je ræt!!!

Á ég svo sem að trúa öllu sem að mér er logið??!!  Eins og t.d. þessu;

Sporðdreki: Er allt í drasli? Frábært! Að taka til mun ekki einungis bæta ytri veröld þína, heldur mun það pússa hugmyndaflugið sem auðvitað skiptir öllu máli.

 

Ok, ég get alveg séð að það sé gaman að hafa allt fínt, og finnst ágætlega fínt hjá mér í dag, og yfirleitt.  Hins vegar mun ég aldrei geta sæst á að það bæti veröldina að taka til!!  

 

Gott að ég trúi ekki á stjörnuspeki!!!

 

Nú byrjar ballið!

Þrjú af fjórum börnum okkar eiga afmæli á næstu 17 dögum.  Bára, stærsta (ennþá) og elsta, er 16 ára í dag, 31. júlí!!!  

Hér er mynd af okkur sem var tekin á Kastrup í júní s.l.  Sjáiði bjútíið!!!

Elsku Bára, megi dagurinn verða stórkostlegur og ég óska þess að sólin skíni á þig og í hjarta þínu í dag og alla daga.  

Sjáumst vonandi very soooon!!!

Knús&kærleikur frá okkur öllum til þín, yndislega stelpuskott! 

Fyndið!!

Ég er alltaf að fá komment á varðandi virkni mína.  Að ég sé alltaf á fullu og hvaðan ég fái þessa orku og svoleiðis.  Það sem mér finnst fyndið við þetta er að ég hef aldrei séð mig sem sérlega virka manneskju.  Ég hef oft sagt við Lilju sys. að hún sé ofvirk...eða ofurvirk, eins og ég vil frekar kalla þetta til að misnota ekki orðið ofvirkni (sem mér finnst misnotað orð).  

Þessi komment hafa gert að ég hef farið að hugsa um þetta mál.  Ég hef komist að þeirri niðurstöðu að sennilega er ég bara líka ofur-virk, en á öðrum sviðum en elskuleg systir mín.  Held ég...eða kannski erum við bara líkari en við héldum...og ekki að mér leiðist það neitt, því systa mín er yndisleg

Eins og þeir vita sem lesa bloggið mitt reglulega þá er alltaf eitthvað um að vera og ég (og fjölskyldan) hendumst út og suður, ótt og títt.  

T.d. í kvöld.  Við vorum á hreint frábærum tónleikum með Jónasi vini okkar.  Krakkarnir voru að tapa sér úr spenningi allan seinnipartinn.  Fyrir utan að þekkja Jónas vel þá þekkja þau líka vel diskinn sem Jónas gaf út s.l. haust/vetur, svo þetta var tvöföld gleði; bæði að hitta Jónas og hlusta á hann, tala nú ekki um að fara á tónleika að kvöldi til!!! 
Jóhannes ljómaði eins og sól í heiði þegar titillag plötunnar; "Þar sem malbikið svífur mun ég dansa" hljómaði og sagði; "Þetta er UPPÁHALDS lagið mitt"

Verð að segja, stórkostlegir tónleikar!!!  Snilldarlegt kvöld.  Elsku Jónas, TAKK fyrir okkur!!!!

Á morgun er nýr dagur, og hann verður pottþétt yndislegur, en núna ætla ég að skríða undir sængina mína og sofna ljúft með minn heittelskaða mér við hlið

Ljós&kærleikur... 

Mánudagur

Og 1. í sumarfríi hjá mér!!  Er í fríi til miðvikudagsins 8. ágúst!!  Gaman, gaman.  Við erum búin að föndra í dag, ég og börnin (Einar svaf eftir næturvakt...er núna farinn upp í hús!).  Við erum að búa til ægilega sætt handa krílinu sem kemur í heiminn the day after tomorrow...i overmorgen...ekki á morgun heldur hinn!! Sem sagt 1. ágúst!!  Veit þó ekki tímasetninguna.

Ég ætla ekki að upplýsa hér og nú hvað við erum að föndra, þar sem foreldrar ungans eiga það til að lesa bloggið mitt en um leið og gjöfin er komin í réttar hendur þá set ég auðvitað inn mynd af herlegheitunum!!!

Ég og Ólöf Ósk vorum líka að skrappa í gær.  Það er svo gaman.  Ég gerði m.a. skrapp um útskriftina mína...og smá meir sem er líka leyndó í nokkra daga...

Juminn hvað ég er leyndardómsfull

Annars er bakið eitthvað skárra en í gær, get amk gengið upprétt...langar til kírós...hef tröllatrú á kíróum enda hefur einn slíkur gert kraftaverk fyrir mig, m.a. á meðgöngum.  Ég sagði líka við hann, þegar við vorum að flytja, að ég gæti ekki lifað án hans...!!  Hann yrði að koma reglulega til Íslands!! Þetta var greinilega ekki gagnkvæmt...hann benti mér á aðra kíróa...hérna á Íslandi!! (Kannski var það af umhyggju...)

Jæja, best að reyna að klára föndur dagsins!!

Ljós&kærleikur... 

Dagurinn í dag

Í gærkvöldi var ég með smá verk neðst í bakinu þegar ég stóð á fætur...en mig grunaði ekki hvað var í þann veginn að gerast...

...ég vaknaði í morgun með þetta líka þokkalega skessuskot í bakinu (þursabit kalla sumir þetta).  Ég var komin í keng um hádegið...shit hvað þetta er sárt.  Ég var svo heppin að komast í nuddstól og svo í smá 'Bauer-meðferð' hjá einni sem ég þekki...svo verkjalyf og upp í rúm þegar ég kom heim!!  Vona að þetta allt hjálpi og ég lagist sem fyrst!!

Áður en ég byrjaði það líf sem ég lifi í dag var ég alltaf að drepast í bakinu, fékk svona skessuskot að meðaltali tvisvar á ári.  Í dag þegar ég fékk þetta þá hugsaði ég með mér að þetta væri ágætis áminning um hvað heilsan er mikilvæg og hversu þakklát ég er fyrir að vera heilsuhraust. 
Hérna áður þá var það  'sjálfsagður' hluti af mínu lífi að vera svona reglulega!! 

Ég hef komist að því að bakverkurinn í 'gamla' daga var andlegur sársauki sem braust út í bakinu.  Kannski þessi verkur núna sé uppsprottinn í ótta...því ég hef verið töluvert stressuð að standa ein vaktir og hrædd um að eitthvað gerist sem ég ræð ekki við.  

En eins og góð vinkona mín sagði í gær að þá snýst þetta um að trúa og treysta því að ég fái ekki stærri verkefni en þau sem ég ræð við.  Ég ætla að gera það!  Og þegar hún sagði þetta þá rankaði ég við mér og sá að það er einmitt þannig sem þetta hefur verið síðan ég byrjaði.  

Og ég veit alveg að þannig virkar þetta og ég veit líka að ég kann meira en ég held.  Svo nú ætla ég að muna að ræða við 'Gussa' um þessi mál og sleppa tökunum á óttanum.  'Let go and Let God'!!

Knús&kærleikur... 

Rólegheit

Var að vinna í dag, nóg að gera. 

Svo kom ég heim, í alger rólegheit.  Ólöf Ósk er hjá vini sínum, þau eru 3 vinirnir úr sunddeildinni sem eru búin að stofna 'sleep-over-club', sem hefur það að markmiði að gista saman á HVERJU laugardagskvöldi.  Reglurnar eru; það á að taka með sér sæng og kodda og eitthvert nasl.  Þau eru algerar samlokur og eru búin að vera það í viku stanslaust.  Fram að því var stopult samband.  

Einar og strákarnir sáu um að sinna vinum og vandamönnum, þeir fóru í 'partý' hjá vinafólki okkar frá Dk sem eru stödd á landinu.  Svo var brunað í afmæli hjá Söru (bróðurdóttir Einars) á eftir.  Veit ekki hvenær ég á von á þeim heim...

Mig langar að skrappa en kem mér ekki í það.  Annars er ég búin að vera að fræða mig um lyf síðan ég kom heim...fyrir utan langt spjall sem ég átti við Guðrúnu vinkonu.  Um sykurfíknina... 

Ljós&kærleikur til ykkar... 

Göng!!

Nú er sagt að Norðfjarðargöng séu í burðarliðnum. Gaman að sjá hvort það verði í náinni framtíð!! Löngu kominn tími til, göngin sem fyrir eru, eru sannarlega barn síns tíma.  Þó ég hafi oft farið gegnum göngin þá hálf brá mér s.l. sumar þegar ég fór þar í gegn...enda orðin vön Hvalfjarðargöngunum...sem eru 'örlítið' stærri og breiðari

Þó ég búi algerlega hinumegin á landinu þá er ég og verð norðfirðingur og er þetta mér algerlega hjartans mál. 

Göng strax!!! Og ekkert múður!!!

Ein mynd frá steypunni...

...tekin í fyrrakvöld þegar 'strákarnir' voru að steypa veggina.

vá!!

Ég hef áður sagt frá því að mér finnst mjög skrítið að kalla mig hjúkrunarfræðing!!  Er ekki enn búin að fatta þetta alveg, þrátt fyrir að á morgun sé mánuður frá útskrift og ég búin að vinna bráðum 4 vikur sem hjúkrunarfræðingur.

Ég var minnt á þetta þegar pósturinn kom með bréf áðan, þar stóð; "Sigrún Jóhannesdóttir, hjúkrunarfræðingur"!!!

Frekar undarleg tilfinning...en samt góð. 

 

Núna er ég að spá í að rusla mér í sturtu, þarf svo að versla...ísskápurinn er TÓMUR!!  Ótrúlegt en satt, ég versla og svo bara tæmist ísskápurinn...allt etið!!  Þetta virðist vera eitthvert lögmál...

 

Svo held ég að ég geri alvöru úr því sem ég skrifaði í gær og hendi pappírsdrasli, sem ég hef tengt við minningar...t.d. dagbókin frá Englandi...ég hef aldrei lesið hana og mun sennilega aldrei gera það.  Og ekki vil ég endilega að börnin mín komist í þessa pappíra einhverntímann...úbbs...þó þau viti alveg að ég hef aldrei húllað mér í neinum geislabaug...

 

Jæja, held ég hætti þessu bulli.

 

Ljós&kærleikur til ykkar allra þarna úti......og megið þið njóta dagsins og hvers annars.

Yndislegur dagur í dag

Um hádegið skelltum við okkur í höfuðborgina, ég, Einar og drengirnir. (Ólöf Ósk hafði öðrum hnöppum að hneppa.)  Einar þurfti að fara að versla sér verkfæri fyrir húsbygginguna og við ákváðum að skella okkur í húsdýragarðinn með drengina - nota ferðina.

Náðum að nýta ferðina mjög vel, gátum látið græja snúruna fyrir ferða-dvd´inn (sem litlu puttarnir hans Jóhannesar voru búnir að skemmileggja...), keyptum afmælisgjafir handa drengjunum, svo fórum ég og strákarnir í húsdýragarðinn og Einar í 'dótabúðir fyrir stóra stráka'.  Svo kom hann til okkar með nestistöskuna, sem kom sér vel því við vorum öll glorsoltin.

Grilluðum pylsur og sleiktum sólskinið.  Verð að segja að Fjölskyldu-og húsdýragarðurinn er hreinasta snilld.  Reyndar finnst mér þessi 'tívolítæki' eyðileggja töluvert, þetta er alger óþarfi, að mínu mati.  Hins vegar er róleg og þægileg stemning þarna, ekki eins og í skemmtigörðum t.d. í Dk þar sem það fylgir tækjunum hávær tónlist svo allir æsast upp og vilja meira og meira!!! (Auðvitað sölutrix.)  Amk. geta drengirnir okkar alveg sætt sig við að vera þarna í rólegheitunum, prófa smá af tækjum og svo leika í sjóræningjaskipinu, príla og renna og svo að hoppa á stóra trambolíninum sem er þarna.  

Svo eru selirnir alveg sérlega vinsælir hjá pottormunum tveimur.  

Já, frábær dagur.  Svo skelltu feðgarnir sér á völlinn...það er ekki áhugamál sem við eigum sameiginlegt...en Einar segir að það muni koma...það sé ekki hægt að búa á Skaganum án þess að smitast...við skulum sjá!!!

Svo er alvara lífisins á morgun, Einar búinn í sumarfríi.  Hann langar auðvitað mest að vera í fríi áfram og halda áfram með húsið...EN...that´s life!!!

Búið í bili...

Ljós&kærleikur...