Miðvikudagsmorgun

Ætti að vera farin í vinnuna, en prinsessan á bauninni þarf að fara til læknis núna 8.45 svo ég mæti of seint í dag. Henni er illt undir hendinni og finnur til við andardrátt, svo doksi vill skoða skvísuna.

Jóhannes er búin að taka að sér það hlutverk að kristna leikskólaliðið! Finnst konurnar sínar ekki vita mikið um Guð... Ég sagði honum áðan að hann gæti tekið geisladiskinn sinn með einhverntímann og leyft þeim að heyra. Á þessum geisladisk segir Sigga Helga, gömul vinkona okkar systranna, börnunum dæmisögur og syngur.  Diskur sem hefur slegið í gegn hjá drengjunum og þeir sofna út frá á hverju kvöldi!

Ég fékk eitthvað nett óttakast yfir þessu áðan en það bráði fljótt af mér.  Hugsunin sem skaut upp í huga mér var; "Ætli þær haldi að við séum eitthvað ægilega kristin?!" En svo heyrði ég strax röddina í hjartanu sem sagði; "So what ef þær halda það?! Ég trúi á Æðri Mátt, sem ég kalla Guð. Lít á mig sem kristna þó ég stundi ekki kirkjusókn, iðka mína trú fyrir mig. Og það skiptir ekki máli hvað aðrir halda eða hugsa."

Jamm.  Segi það enn og aftur; lífið er svooooo ljúft!

Best að gleypa eitthvað smá matarkyns áður en við mæðgur rjúkum af stað til doktorsins...

Knúsimús... 

YouTube...

Tímaþjófur er þessi tölva...stjórnleysi i gangi hér á bæ...en NÚNA fer ég að gera eitthvað af viti!!!

Fyrst bara varð ég að deila þessu með ykkur...

 

Jæja...

...dagurinn byrjaði eins og oftast...ég átti erfitt með að vakna! Hvað er málið með mig?  Einar sprettur á fætur um leið og klukkan hringir...lætur hana jafnvel hringja hálftíma fyrr en hann ÞARF til að ná að fara og synda áður en hann fer í vinnuna...ég skil ekki svona...

Ég var ákveðin í að skríða undir sæng um leið og ég væri búin að fara með Jóhannes á leikskólann...en svo var ég bara glaðvöknuð þegar ég var búin að smyrja nesti fyrir skólabörnin, svo ég ákvað að fara að æfa í staðinn.  Góð ákvörðun!

Sem sagt, komin heim aftur, búin að æfa og er að spá í að skella mér í bílskúrinn...reyna að taka smá til...ef ég get gert það án Einars...þetta er eiginlega tveggja manna verk...og ég þarf eiginlega kraftana hans líka til að færa sumt úr stað...plús að hann er snillingur í að raða enda var hann sendibílstjóri og lærði að raða vel svo sem mest kæmist í bílinn.

Jamm, maðurinn minn er snilli, alveg sama hvernig á það er litið! Eða það finnst MÉR!!!

Ég er vel gift
 

 

--

Var að skoða bloggið hjá Döbbu frænku og rakst á þetta!!

Frekar ógeðslegt ef þetta er satt...gott við borðum ekki McDonalds...borðuðum síðast á McDonalds í ágúst 2005, nánar tiltekið á McDonalds í Kolding...við fengum öll magaónot og fjölskyldan tók sameiginlega ákvörðun um að fara ALDREI aftur á McDoanlds og við höfum sem sagt staðið við það!  Jón Ingvi á það reyndar til að minnast á McDonalds...Ólöf Ósk man enn vel eftir ógeðinu sem við fengum...Jóhannes var bara 2ja ára og man ekkert eftir þessu og hefur ekki hugmynd um hvað McDonalds er...og vonandi verður það bara þannig áfram

Jæja...best að vinda mér í einhverjar framkvæmdir...

Knús út í daginn til ykkar allra. 

Linda...ein enn af þér

Sparsli sparsl...

...dagurinn fór í sparsl...og svo hitting með paragrúppunni okkar. 

Frábær dagur.

Meira síðar...

 

Örstutt fyrir svefninn...

...þarf reyndar að hengja upp úr vélinni fyrst...

Byrjaði daginn á að hjóla, með Jóhannes aftan á, í brjáluðum mótvindi - íííískaldri norðanátt - upp í hús! Fór í sparsl-vinnu.  

Skrapp svo - á bílnum - með Jóhannes í íþróttaskólann. Gaman, gaman. Það er bara frábært að fylgjast með honum, hann er meiri íþróttaálfurinn, þessi drengur.  Bara gaman. Hann hleypur allan tímann og er með stórt bros allan tímann! Bara sætur!

Jón Ingvi fór með og það var bara ljúft.  Sátum og spjölluðum, milli þess sem hann gekk um og leitaði að frænda sínum sem átti að vera þar...langaði mikið að spjalla við hann.  Við áttum svo góða stund saman þarna á áhorfendapöllunum. Yndislegt. 

Svo var það bakaríið...síðan aftur upp í hús...og viti menn, það var komið ljós á halogenið í ganginum!!! Vantar reyndar 3 ljós...voru bara til 6 í gær og eiga sem sagt að vera 9 stykki þarna.  Very cool.

Dagurinn fór sem sagt í sparsl og ætli morgundagurinn fari ekki í eitthvað svipað...svo ég held ég drulli mér í bælið...þó ég sé SVÖÖÖÖÖNG!!!!! 

 

Knús inn í draumalandið

Veggirnir uppétnir...

...krónan, þessi íslenska, er að verða búin að éta upp veggina í nýja húsinu okkar!  Gengið kolféll...og veggirnir hreinlega gufuðu upp!!!

En ég get sagt ykkur að það er ekki svo slæmt! Því að, næsta vor, á prinsessan á bænum að fermast og við ætluðum okkur alltaf að hafa ferminguna heima.  Eins og málin líta út í dag þá lítur út fyrir að við verðum með STÓRAN sal HEIMA!!!  

Ekki slæmt!

Svo við getum aldeilis haldið 10 ára afmæli bóndans í des, fertugsafmælið hans í mars og svo fermingu í apríl, allt án mikilla takmarkana hvað fólksfjöldann varðar...amk plássins vegna!!

Jamm.  Við erum alltaf að græða

--

En það eru komin loft í næstum allt í þeim hluta sem við ætlum að flytja inn í núna í lok apríl. Og veggir! Og það stefnir í sparsl-helgi hjá mér.  Alltaf nóg að gera.

Svo hlakka ég bilað mikið til að byrja að pakka.  Ætli ég byrji bara ekki í næstu viku.  Þarf sko að fá minn heittelskaða með mér í bílskúrinn hérna heima fyrst...aðeins að endurskipuleggja...kannski jafnvel henda einhverju... 

Afmæli

Ég ætla að brjóta það sem ég tilkynnti um daginn...ég sagðist hætt að afmælisblogga...en ætla að afmælisblogga í dag...bara í dag...

Afmælisbarn dagsins er þessi fallega kona:

Amma Bára á afmæli í dag. Bára er föðuramma Einars.

Amma Bára er 92 ára í dag.

Sannkallaður skörungur er þessi kona og hef ég verið svo lánsöm að hafa fengið að kynnast henni nokkuð vel s.l. ár.  

Þar sem hún hefur lifað 92 ár, og tímana tvenna þá hefur hún frá ýmsu fróðlegu að segja og hef ég fengið að njóta vel.  Bára segir frá á skemmtilegan hátt, hlær mikið og er yndislega lífleg, hlý og skemmtileg kona.

Hún er svo stolt af okkur Einari og ljómaði að gleði þegar hún kom og skoðaði húsið okkar fyrir tæpum tveimur vikum síðan.

Bára fær mínar bestu kveðjur í tilefni dagsins. 

Finnst einhverjum þetta vera í lagi???

Tveir dómar sama dag á sama landinu.

Héraðsdómur Suðurlands hefur dæmt karlmann í eins árs fangelsi,
þar af níu mánuði skilorðsbundna, fyrir hrottafengna árás og nauðgun
gagnvart unnustu sinni. Þá var hann dæmdur til að greiða henni rúmar
*sex hundruð þúsund *krónur í miskabætur. —-

———-Hæstiréttur hefur dæmt Hannes Hólmstein Gissurarson til að
greiða Auði Laxness, ekkju Halldórs Laxness, *eina milljón og fimm*
*hundruð þúsund* í fébætur fyrir brot á höfundarrétti í fyrsta bindi af
ævisögu Halldórs. Þá er Hannes Hólmsteinn dæmdur til að greiða 1,6
milljónir í málskostnað.

Hvor konan ætli hafi þjáðst meira, andlega og líkamlega?

Home Sweet Home

Sváfum út í morgun, meira að segja strákarnir...meira að segja Jón Ingvi!  Hann svaf til 9.30!!!  Alveg búinn eftir páskafríið

Loksins þegar við svo dröttuðumst á fætur þá hjóluðum við niður í bæ.  Fórum að kaupa tölur á peysuna sem ég var að prjóna áður en ég fór austur.  Ég ætla að gefa mömmu hana, vona að hún passi henni og henni líki hún.  Mjög spennó.

Annars liggur núna fyrir að taka til og þrífa...nenni því ómögulega...en það er ekki alltaf spurt að því... Það stendur til að einhver fasteignasala komi og taki myndir...  Mikið væri nú gaman og gott ef íbúðin myndi nú bara seljast og ekki meir með það!

--

Að lokum þetta...og þetta er spes fyrir þig, ástin mín eina og sanna; 

Hvað væri ég án þín og ástar þinnar?

Komin heim!!!

Alltaf jafn yndislegt að koma heim, sama hversu vel ég hef notið mín og hversu gott ég hef haft það, þá er alltaf gott að koma heim.  Það sannast enn á ný að;

 

Náði aðeins að knúsa minn heittelskaða áður en hann rauk af stað á kvöldvakt. Ætla sannarlega að vaka eftir honum og knúsa hann enn meir.  Hlakka til að kúra í hans örmum í nótt

 

Vikan fyrir austan var yndisleg.  Ég er svo lánsöm að eiga svona frábæra fjölskyldu þar sem við erum góðir vinir og algerlega samtaka og samstíga, vinnum vel saman og höfum gaman.  Ég þarf amk ekki að kvíða að halda fermingu sjálf á næsta ári...strax búið að raða verkefnum niður

Elskurnar mínar allar, systkini, makar, foreldar, börn...TAKK, TAKK fyrir frábæra viku!!

--

Ég er búin að setja myndir inn á heimasíðu barnanna.  127 myndir úr fermingum og fleiru, allt tekið fyrir austan þessa viku.  

Svo smellti ég auðvitað inn myndum úr húsinu, Einar smellti af í gríð og erg...þarf að senda bankanum þær...svo ég ákvað að nota tækifærið og gleðja hann Sindra minn!!

Held ég láti staðar numið en læt þó fylgja þrjár myndir...restin er HÉR:

Þessi er tekin þegar við heimsóttum Gumma R.  Gummi er bekkjarbróðir minn frá Nobbó, hann gaf út frábæran geisladisk s.l. sumar og eru ég og strákarnir miklir aðdáendur og hefur diskurinn verið MIKIÐ spilaður!!

 

 

ég og Jón Ingvi, fórum bæði í klippingu á Nobbó!