Hæ

Verð að deila með ykkur góðu kökunni sem ég gerði fyrir laugardagskvöldið.  Hún sló bara í gegn hjá mér...hinir voru of uppteknir af Kaloríubombunni...  Svo tók ég reyndar afganginn með í vinnuna í gær og þar sló þessi kaka hressilega í gegn.  Svo þið verðið líka að fá að njóta

Þetta er uppskrift af Café Sigrún.

Dökk súkkulaðikaka (án súkkulaðis)
Gerir 1 köku

Botninn:

• 1 bolli möndlur (ég miða við 250 ml bolla)
  
• 1,5 bolli cashewhnetur
  
• 1,5 bolli döðlur. Láta liggja í sjóðandi heitu vatni í um 15 mínútur. Ekki henda vatninu eftir á, þið þurfið kannski að nota smávegis af vatninu í kökuna, ef hún er of þurr.
• 1,5 kúfuð msk gott kakóduft.
  
• 1/4 tsk heilsusalt
• 1 banani, vel þroskaður
  
  Aðferð:
  
• Blandið fyrst hneturnar vel í matvinnsluvél bætið svo salti og carobi saman við. Geymið í skál.
  
• Blandið saman döðlur og banana þangað til vel maukað.
  
• Blandið saman við innihaldið í skálinni (carobið, saltið og hneturnar).
  
• Kælið í um klukkutíma.
  
• Hellið kökunni á þann disk eða bakka sem bera á kökuna fram á og mótið kökuna með t.d. sleikju. Það má hafa hana ferkantaða, kringlótta (hjartalaga þess vegna!) en aðalatriðið er að hún verði ekki of þykk (fínt að hafa hana svona 2 cm. á hæð).

Ég setti svo súkkulaðið af gulrótarkökunni ofan á:

Súkkulaði

1 1/4 dl hreint kakó
3/4 dl kókosolía
1/2 dl agave
         vanilludropar

Allt sett í skál og hrært vel saman. Síðan er kreminu smurt yfir kökuna.

Bera kökuna fram með rjóma.  Algert nammilaði með góðum kaffibolla!!!

---

Set kannski inn uppskrift af Kaloríubombunni á eftir... 

 

Athugasemdir

[Elín sys (IP-tala skráð) 22.10.2007 kl. 13:41]

Hæ hæ

Vildi segja þér og Lilju að kjúlla rétturinn sló þvílíkt í gegn upp í Borgó um helgina....slurrpppp

Veit ekki hvort ég leggji í þessa köku, örugglega of flókin fyrir mig en hlakka til að smakka hana hjá þér ;-)

pssss.ég er ekki enn farin að fá mail frá þér

[SigrúnSveitó, 22.10.2007 kl. 14:00]

Frekar duló, ég sendi þér mail strax... prófa þú að senda á mig; [e-mail] og ég prófa að svara þér. Skil þetta ekki, sendi einmitt strax mail þegar ég var búin að tala við þig á föstudaginn. Hvor kjúllinn?? Lilja er búin að senda inn tvær uppskriftir nýlega...

[Elín sys (IP-tala skráð) 22.10.2007 kl. 15:22]

Pestó og fetaosta rétturinn var delisíjus