Leita í fréttum mbl.is

Bloggfærslur mánaðarins, desember 2008

Året der gik!

Stundum fungerar hausinn minn betur á dönsku...mætti halda að ég hefði búið stærstan hluta ævinnar í Danmörku...en ekki *bara* ca 1/4 ....

Nenni ekki að skrifa annál, eins og á síðustu áramótum...og þarsíðustu áramót...!!

Árið hefur verið yndislegt og ég hef margt að þakka fyrir, enda geri ég það á hverju kvöldi þegar ég tala við Guð. 

myspace layouts

Mig langar að óska ykkur öllum hamingju og friðsæl í hjarta á komandi ári. Þakka innilega árið sem er að líða.

 

myspace layouts

 


Jæja...

...þá er sko orðið ansi stutt í seinni endann á þessu ári. Ótrúlegt alveg. Hef ég sagt ykkur að einu sinni var árið 2000 í órafjarlægt - sko úti í framtíðinni - árið sem ég yrði þrítug!!! Núna er árið 2000 orðið ansi óralagt í burtu...í fortíðinni!!

Eins og einhver sagði; *Time flyes when you´re having fun*!!! Ég get ekki annað en tekið undir þessu fleygu orð!

--

Undanfarnir dagar hafa liðið áfram í átakalausri sælu.  Í gær átti ég reyndar smá bágt, saknaði systkina minna og foreldra á Nobbó ansi mikið. Heyrði aðeins í Maríu sys. og Aðalsteini bró. og þau voru saman komin, ásamt Lilju sys. heima hjá Maríu. Bara smá hugginugg yfir kaffibolla...og ég fékk saknikast!!
Ég fæ alltaf svona saknikast milli jóla-og nýárs. Þegar þau eru að hittast og ég *bara* hér. Ég er alveg laus við þessar tilfinningar á sjálfum jólunum, þ.e. 24.-26. des. 24. og 25. des. vil ég bara vera heima að kúldrast og 26. eru yfirleitt jólaboð og svoleiðis skemmtilegheit :) Svo koma *dauðu* dagarnir, lítið að gerast þannig, bara rólegheit og þá finnst mér ég vera dálítið utanveltu.

Fjölskyldan hans Einars er yndisleg, en það kemur enginn í staðinn fyrir mína eigin fjölskyldu, sem ég var vön að eiga þessa daga með. Mig langar í kaffispjall hjá mömmu, mig langar að knúsa þau öll.

EN í staðinn fyrir að velta mér upp úr þessu í gær, og jafnvel leggjast inn í bæli og skæla yfir þessum *örlögum* (gleymum ekki að það er mitt (og Einars) val að búa 700 km í burtu frá fólkinu mínu) þá ákvað ég að sms´a vinkonu minni og sjá hvort hún væri heima og gæfi kaffi.
Jón Ingvi var hjá vini sínum og Einar að byggja húsið okkar, svo ég og Jóhannes fórum til hennar yndislegu Þórunnar minnar og áttum þar ljúfa stund. Mikið kaffi og gott spjall. Ef þú lest þetta, elskan mín, ástarþakkir fyrir að vera tilstaðar fyrir mig *knús*.

--

Í dag var að því komið að viðra drengina! Þeir voru orðnir ansi fjörugir og nett-pirraðir eftir mikla inniveru og FIFA 09 spilamennsku.... Svo ég fór í langan labbitúr með þeim og það var svoooo notalegt. Þeir eru algerir snillingar, og svoooo skemmtilegir (ég er algerlega hlutlaus...Tounge) og það var svoooo gaman hjá okkur. Þeir keyptu sér fótboltamyndir í Eymundsson (að sjálfsögðu) og svo röltum við í rólegheitunum heim aftur.

Bara notalegt. 

Einar er farinn á kvöldvakt og er því lokið fleiri daga fríi okkar saman. Búið að vera mjöööög notalegt.  Við erum meira að segja búin að horfa á imbann (reyndar þætti af flakkaranum) 3 kvöld í röð og slíkt hefur ekki gerst í mannaminnum!!

Svo ætla ég snemma í bælið í kvella, laaaangur vinnudagur á morgun!

Nóg í bili. Knúúúzzzzzzzzz.......... 


Jólin

Jólin mín hafa verið alveg yndisleg. Aðfangadagur var ljúfur og góður. Við (ég og börnin - Einar var í vinnunni) fórum út í búð undir hádegið og að innkaupum loknum fórum við í jólakortaleiðangurinn okkar. Keyrðum út kortin og hittum yndislegt fólk á leið okkar um bæinn. M.a. var okkur boðið inn í kaffi og með´í hjá Stínu, stórvinkonu Jóhannesar :) Stína er algert yndi og það hafa kynnst henni gerir líf okkar sannarlega ríkulegra en ella.

Eftir að jólakortaútkeyrslunni lauk þá fórum við heim og elduðum grjónagraut. Jóhannes fékk möndluna, 2. árið í röð og var hann mjög lukkulegur með það. Möndlugjöfin var í þetta sinn slatti af sælgæti sem þau systkinin gæddu sér á yfir "Nisserne´s ø" sem var í fjölskyldugjöf frá Tinnu og fj. í Danmörku.

Ég setti kjötið í pott...hef aldrei fyrr komið nálægt jólamatnum...en Einar var að vinna til 15.30..hann sá svo alveg um að fullkomna matinn.

Aðfangadagskvöld var yndislegt, tengdamamma mín og tengdaamma komu og eyddu kvöldinu með okkur, sem var yndislegt. Þær eru sannar perlur.

Jóladagur var notalegur. Við hjónakornin sváfum á okkar grænu til kl. 10.30, þá drifum við okkur á fætur og svo var *brunch* um 11.30; hangikjet með uppstúf og tilheyrandi.

Ég fór svo á kvöldvakt, og áður en ég fór að vinna keyrði ég skvísuna okkar, Ólöfu Ósk, til ömmu sinnar. En þar gisti hún um nóttina og tengdó keyrði hana svo út á flugvöll eldsnemma morguns á 2. í jólum. Ólöf Ósk er nú í góðu yfirlæti hjá Cille vinkonu sinni og hennar fjöldkyldu í Græsted.

2. í jólum. Við fórum í jólaboð með stórfjölskyldunni minni. Föðurættinni minni sem sagt. Þar vorum við einu sprotarnir úr pabbalegg, þar sem pabbi er hjá Lilju sys. og aðrir úr hópnum uppteknir annarsstaðar.

Á eftir fórum við svo til tengdó í mat. Fengum dýrindis lambahrygg...slafr...!! Þar voru líka Valtýr mágur og fjölskylda.

Í dag erum við búin að vera í rykinu í óbyggðahluta hússins. Ég er búin að fara í gegnum dót og henda slatta...en það þarf að færa til þar sem nú er *gamla* þurrkherbergið ekki notað lengur; ég er jú búin að fá þvottahúsið MITT!!!
Einar er að gifsa veggi, leggja rafmagnsrör og svona. Svo duglegur!! Hetjan mín :)

Jæja, nú ætla ég að útbúa kvöldmat handa familíjunni. Strákarnir ætla að fá gordon bleu en við hjónakornin ætlum að gæða okkur á hamborgarhryggnum!!!

Knúzzzzzzz......

hohoho


Græsted

Ég hugsa oft til Græsted, þar sem við bjuggum 6 af 9 árum í Danmörku. Þar áttum við okkar bestu ár í Danmörku, og þar kynntumst við mörgu góðu fólki. Ég tel mig mjög lánsamna að hafa fengið að eignast eins marga yndislega vini og raun ber vitni. Það er mér mjög mikils virði.

best_friends_comment_04

Á aðfangadag í ár keyrðum við um bæinn, hérna á Akranesi, og dreyfðum jólakortum. Á einum stað var okkur boðið inn og við stoppuðum örugglega klukkutíma yfir kaffibolla (bollum...) og yndislegu spjalli, í eldhúsinu hjá Stínu, þeirri yndislegu konu. 

Stína er ein af perlunum hans Jóhannesar á leikskólanum, önnur af tveimur perlum sem tekur á móti honum þá morgna sem hann þarf að fara kl 7 í leikskólann. Stína og Gunnhildur opna alla daga, og hjá þeim er einstök stemming, kyrrð og ró og fullt af kærleika og hjýju. Jóhannes eeeeelskar að fara til þeirra og vildi gjarnan mæta alla daga kl 7 ef hann fengi að ráða! 

Jæja, tilbaka til jólakortahefðarinnar!

Þegar við bjuggum í Græsted þá vorum við mæðgur vanar að rölta um bæinn á Þorláksmessudag og afhenda jólakortin. Okkur var einmitt boðið í bæinn á held ég bara öllum stöðum sem við komum, svo framarlega sem einhver var heima að sjálfsögðu. Þetta var stórkostlega skemmtilegt og ómetanlegt og yndislegt upphaf að jólahátíðinni. Því hvað er betra en glaðar stundir í góðra vina hópi????

Þegar allt kemur til alls þá er það einmitt kærleikurinn sem er mikilvægastur, það að eiga fjölskyldu og góða vini til að njóta samvista með. 

 


3 af okkar nánustu...

...klikka...sumir ár eftir ár...aðrir hafa tekið upp á því nýlega!!

Jón Ingvi er 8 ára, er að lifa sín 8. jól og enn eru sumir af okkar nánustu að skrifa nafnið hans vitlaust... Jón Ingvi er sjálfur farinn að lesa það með danskri áherslu og hneykslun í röddinni...þegar fólk skrifar "Jón Yngvi"!!  

Hann segir jafnvel; "Hver er þessi Jón Yngvi"!! 

Alveg eins og Ólöf Ósk segir; "Hver er þessi Ólöf?" þegar hún er ekki kölluð báðum nöfnunum. Það er ótrúlega stór hópur innan okkar nánustu fjölskyldu sem er ekki enn búinn að fatta að hún vill láta kalla sig báðum nöfnunum...og hún er 13 ára! 

Þetta var smá pæling á jóladag...svona rétt áður en ég smelli mér í vinnunaTounge


Gleðileg jól, elskurnar mínar :)

Jæja, þá er aðfangadagskvöld að verða liðið, spennufall á öllum vígstöðvum. Börnin er alsæl með sig og sitt og það sama gildir um foreldrana. Við vorum svo lánsöm að fá að hafa tengdamömmu og tengdaömmu hjá okkur í kvöld. Yndislegar konur.

Allir - held ég - borðuðu sig vel á hliðina...nema kannski Jón Ingvi, honum þykir ekki jólamatur neitt sérlega góður. En hann smakkaði og borðaði nokkra bita og er það í fyrsta sinn síðan hann var ca 2ja ára sem hann gerir það. Sem er frábært. 

---

Jóhannes sá mér fyrir sjokki í dag, ég nötraði á eftir...!! Við fórum í Einarsbúð að versla smotterí í morgun. Jóhannes bað mig að kaupa 2 græn epli, sem ég gerði. Hann hélt sjálfur á þeim út í bíl, nema þegar við komum út þá fóru þeir bræður í kapphlaup út í bíl, sem þeir gera oft. Nema hvað, sökum þess að margir voru að versla á sama tíma þá var bíllinn dálítinn spotta burtu... Pokinn með eplunum rifnaði á hlaupunum og eplin skoppuðu milli tveggja kyrrstæðra bíla í vegkantinum og Jóhannes hljóp á eftir þeim. Það komu bílar á góðri siglingu úr báðum áttum...og ég GARGAÐI!!! Ég stóð gjörsamlega á orginu þarna og HLJÓP eins og fætur toguðu á eftir drengnum. Ég átti ekki séns í að ná honum, en eplin höfðu sem betur fer ekki skoppað alla leið út á götu...því þá hefði getað farið illa! 

Jóhannes hágrét þegar ég náði til hans. Þá virtist hann vera búinn að átta sig á þessu öllu. Ég útskýrði í rólegheitunum fyrir honum að ég gæti alltaf keypt ný epli, og hann mætti ALDREI gera svona, þetta væri SVOOOOO hættulegt...og hann hágrét, þessi litla elska. 

Jóhannes 5 ára sætilíus :) Ég vil ekki hugsa þá hugsun til enda ef eplin hefðu rúllað lengra...

Enda á *hefði* og *ef* ekki að finnast í orðabókinni!

---

Anyway, ég óska ykkur öllum yndislegrar jólahátíðar, með frið og kærleika í hjörtum.


Þá er ég...

...búin að baka þessar 3 sortir sem ég ætla að baka handa familíjunni. Ólöf Ósk ætlar svo að baka lakkrístoppana á morgun, dugnaðarstelpuskottið okkar :) Ég bakaði spesíur (sem er ekki neitt spes að mínu mati), engiferkökur og afakex. Þessar 3 sortir eru skilyrði fyrir því að minn heittelskaði geti haldið jól...! Reyndar verður líka að vera hamborgarhryggur a-la-Einar og svo brún með hvítu...en þá eru líka jólin fullkomnuð og þessi elska nær varla andanum af hamingju...og seddu ;)

Jón Ingvi erkiengill

Annars er dagurinn búinn að vera góður. Jón Ingvi stóð sig rosalega vel í hlutverki erkiengilsins Gabríels í morgun. Svaka flott hjá þeim öllum. Flottir krakkar þarna á ferð, undir stjórn síns frááábæra kennara, hennar Árnýar Huldu.

Ég fór með drengina í jólaklippinguna og þeir alsælir. Bara krútt :)

Jamm. Einar skrapp til Krýsuvíkur, en er á heimleið.

Góð helgi framundan, bæði afslöppun og tveir fjölskylduhittingar. Á morgun afmæli hjá frænku Einars og krakkanna og á sunnudaginn er skírn hjá Gunnari bró. Hann ætlar (held ég sjálfur) að skíra yngsta fjölskyldumeðliminn, son sinn Huga.

Þannig að þetta verður nice helgi, eins og þær eru nú reyndar alltaf hjá okkur :)

 

myspace layouts Bara smá tjillll!!!

 

myspace layoutsBeikon og egg í morgunmat á morgun...niiiiice...slafr...

Jæja, held ég hætti núna....að lokum þetta....;

 

profile editor

 


Á morgun

Nú er ég komin í 3ja daga helgarfrí, sem er ljúft. Samt líka smá leiðinlegt því mér finnst svooooo gaman í vinnunni :) Sem er náttúrlega bara frábært.

Á morgun er svo sem í nógu að snúast, svo ég er ákveðin í að fara að sofa þegar ég er búin með þessa færslu!

Í fyrramálið er ég að fara með Jóni Ingva í skólann, það eru litlu jólin og það er hefð fyrir því að 3. bekkur er með jólahelgileikinn. Jón Ingvi var valinn til að vera Gabríel, erkiengill. Hann sagði mér það að erkiengillinn stjórni kórnum...og hann gæti því alveg tekið upp á því að láta kórinn syngja; "We will, we will ROCK YOU"! hehe...

Vitiði, svo er ég að spá í að hnoða og hræra í ýmsar smákökur og hespa þessu af. Það var með ráðum gert að bíða fram á næstum því síðustu stundu, enda ætla ég EKKI að gera margfaldar uppskriftir...þau hafa bara ekkert gott af því!

Svo held ég líka að ég setji í eina eða tvær sykurlausar!! Yummi!

Ekki meir að sinni...

Ps. lofa að setja inn myndir af húsinu very sooooon!! 


Hæ hó

Jæja, ég er mætt aftur :) Er sérlega upptekin á facebook þessa dagana, búin að stofna 3 grúppur og hef verið að setja inn myndir og svona. Svo hef ég líka verið að sinna öðrum störfum en tölvuhangsiLoL

Eeeeen, ég skal segja ykkur eitt. Ég var gestgjafi í vinnunni s.l. fimmtudag (það er venja að einn starfsmaður sé gestgjafi á fimmtudögum og mæti þá með morgunmat handa vinnufélögunum, mjög skemmtileg hefð). Ég mætti með kryddbrauð og bananabrauð og síðan þessar snilldarlega góðu smákökur, uppskrift frá Sollu.

Lífrænar súkkulaði og hnetusmákökur 
-gerir um 80 litlar eða 60 stærri smákökur

100g kókosolía
1 dl agavesýróp
1 dl gróft hnetusmjör
½ dl nýpressaður appelsínusafi
100g dökkt súkkulaði (t.d. 70%)
3 msk rifið appelsínuhýði
250g spelt
1 ½ tsk vínsteinslyftiduft

Látið kókosolíuna standa á borði yfir nótt svo hún sé orðin mjúk. Hitið
ofninn í 180°C. Hrærið saman kókosolíu + agavesýrópi + hnetusmjöri + appelsínusafa þar til það blandast vel saman, bætið restinni af uppskriftinni útí (ég nota annað hvort hrærivél eða matvinnsluvél með hnoðara), setjið bökunarpappír á ofnplötu, setjið deigið á með teskeið (eða bara fingrunum), bakið í um 10 mín við 180°C. Kælið á grind.

myspace graphics

Mæli algerlega með þessari, rosalega góð, ekki of sæt, bara snillllllld!

 

Jóhannes stóð sig eins og hetja sem vitringur (myndir eiga eftir að koma inn...) og nú er Jón Ingvi erkiengill á föstudaginn! Hann er ánægður með það, segir að hann, sem erkiengill, ráði hvað verði sungið...og hann segist vera að spá í "We will, we will rock you"!!!!

 

Meira síðar, ætla að halda áfram í framkvæmdum.

 

Hlakka til að taka á móti ykkur í kaffi og jafnvel með'ðí (ef þið gerið boð á undan ykkur), eeeeelska að fá gesti...svo það er bara að leggja land undir fót alles!!!

 

Ást...

 


Næsta síða »

Hér skrifar

SigrúnSveitó
SigrúnSveitó

Innskráning

Ath. Vinsamlegast kveikið á Javascript til að hefja innskráningu.

Hafðu samband