetta í mail og ákvað að birta hérna

"Góðan dag öll sömul, eftirfarandi er tilkynning um atburð sem mun eiga sér stað 14. júní n.k. Þann dag mun þjóðin gera sér grein fyrir hve prjón er raunverulega vinsælt, eða hvað? Kemur í ljós hve margir mæta og því um að gera að dreifa þessu til þeirra sem hafa áhuga.

Í Hallargarðinum, 14.júní, kl. 14:00 verður haldið upp á alþjóðlegan prjónadag og er allt áhugafólk um prjón velkomið. Stemningin mun markast af ykkar þátttöku svo endilega takið með teppi, nesti, prjónaverkefni eða aðra handavinnu og að sjálfsögðu góða skapið.

Þetta er í fjórða sinn sem haldið er upp á þennan dag en hann nefnist WORLD WIDE KNIT IN PUBLIC DAY upp á enskuna og var settur á laggirnar 2005. Í fyrra voru um 200 viðburðir um heim allan s.s. á Trafalgar Square, London, og við Eiffel turninn í París.

Þetta er hins vegar í fyrsta sinn sem haldið er formlega upp á þennan dag á Íslandi og þar sem prjónamenningin hefur gengið í endurnýjun lífdaga að þá má vænta þess að margir leggi leið sína í Hallargarðinn 14.júní n.k.

Hallargarðurinn varð fyrir valinu þar sem hann er almenningstað ur, og snýst dagurinn um að prjóna í almenningsrými, og veitir jafnframt ágætis skjól og ekki má gleyma sparkvellinum- gamla hestagerðinu, en þar geta börnin verið í leikjum.

Ef veðrið verður slæmt að þá munum við að sjálfsögðu bara dreifa okkur á nærliggjandi kaffihús en þrátt fyrir skýjaðan himinn og rigningu að þá væri gaman að hittast fyrst í garðinum áður en haldið er annað svo við gerum okkur grein fyrir kraftinum í prjónafólki Íslands.

Þar sem dagurinn 14.júní er tileinkaður “prjóni á vegum úti” þá hvet ég ykkur öll til þess að flagga þessum lífstíl og koma fram í dagsljósið með þessa frábæru iðn sama hvort þið gerið það í Hallargarðinum eða annars staðar.

Allar góðar hugmyndir eru vel þegnar, kv. Ilmur.


heimasíða KIP:
http://www.wwkipday .com/

p.s látið gott boð ganga"

15. maí

15. maí er stór og eftirminnilegur dagur hjá okkur.

15. maí 1999 giftum við okkur, í laumi fyrir öllum nema Maríu sys., hjá bæjarstjóranum í Helsinge.

15. maí 2004 fékk ég svo brúðkaupið sem ég óskaði mér. Við fengum blessun kirkjunnar og deildum gleðinni yfir ást okkar með fjölskyldu og vinum.

Um morguninn kl. 7 fórum við út að hlaupa og það var SVARTAþoka.  Okkur leist ekki alveg á veðrið...athöfnin átti að vera utan dyra og við vorum ekki með plan B...!  Þegar ég kom út af hárgreiðslustofunni um hádegið byrjaði að rigna...

Gestirnir áttu að koma kl. 14 og um 13.30 dró frá sólu og sólin skein á okkur það sem eftir lifði dags.

Veðrið var táknrænt fyrir samband okkar...það var dimmt en svo birti til og sólin hefur skinið síðan

Jæja!

Nú eru komnar nýjar myndir inn á heimasíðu barnanna!!!

Sit hér...

...í nýja húsinu, í eldhússtofunni (køkkenalrum på dansk) og þetta er bara ljúft. Þó við séum í 50 m2 minna plássi en í íbúðinni þá finnst mér þetta að mörgu leiti plássmeira því þetta eldhúsrými er svo stórt (tæpir 50m2) og hér er fjölskyldan mest.

Morgunsólin skín inn um gluggan.

Ljúft. Er í fríi í dag og ætla að halda áfram að koma okkur fyrir, og kannski kaupa olíu til að bera á borðið okkar nýja.

Ásdís, nei, íbúðin er ekki seld. Fólkið sem ætlaði að leigja hætti við á elleftu stundu, en það er kona að koma að skoða í dag. Þetta kemur allt, in Gods time. Þarf stundum að minna mig á þetta; "verði Þinn vilji, ekki minn" þegar ég verð óþolinmóð... 

Annars get ég litlu logið að ykkur, kannski ég kveiki á tölvunni minni í dag og smelli inn myndum... 

Bara smá...

...svo þið haldið ekki að ég sé dottin ofan í tóman kassa

Er ekki búin að setja inn myndirnar enn, hef lítið komið nálægt tölvu undanfarna daga...eins og þið hafið kannski tekið eftir.

Já, svo ég sýni nú að ég kunni mannasiði...; TAKK fyrir allar kveðjurnar. Það er yndislegt í nýja húsinu! Draumur að vera komin inn þó enn sé langt í land með að húsið verði fullklárað. Enda enginn asi, þarna ætlum við að vera!!!

JEG spurði hvað mig hefði svo dreymt fyrstu nóttina...en ég bara var svo þreytt að ég veit það ekki. Hins vegar dottaði ég (held ég) aðeins á sunnudagskvöldið, bara í hálfa mínútu eða svo, og þá var amma Bára mætt með stórt bros á vör!   Svo hún er búin að sjá hvernig við búum í nýja húsinu  Og greinilegt að henni líður vel.

Annars er lítið annað að frétta, sól og yndislegt vor, allt grænt og að komast í blóma. Vorið hefur löngum verið mín uppáhaldsársíð.

Best að halda áfram að gera það sem ég á að vera að gera...túttilú...