prjóni prjón

Ég var að klára að prjóna vettlinga sem ég er nokkuð ánægð með. Strákunum okkar líst svo vel á þá að þeir eru búnir að biðja mig að prjóna á sig líka :) Ætli þessir séu ekki á Ólöfu Ósk?!!! Held það. Set inn mynd þegar ég er búin að taka eina slíka...eða tvær.

Dagurinn í dag er búinn að vera nokkuð ljúfur. Lá og kúrði í morgun meðan Jóhannes var í tölvunni. Svo fórum við á stjá, fengum okkur að borða í rólegheitunum og fórum svo í laaaangan göngutúr. Það var yndislegt. Svo ljúft að eiga þessar stundir með Jóhannesi, við spjölluðum og hann taldi fyrir mig upp í 121. Alger snilli Við fórum í bakaríið þar sem prinsinn fékk kleinuhring og svala og var alsæll. Áfram röltum við, en ástæðan fyrir ferðinni var að við þurftum að ná í pikkuppinn sem var hjá bifvélavirkja nokkrum í tékki.

Svo fórum við í kaffi til Grétu. Very næs :)

Mér finnst geggjað að geta boðið Jóhannesi upp á að vera svona í fríi, sérstaklega þegar ég er að vinna mikið tvöfalt. Var tvöfalt í gær og aftur á morgun, og þess vegna er svona dagur eins og í dag svoooo mikilvægur.
Næsta vetur byrjar hann svo í skóla og þá getum við ekki leyft okkur svona munað :( Ekki frekar en systkini hans geta núna, en þau hafa átt sinn tíma þegar þau voru í leikskóla ;)

Jæja, ætla að halda áfram að fönda jólakortin í tölvunni.

Ljós&kærleikur til ykkar allra 

Ég er...

...þreytt! Var að koma heim úr vinnunni. Var á morgunvakt á LSH og svo kvöldvakt á Höfða, gamla vinnustaðnum mínum. Bæði var skemmtilegt og gefandi. Það var rosa gaman að koma í *gömlu* vinnuna og fá góðar móttökur, bæði af starfsfólki og vistmönnum. Ansi hreint notalegt :)

Annars er lítið að segja. Kannski erum við að fara að skipta um bíl...skipta picupnum hans Einars fyrir lítinn, sparneytinn fólksbíl...ef Einar týmir því...hann eeeeelskar picuppinn sinn...sem ég skil reyndar ekki, finnst bíllinn vægast sagt leiðinlegur og tek út fyrir þau skipti sem ég neyðist til að keyra hann!! 

En þetta kemur í ljós.

Svo fer væntanlega að styttast í að við getum tekið herbergin í notkun, amk styttist með hverjum deginum sem líður! En samt...Einar þarf víst að hafa tíííííma!! Jamm.

Svo hef ég bara ekki meira að segja í bili...held ég skríði undir sængina mjúku og heitu, til míns heittelskaða sem þar sefur sínum værasta svefni...

Knús&kærleikur inn í nóttina ykkar allra. Megi Guð gefa ykkur ljúfa nótt, og góðan dag á morgun.

Heima er best :)

Sit hérna heima með Ólöfu Ósk og Jóni Ingva.Við sitjum hver við sína tölvuna og MammaMia-tónlist hljómar í bakgrunninum.

Einar er að vinna og Jóhannes er hjá besta vini sínum, og frænda, má ekki gleyma því!

Notalegur sunnudagur. Sólin skín úti, og og inn um gluggann, og í hjörtum okkar

Ég er búin að gera klárt í mexíkanska súpu, á von á yndislegum vinkonum í hitting með við ætlum að hafa mánaðarlega. Vinkonuhópur sem ég kynntist haustið 1994 þegar ég byrjaði í hóp á Stígamótum. Ómetanlegur vinskapur skapaðist í þessum hóp og höfum við haldið sambandinu og hist gegnum árin. Get ekki sagt að við höfum hist reglulega en við hittumst t.d. alltaf þegar ég kom til Íslands meðan við bjuggum í Græsted. Fátt jafnast á við góðan vinskap og ég veit að seinniparturinn og kvöldið verður yndislegt.

Svo er ég með köku klára líka, súkkulaðikökuna góðu...slafr... 

Vitiði, ég get þakkað Stígamótum og þessum stelpum fyrir margt og mikið. Til dæmis get ég þakkað þeim að ég er á lífi í dag. Ég var svoooo nálægt því að taka mitt eigið líf þarna upp úr tvítugu. Ekki af því að mig langaði að deyja, heldur einfaldlega vegna þess að ég gat ekki lifað með endalausan sársauka og svarthol inn'í mér. Ég vissi svo sem lengi vel ekki afhverju mér leið svona, hélt bara að ég hlyti að vera að verða geðveik. En svo var ekki, og með mikilli vinnu tókst mér að ná mér að stóru leiti.
Annað sem ég get þakkað Stígamótum og stelpunum fyrir, og það er dóttir okkar, Óskin okkar. Ólöf Ósk er sannkallað kraftaverk Stígamóta, ég fer aldrei ofan af því. Áður en ég byrjaði vinnuna á Stígamótum var ég með svo óreglulegan tíðahring að kvensjúkdómalæknir var búin að tjá mér að ég myndi þurfa massíva hormónameðferð ef ég ætti að eiga möguleika á að eignast barn!! En það þurfti ekki til, Stígamót redduðu hormónunum

Þá vitiði það!!!

Jæja, best að fésast aðeins og kveikja svo undir súpunni góðu...hún á víst að malla í 2 tíma...

Knús í öll ykkar hús, elskurnar mínar.

Molinn:

"Sýn þín verður ekki skýr fyrr en þú getur skoðað hjarta þitt. Sá sem skoðar það utan frá er draumóramaður, sá sem skoðar inn í það vaknar til lífsins."

- Carl Jung

 

 

Höfuðverkur dauðans...

Ég var með hausverk dauðans í dag. Hann lét ekki undan fyrr en ég var búin með STÓRAN lette og búin að taka bæði paratabs og íbúfen!

Þykist vita hvað olli...ég drakk ekki kaffibollann (eða glasið réttara skrifað...) fyrr en kl 14 og held svei mér að ég hafi verið með fráhvörf...og þá ekki í fyrsta sinn!!!

Ég er nefninlega kaffifíkill...gerðist kaffifíkill þegar ég hætti í sykrinum... 

Jamm, maður verður að hafa einhvað!!!

Annars er dagurinn búinn að vera góður (fyrir utan hausverkinn sem fylgir gjarnan ógleði...). Ég var búin að taka ákvörðun um að þrífa og taka til í dag og viti menn; ég stóð við þessa ákvörðun mína!!! Jamm!! Mjög ánægð með mig, ég gerði ALLT, skildi EKKERT eftir! 

En hér ilmar ekki af hreinlæti þar sem ég er með ilmefnaofnæmi og nota NEUTRAL!!!

Kvöldmaturinn er að mallast á eldavélinni og verður líklega klár um sama leiti og strákarnir mínir 3 eru búnir að horfa á Man.Utd. leik helgarinnar. 

Matseðill kvöldsins fellur fjölskyldunni misvel...slátur, rófustappa og karöflumús...og nú er ég svööööng og ætla að drífa í að gera stöppu og mús!

Knús...

Jæja þá

Ég er ekki að standa mig í blogginu þessa dagana, vona að fólk sakni þessi ekki of mikið. Finnst ég einhvernveginn ekkert hafa að segja.

Get auðvitað sagt ykkur endalaust hvað ég er ánægð í vinnunni...en held þið nennið ekkert að lesa það dag eftir dag...

Ég gæti líka sagt ykkur að ég elska lífið mitt, en ég held að þið hafið komist að því af því að lesa bloggið mitt í smá tíma...

Úff...ég gæti svo sem alveg sagt ykkur hvað dóttir okkar elskuleg er að drepa mig úr gelgjugangi. Alveg sama hvað ég segi...þá urrar hún, segir mér að ég sé í fýlu, þakkar mér fyrir að kalla sig aumingja og ég veit ekki hvað. Ég vona innilega að þetta sé mjöööög tímabundið hormónakast sem líði hjá á nokkrum dögum...hún er grínlaust með horn og hala...

Bænin mín þessa dagana, sú mikilvægasta, er einföld; "Góði Guð, hjálpaðu mér að elska hana eins og hún er"...því ef ég geri það, þá þarf ég ekki að pirrast eða urra á móti, umburðarlyndi og kærleikur eru það mikilvægasta í öllum samskiptum og það á sannarlega vel við þegar gelgjur í ham eru annars vegar...

Jamm. Annars er ég að fara að vinna í kvella og fyrramálið. Svo þið þurfið ekki að búast við bloggi frá mér næsta sólarhringinn...

Annað. Vitiði bara hvað?!!! Ég fór að hlaupa í gær, alsæl með það. Hljóp fyrst 2 hringi síðan 1½ með labbi fyrir, á milli og í lokin. Ánægð með frammistöðuna, alls 1267 metrar sem ég hljóp. Ég finn fyrir hnénu en vona að það lagist fljótlega...að það sé bara af því að ég er nýbyrjuð að hlaupa...og hnéð eigi eftir að venjast...var að spá í að fara jafnvel í Curves 1x í viku til að styrkja vöðvana í kring...

Vitiði, það er brjálað að gera framundan, í sósjallífinu. Endalausir hittingar og skemmtileg heit. Gaman að hugsa til samveru með vinum okkar

Jæja, ég ætla að hætta í bili. Meira síðar. 

Er þetta lika svona hjá ykkur?

Sagt er að maður eigi að borða eitt epli daglega útaf járninu og einn 
banana  til að fá kalíum. 

Líka eina appelsínu, útaf c-vítamíninu og einn bolla af grænu te án 
sykurs, til að forðast sykursýki. Svo má ekki gleyma lýsinu sem er 
náttúrulega allra meina bót. 

Drekka tvo lítra af vatni alla daga (Já, og síðan að pissa því, sem tekur 
tvöfaldan tímann sem það tók að drekka það) 

Á hverjum degi borða jógúrt og eitt skot af  LGG út af gerlunum sem enginn 
skilur hvað gera, en ef þú færð ekki eina og hálfa milljón á dag mun það 
hafa skelfilegar heilsufarslegar afleiðingar. 

Daglega  taka inn eina aspirín til að koma í veg fyrir hjartaáfall, og 
drekka eitt rauðvínsglas í sama tilgangi. 
Og annað hvítt fyrir taugakerfið. 
Og einn bjór,  sem ég man ekki hvaða gagn á að gera. 

Ef þú færð þér þetta allt í einu, skaltu gæta þess að eiga einn Red Bull 
ísskápnum til að drekka  daginn eftir,  nema náttúrulega ef þú ert þá 
búinn að fá heilablóðfall. Ef það gerist, muntu ekki taka eftir því. 
Daglega borða trefjar. Mikið, mjög mikið af trefjum. Þar til þú kúkar 
heilli peysu.  Það á að borða fjórar til sex máltíðir  á dag, hollar, 
fitulitlar máltíðir og ekki gleyma að tyggja hvern munnbita hundrað 
sinnum. 

Með smá útreikningi er ljóst að það tekur þig um fimm  klukkustundir á dag 
að borða. 

Ó, og síðan má ekki gleyma að bursta tennurnar eftir hverja máltíð. 
Á eftir jógúrtinu og  trefjunum, tannbursta; á eftir eplinu, tannbursta; á 
eftir banananum, tannbursta... 

Og á meðan þú ert á annað borð með tennur máttu ekki gleyma tannþræðinum 
og munnskolinu með tilheyrandi gurgli.
 
Best að stækka baðherbergið og setja þar inn hljómflutningstækin þín, því 
þar áttu eftir að dvelja drjúgan tíma: vatnsþambið, trefjarnar, 
tennurnar... 

Síðan á að sofa í átta stundir og vinna aðrar átta plús þessar fimm sem 
fara í að borða. Þetta gerir  tuttugu og eina klukkustund.  Þá áttu þrjár 
stundir eftir, það er að segja ef ekkert sérstakt kemur uppá þann daginn. 
Samkvæmt  könnunum  eyðum við  þremur stundum daglega í sjónvarp...og ekki 
gleyma  tölvunum!!!  En þú hefur engan tíma í svoeiðis, því daglega áttu 
að fá þér a.m.k. hálftíma göngutúr  (Ég tala af reynslu: Snúðu við eftir 
15 mínútur, því annars verður hálftíminn að klukkustund).

Síðan verður að huga að vinunum því þeir eru eins og blóm: það þarf að 
vökva þau daglega. Líka þegar þú ferð í frí. Það er að segja ef þú ferð í 
frí. 

Síðan þarf að vera vel upplýstur. Lesa að minnsta kosti tvö dagblöð og 
eina grein í tímariti til að bera upplýsingarnar saman. 

Ah! Síðan er það kynlífið. Kynlíf daglega og þar að auki á það að vera 
frumlegt og skapandi. Þetta tekur sinn tíma!!!  Að maður tali nú ekki um 
tantra kynlíf!!! 

Að öllu framansögðu  vil ég minna þig á: Það á að tannbursta sig eftir 
hverja máltíð. Það þarf líka að skúra, þurrka af, þvo þvott, fara í sturtu 
og vaska upp og áttu kannski hund að auki eða hamstur? Börn?! 

Nú reiknast mér til að þetta kalli á um 30 stundir á dag. Eina lausnin á 
þessum vanda,  er að framkvæma eitthvað af þessum atriðum í einu. Til 
dæmis: Þú ferð í kalda sturtu með opinn munninn og drekkur þannig lítrana 
tvo af vatni. Þegar þú gengur út úr baðherberginu með tannburstann í 
munninum nýturðu um leið ásta (tantrískt)  standandi með makanum þínum, 
sem um leið horfir á sjónvarpið og segir þér frá á meðan þú burstar 
tennurnar. 

Var ein hendi laus? 

Hringdu í vinina!!! Og foreldrana!!! 

Fáðu þér rauðvín (eftir spjallið við foreldrana muntu þurfa á því að 
halda) eplið getur makinn þinn matað þig á á meðan þú borðar bananann með 
jógúrtinu. Úffffff! En ef þú átt tvær mínútur eftir , sendu þetta þá á 
vinina (sem þú þarft að vökva eins og blóm)  um leið og þú tekur inn eitt 
hvítlaukshylki  sem er svo gott fyrir...
 
En nú verð ég að hætta því eftir jógúrtið, appelsínuna, bananann, bjórinn, 
fyrri vatnslítrann, þriðju máltíðina með trefjum, hef ég ekki hugmynd um 
það hvað ég er að gera og þarf nauðsynlega að komast á klósettið. 
Aha, ég ætla að nýta tímann og kippa tannburstanum með mér.

Ef ég er senda þér þetta í annað sinn , er það vegna þess að þrátt fyrir 
að fylgja öllum þessum ráðum er ég samt komin með Alzheimer.  

Daginn í dag...

Jamm, dagurinn í dag. Yndislegur dagur.

Ég er svo glöð og þakklát fyrir lífið mitt. Ég á svo yndislega fjölskyldu og er búin að eiga notalega dag í faðmi hennar. Strákarnir okkar, þessi fótboltasjúku skinn Þeir fást ekki út úr húsi lengur á laugardögum.  Ég ætlaði að bjóða þeim í borgarferð...uuuuuhhh, og hvað ætti svo sem að vera skemmtileg við það?!!! Amk. sagði Jóhannes, þegar ég kom með þessa hugmynd; "Æææææji, mammmmma, ég neeeeeeeeenni ekki til Reykjavíkur".

Svo kom í ljós að Man. Utd. var að spila kl. 15 svo það var náttúrlega ekki glæta að ná þeim neitt af bæ

En það var líka bara í góðu. Þeir skottuðust hér um, ýmist í tölvunni, að horfa á boltann eða að spila sjálfir. Á meðan kláraði ég jólagjafirnar handa öfum og ömmum og einhverjum fleirum og pakkaði inn. Svo nú á ég bara örfáar gjafir eftir og er alsæl með það. Allt sem á að senda út á land er tilbúið! Nema reyndar jólakortin en þau verða klár fljótlega. Er eiginlega búin að ljúka við hönnunina á þeim.

Jæja, svo í kvöld þá tók meiri gleði og hamingja við. Ég er svo lánsöm að *eiga* marga yndislega vini. Í kvöld var ég í stelpugeymi hjá einni af þessum yndislegu konum sem ég hef fengið að kynnast. Reyndar var ég ekki að nenna...þeir sem þekkja mig vita hvað ég á erfitt að koma mér út úr húsi til að fara í eitthvað tjútt og/eða tvist.... Neibb, ég vil helst bara vera heima og kúldrast með fólkinu mínu. En ég var búi að segja ´já, takk´og þá náttúrlega mætir maður! Reyndar þurfti Einar nánast að henda mér út...en ég fór og ég átti alveg yyyyyyndislegt kvöld. Stórgóður matur og æðisleg - sykurlaus - kaka og fráááábær félagsskapur! 

Hvers meira getur kona óskað sér? 

---

Molinn:

"Reyndu ekki að fá fólk til að elska þig, einbeittu þér heldur að því að verða sá maður sem fólk getur elskað."

Ég ELSKA þennan mola.

Nighty night, darlings.

Sultukrukkan og kaffið...

Þegar hlutirnir í lífi þínu virka næstum óyfirstíganlegir; þegar 24 tímar í sólarhringnum er ekki nóg, mundu þá eftir sultukrukkunni og kafiinu...

Prófessor nokkur stóð fyrir framan heimspekinemendur sína, með nokkra hluti fyrir framan sig. Þegar tíminn byrjaði, tók hann, án þess að segja orð, stóra, tóma sultukrukku fram og fyllti hana með golfkúlum. Þegar hann var búinn, spurði hann nemendurnar hvort glasið væri fullt og þeir voru sammála um að svo væri.
 
Þá tók prófessorinn kassa með smásteinum fram og hellti þeim í glasið. Hann hristi glasið létt, svo smásteinarnir smugu milli golfkúlanna. Svo spurði hann nemendur sína hvort glasið væri fullt og þeir voru sammála um að glasið væri fullt.
 
Nú tók prófessorinn fram kassa af sandi og byrjaði að hella í glasið. Sandurinn fyrllti auðvitað restina af holrúmunum í krukkunni. Aftur spurði prófessorinn nemendur sína hvort krukkan væri full. Nenendurnir svöruðu einum rómi; ”já” og þá útbjó prófessorinn tvo bolla af kaffi og hellti báðum niður í krukkuna, og holrúmið milli sandkornanna fylltist.
 
Nemendurnir hlógu...
 
"Jæja" sagði prófessorinn, þegar hláturinn hljóðnaði. "Ef þið nú ímyndið ykkur, að þessi krukka tákni líf ykkar. Golfkúlurnar eru mikilvægu hlutirnir  - fjölskyldan ykkar, kærustur/kærastar, börn, heilsan, vinir, uppáhaldsáhugamál- þeir hlutir sem myndu fullkomna líf ykkar þó allt annað hyrfi. Smásteinarnr eru aðrir hlutir sem hafa þýng var tilbage, stadig ville gøre jeres liv fuldendt. Ðingu, svo sem vinna, hús, bíll og svo framvegis. Sandurinn er allir aðrir smálhlutir".
 
Prófessorinn hélt áfram: "Ef þið setjið sandinn fyrst í krukkuna þá er hvorki pláss fyrir smásteinana né golfkúlurnar. Það sama gildir um lífið. Ef þið notið alla ykkar orku og allan ykkar tíma í smávægilegu hlutina þá verður aldrei pláss fyrir það sem virkilega skiptir ykkur máli. Verið vakandi fyrir þeim hlutum sem skipta hamingju ykkar máli. Leikið við börnin ykkar. Passið upp á heilsuna. Bjóðið makanum út að borða. Farið aukahring á golfvellinum. Það mun alltaf vera tími til að þrífa húsið og hreinsa niðurföllin. Sinnið ”golfkúlunum” fyrst – því sem skiptir mestu máli. Komið forgangsröðinni í lag – restin er bara sandur.

"Einn af nemendunum rétti upp hendina og spurði hvað kaffið táknaði. Prófessorinn brosti: "Ég er ánægður með að þú spyrjir. Það er bara til að sýna, að það er sama hvað við höldum að við höfum mikið að gera, það er alltaf pláss fyrir kaffibolla með vini".

 

Kæru vinir

UNIFEM á Íslandi skoraði á mig að finna einn í viðbót til að skrifa undir átakið Segjum NEI við ofbeldi gegn konum sem er að finna á síðunni: http://unifem.dacoda.com/ Ég hvet þig til að kíkja á síðuna og skrifa undir og bætast þar með hóp þeirra þúsunda sem styðja átakið. Hér eru nánari upplýsingar um átakið:

Af hverju ætti ég að skrifa undir?
Til að hvetja ríkisstjórnir heims til að beita sér fyrir því að binda endi á ofbeldi gegn konum.

Hvað geta ríkisstjórnir heims gert?
Það hefur sýnt sig að pólitískur vilji til þess að binda endi á ofbeldi gegn konum er eitt sterkasta vopnið í baráttunni. Í flestum ríkjum heims gæti bætt lagasetning, framkvæmd laga og eftirfylgni ásamt réttlátara dómskerfi minnkað ofbeldi gegn konum til muna.

Hvaða áhrif hefur það að skrifa undir?
Það hefur fiðrildaáhrif: Því fleiri undirskriftir - því sterkari skilaboð. Sterk samstaða um að ofbeldi gegn konum skuli ekki líðast skilar aukinni vitund um mikilvægi þess að sinna þessum málaflokki og hvaða lausnir standa til boða. Markmiðið er að gripið sé til aðgerða.

Hvaða átak er þetta?
Þetta er alþjóðlegt átak á vegum Þróunarsjóðs Sameinuðu þjóðanna í þágu kvenna eða UNIFEM sem hófst 25. nóvember 2007 og lýkur sama dag árið 2008. Nú þegar hafa nokkrar ríkisstjórnir skrifað undir átakið í heild sinni og þar með sýnt vilja í verki til að uppræta ofbeldi gegn konum. Nú þurfum við samstöðu til að senda út sömu hvatningu til annarra ríkisstjórna heims.

Hvað ætlið þið að gera við undirskriftirnar?
Í byrjun nóvember verður öllum íslensku undirskriftunum safnað saman og sendar í heild í alþjóðlega átakið. Markmiðið er að senda út það margar undirskriftir að eftir verði tekið. Markmiðið er að hafa fiðrildaáhrif!

Bestu kveðjur, Sigrún.
........................

Heimasíða barnanna

Fyrir þá sem vilja skoða heimasíðu barnanna en vita ekki hvar hana er að finna...!!

SJÁIÐ HÉRNA