Mini Pizza

Uuuummm, við gerðum mini-pizzur í kvöldmatinn og það var alveg ljómandi gott.

Við erum 5 (fyrir þá sem það ekki vita)

6 pítubrauð, skorin í tvennt (klofin).

Álegg eftir "smag og behag" (við notuðum pizzusósu, skinku, pepperoni, beikon,  sveppi,  púrrulauk, mexíkóost, ost...sem fólk valdi eftir smekk á sína pizzu).

Það skemmtilega við þetta er að hver og einn útbýr sína pizzu.

Skellt í ofninn og ETIÐ!  Hafði reyndar franskar með líka.  

Fékk þetta frá tengdamömmu fyrir löngu síðan

Kannski verðum við að hitta ranga fólkið áður en við hittum rétta fólkið , svo að við kunnum að vera þakklát þegar við hittum loksins þann sem hentar okkur.

Kannski opnast dyr hamingjunar á einum stað um leið og þær lokast á öðrum , en oft störum við svo lengi á lokuðu dyrnar að við sjáum ekki hinar sem hafa opnast.

Kannski er besti vinurinn sá sem þú getur rólað þér með á veröndinni án þess að segja orð og síðan gengið í burtu og liðið eins og þú hafir átt eitt besta samtal ævi þinnar.

Kannski er satt að við vitum ekki hvað við höfum átt þangað til að við missum það , en það er líka satt að við vitum oft ekki hvers við höfum saknað fyrr en við öðlumst það .

Það eitt að gefa einhverjum alla okkar ást tryggir ekki að viðkomandi elski okkur á móti.

Ekki búast við ást í skiptum fyrir ást ; bíddu þangað til ástinn vex í hjörtum annarra og ef það gerist ekki, skaltu þakka fyrir að ástin hafi vaxið og dafnað í þínu hjarta .

Kannski tekur það einungis  mínútu að brjóta einhvern niður, klukkutíma að láta sér líka við einhvern og einn dag að verða ástfanginn af einhverjum , en það getur tekið líftíð að gleyma einhverjum. 

Kannski ættir þú að reyna að ná í einhvern sem fær þig til að brosa , vegna þess að eitt bros getur dimmu í dagsljós breytt .

Ekki fara eftir útliti , það getur blekkt . Ekki fara eftir auðævum, þau geta horfið, finndu einhvern sem fær hjarta þitt til að brosa.
 
Þegar þú fæddist varstu grátandi og allir í kringum þig voru brosandi.

Lifðu þannig að þegar þú deyrð verðir þú brosandi og allir í kringum þig grátandi.

Skrár tengdar þessari bloggfærslu:

• butterfly-story-isl.pps

Góðan laugardag

Fyrst ætla ég að halda áfram að vekja athygli á ÞESSU HÉRNA.

Jæja, pabbi fékk að þrífa upp ælu í gærkvöldi meðan hann passaði fyrir mig.  Jón Ingvi ældi yfir allt rúmið og var voða lasinn greyið.  En í morgun var hann magaverkjalaus og ógleðin horfin.  Hins vegar er hann með beinverki og hita...vonandi gengur þetta fljótt yfir þar sem hann á að fara í aðgerð á þriðjudaginn...nefkirtlatöku og amk ástungu á hljóðhimnurnar.

Annars allt gott.  Ekta letidagur...en verð víst að gera eitthvað í útældu sængurveri og laki...ojojoj...

Mig langar að deila með ykkur vísu, sem ég hef reyndar áður birt á blogginu mínu (kannski samt þessu gamla...)...:

Ég átti blíðan og góðan mann
ég ástina í hans faðmi fann.
En alkohólisminn það hann kann
að gleðja aldrei nokkurn mann.

Mikið var ég hrædd og ein
og fannst ég vinna öllum mein.
Ljóssins faðir þá komst þú inn
og fel ég þér nú anda minn.

Góð vísa er aldrei of oft kveðin, stendur einhversstaðar

Ljós & friður til ykkar þarna úti

Hunter

Stelpur (Erla, Elín og Sigþrúður!!)!!!  Takk fyrir frábært kvöld.  Æðislegt að hitta ykkur og eiga með ykkur notalega kvöldstund.

Hér koma nokkrar myndir af Hunter...en mér tókst því miður ekki að finna "réttu" myndina...engin mynd af manninum, í gallabuxum, "vel kýldum"...!!  

 

 

 

 

 

 

 

Elín, manstu eitthvað eftir töffaranum?  Ég get lofað þér, hann VAR töffari!!!

 

hahaha, og hárið á henni...stórkostlega yndislegt!! 

Mexíkönsk súpa

(f. 4-6...góð upphituð svo allt í lagi að búa til meira...)

2 laukar
4 hvítlauksrif - pressuð
4 msk olía
2 ds niðursoðnir tómatar
1 ten. kjúklingakraftur + 1/2 ltr vatn
1 ten. nautakjötskraftur + 1/2 ltr vatn
1 ltr tómatsúpa (fæst í Hagkaup í fernu)
1 msk kóríander duft
1½ tsk chili duft
1½ tsk cayannepipar

Laukur skorinn og steiktur í olíunni í stórum potti.  Hinu blandað saman við.
Látið malla í 2 tíma.
Smakkað til, má setja meira krydd eða hvítlauk.
1 grillaður kjúklingur tekinn af beinum og settur út í ca ½ tíma áður en borið fram.

Borið fram með sýrðum rjóma, nachos og rifnum osti.

Þetta fékk ég að borða í kvöld.  Hreinasta SNILLD!!! 

Draumurinn minn...

...nú bara að geta hlaupið aftur...mér er nokk sama um maraþonhlaup hvort sem er á jörðu niðri eða í geimnum.  

Ef ég á eftir að geta hlaupið þá verð ég mega lukkuleg.  En mér er sagt að það geti tekið einhverja mánuði eftir liðþófaaðgerð á hné...vona það besta... 

Maraþonhlaup í geimnum

3½ árs skoðun

Fór með Jóhannes í 3½ árs skoðun í vikunni.  Mér fannst frekar skondið í málþroskaprófinu hvað hjúkkan virtist bíða eftir "rétta" svarinu.  T.d. spurði hún: "Hvað gerirðu þegar þú ert þreyttur?" Jóhannes svaraði; "Loka augunum" og hjúkkan beið...og sagði svo; "Ferðu ekki að sofa?" "Jú".  Svo var önnur spurning: "Hvað gerirðu þegar þér verður kalt?" og það stóð ekki á svari; "Set á mig kragann"!!  Og enn beið hjúkkan eftir "réttu" svari...svo leit hún á mig og sagði; "Þetta er allt í lagi".  Önnur spurning var; "Hvað gerirðu þegar þú ert svangur?" "Fer að borða, stundum heitan mat en stundum kaldan mat".  

Svo bað hún hann að benda sé á barnið í gulu fötunum...það var mynd með krökkum í gulum, grænum, rauðum og bláum fötum.  Þá sagði Jóhannes; "Ég ætla fyrst að sýna þér barnið í grænu fötunum" (Grænt er uppáhaldsliturinn hans ).  Hann fer sínar eigin leiðir, þessi ungi maður.  Svo sýndi hann henni líka barnið í gulu fötunum!!

Loforð Guðs...

...sem ég fékk í sms frá vinkonu minni:

Eitt af loforðum Guðs.

Ég hef aldrei lofað að brautin sé bein,
og gullskrýddir vegir alla leið heim.
Ég get ekki lofað þér gleði án sorgar,
á göngunni til himinsins helgu borgar.

En lofað ég get þér aðstoð og styrk,
og alltaf þér ljós þó leiðin sé myrk.
Mundu svo barn mitt að lofað ég hef,
að leiða þig sjálfur hvert einasta skref. 

HÆ ÖLL

Kunningjakona mín var að skilja og er að flytja í íbúð 1. maí.  Hún bað mig að koma þessu á framfæri:

Mig vantar ýmislegt og fjárhagurinn leyfir víst ekki "allt nýtt" þó það sé draumurinn (hvern dreymir svo sem ekki um það). Þætti mér vænt um ef þið vitið um fólk sem er að endurnýja innbúið eða bara eiga hluti sem það vill losna við, þá má alveg benda á mig sem góða hirðirinn, hvort sem hlutirnir eru gefins eða seldir (ódýrt). Strákurinn minn er 9 ára og stelpan 3 ára.
Eftirfarandi vantar mig sérstaklega:

 

- Borðstofuborð/ eldhúsborð og stóla (helst ljóst á litinn en skoða allt)

- Sófa, helst hornsófa eða tungusófa eða sófasett, skoða allt

- Ísskáp með frysti, svona tvískiptan, ísskáp að ofan og frystir að neðan

- Rúm fyrir strákinn (hann langar voða í svefnsófa)

- Rúm fyrir mig (breidd ca. 160)

- Hillur fyrir bæði börnin

- Skrifborð (og skrifborðsstól) fyrir strákinn

- Sjónvarp, vídeó og DVD

- Svefnherbergisskápa

- trip trap stól

- Lampa og ljós

 

 

Með fyrirfram þökk.

 

Endilega látið mig vita ef eitthvað er og ég kem skilaboðum áleiðis.  Hún er búsett í Reykjavík. 

Afmælisbarnið...

...er gömul vinkona mín; Dana.  Elsku Dana, ef þú villist hingað inn...Ástarkveðjur til þín í tilefni dagsins.  Knús...