Pizza og fleira

Halló elskurnar og GLEÐILEGT SUMAR!!!

Undanfarnir dagar hafa verið skemmtilegir og NÓG að gera.  Í gær fengum við fólk í mat, tvær föðursystur Einars og þeirra menn, pabba Einars og Jónu og frænku Einars og kærasta.  Ég smellti í brúðkaupssúpuna góðu og Bamse´s sødeste juleboller og þetta slær alltaf í gegn.  Bakaði reyndar líka skúffuköku sem féll vel í kramið.  Svo vel að synir okkar vildu endilega fá skúffuköku í morgunmat í morgun!!!

Framundan er vinnuhelgi.  Gaman að því.  Strákarnir ætla í frí til ömmu sinnar (tengdamúttu minnar) og hlakka mikið til.  Ekki amalegt að vera boðið í helgarferð til ömmu!!!  Það sem þeir hlakka mest til er að fá pönnukökur...þeir eru sannfærðir um að amma muni baka pönnsur handa þeim

--

S.l. laugardag fór ég í saumaklúbb með Valkyrjunum.  (Ég heimtaði auðvitað uppskriftina að því sem Gestgjafinn smellti í: 

Pizza að hætti Margrétar Valkyrju, sjúklega góð!!!  Mæli með að þið prófið. Öðruvísi pizza en snilldargóð. 

Botninn er þessi sem hægt er að kaupa í Bónus og flestum öðrum búðum, rúllaður upp í plasti. 
Ég baka hann í svona 10-15 mín, þar til hann er ljósbrúnn. 
Kæli aðeins og hræri svo saman eina dós af hreinum rjómaosti (litlu dósirnar) og einu hvítlauksrifi og smyr á. 
Síðan set ég á hana eina krukku af smátt söxuðum sólþurrkuðum tómötum og eina dós af marineruðum kirsuberjatómö tum frá Sacla, og strái svo furuhnetum yfir. 
Bakað í svona 10 mínútur í viðbót. 
Strái síðan klettasalati yfir og ber hana fram með balsamic dressing sem ég bý til úr balsamic ediki, ólífu olíu og dijon sinnepi. 
Ég hef líka sett á pizzuna ólífur og kapers, um að gera að láta hugmyndaflugið ráða - og nýta það sem er til í ísskápnum.  

Athugasemdir

[Renata, 25.4.2008 kl. 09:09]

Gleiðilegt sumar!!

takk fyrir uppskriftir og þó að ég þekki þér ekki neitt þekki þig meira en áður...

[Marta B Helgadóttir, 25.4.2008 kl. 11:47]

Gleðilegt sumar Sigrún.

Takk fyrir þessa uppskrift, ég mun prófa hana

[Ásdís Sigurðardóttir, 25.4.2008 kl. 20:39]

Jammí jamm. Væri sko alveg til í svona pizzu bara núna strax.  Þú ert nú svo myndarleg að hálfa væri nóg. Eigðu ljúfa helgi og fáðu þér snúning með Einar þínum    

[María Katrín Jónsdóttir Ármann, 25.4.2008 kl. 22:13]

knús

[Steinunn Helga Sigurðardóttir, 26.4.2008 kl. 07:58]

gleðilegt sumar kæra sigrún og takk fyrir yndislega bloggvináttu í vetur

steina 

[Stelpurnar á Hjalla (IP-tala skráð) 26.4.2008 kl. 11:18]

Gleðilegt sumar kæra frænka & family og takk fyrir veturinn.   Vonandi líður ekki langt í hitting :)    Raggý+Inga

[Gunnar Páll Gunnarsson, 26.4.2008 kl. 14:12]

Bon appertif!

Hljómar vel. 

Gunni Palli kokkur 

[JEG, 28.4.2008 kl. 18:11]

Rak hér inn nefið er ég var í leit að uppskrift. Vildi kvitta fyrir mig.

Ég er líka með svona uppskrifta-Blogg en bara á öðrum stað. Jamm það er nú það. Kveðja Jóna

[Linda litla, 29.4.2008 kl. 08:41]

ummm.... ekkert smá girnileg uppskrift hjá þér, þú ert líka með hugmyndaflugið í lagi. Ég væri sko alveg til í að prófa eina svona.

Eigðu góðan dag Sigrún.