Verður varla farið...

...í borgarferð í kvöld.  Ætli við verðum ekki að missa af þessu "Þorrablótssprengidagssaltkjötskvöldi" vegna veðurs.  Spáir 18-25 m/sek hérna í kvella og ekki gáfulegt að æða af stað í svoleiðis rok.  Mér þótti nóg um að skjótast hérna innanbæjar í gærkveldi...

Dagurinn hefur verið rólegur.  Dró Jóhannes og Ólöfu Ósk gangandi út í Krónu áðan...Jóhannes verður sko að fá smá hreyfingu til að hann nái að nota orkuna sína.  Annars sofnar hann ekki í kvöld.  Jón Ingvi fór til vinar síns í morgun og ég hef ekkert heyrt, svo ég geri ráð fyrir að þeir uni sér vel.

Núna ætla ég að efna gefið loforð, loforð sem ég gaf Jóni Ingva, og baka kryddbrauð!

200 g hveiti
110 g haframjöl
100 gr sykur (eða 50-75 gr Agave)
1 tsk natrón
2 tsk kanill
½ tsk negull
2½-3 dl mjólk

Bakað v. 180-200°C í 1 klst. 

---

Í gærkvöldi, eða öllu heldur seinnipartinn í gær, gerðum við okkur minipizzur í matinn.  Ólöf Ósk og Jóhannes vilja reyndar ekki pítabrauð, þau fá mexíkanskar pönnukökur í staðinn og setja á þær, og þykir þeim það hið mesta lostæti.

Slafr...rosalega voru mínar góðar...pepperóní og gráðosti.  

Ég bý sósuna til sjálf, blanda saman tómatpuré, tómatsósu og pizzakryddi.  Snilldargóð sósa, með bragði!! 

--

Best að hætta þessu röfli og smella mér í baksturinn!!!

Eigið góðan laugardag, elskurnar mínar. 

Athugasemdir

[Hrönn Sigurðardóttir, 9.2.2008 kl. 14:27]

Lyder godt........... som vanlig

Nei það borgar sig varla að fara langt í þessari tíð

[ragnhildur & inga hrönn (IP-tala skráð) 9.2.2008 kl. 16:28]

kíktu núna á bloggið okkar!! :D  tíhí

[Hugarfluga, 9.2.2008 kl. 19:31]

Mmm .. æðisleg hugmynd, elskan! Strákarnir hafa einmitt svo gaman af að fá að búa til sinn eigin mat! Takk fyrir hugmyndina. 

[Ásdís Sigurðardóttir, 9.2.2008 kl. 21:15]

Alltaf sami dugnaðurinn í minni stelpu.  Hér er bara leti í gangi og við pöntuðum pizzu, ég fékk spelt pizzu rosa góð. Hafðu það gott og ég vona að þú sért ekki að þvælast úti í rokinu.

[SigrúnSveitó, 9.2.2008 kl. 21:40]

Við erum heima, í sjónvarpsglápi og prjóaríi!!!

Og við pöntuðum líka pizzu og létum senda hana!!!

Knús... 

[Gunnar Helgi Eysteinsson, 9.2.2008 kl. 22:00]

[Steinunn Helga Sigurðardóttir, 9.2.2008 kl. 22:43]

-øu ert alltaf svo heimilislega hugguleg kæra sigrún !

Bless á laugardagskvöldi 

steina