Guðrún valkyrja með meiru!

Mig langar að benda ykkur á hana Guðrún Valkyrju:

Hæ öllsömul!

Þann 4. og 5. október næstkomandi ætla ég ásamt þúsundum annarra að eyða helginni í New York og taka þátt í the Avon Walk for Breast Cancer. Gengið verður 42 km á laugardeginum (Heilt maraþon) og 21 km á sunnudeginum, eða í heildina 63 km. Ég þarf fram að þessum tíma að safna 1.800 dollurum (150 þús.) til að fá að taka þátt í göngunni sem renna til rannsókna á brjóstakrabbameini. Á næstu vikum mun ég einbeita mér að því að undirbúa mig fyrir þetta átak með því að ganga um malbik landsins (smá tilbreyting oná fjallagrösin).
Þitt framlag mun skipta máli og mundu; Margt smátt gerir eitt stórt.
Með fyrirfram þökk fyrir stuðninginn.
Guðrún

Facebook og fleira

Ég las á blogginu hjá Örnu að hún væri búin að eyða tímanum á Facebook...svo ég ákvað að skoða málið nánar...ekki að ég hafi ekki nóg að gera og eyði ekki fyrir MIKLUM tíma í tölvunni...eeeeen....

Í það minnsta er ég búin að gera mér profile þarna og svo verður framhaldið bara að koma í ljós.

En þarna fann ég sem sagt ýmsa...og ýmislegt!

Það er langt síðan ég fór inn á cafesigrún.com en gerði það í framhaldinu...og fann þokkalega girnilegar kökur...slafrrrrr...!

T.d. Möndlu- kókosköku með bláberjabotni og

Bláberjaístertu......og þetta verð ég að prófa fljótlega!

Ammaranammara...ég verð bara hreinlega gráðug við tilhugsunina...!! En það er líka vetur framundan HLAÐINN veislutækifærum hjá okkur hérna. Í okt. verður Ólöf Ósk 13 ára, ég á afmæli í nóv. og svo á ég annan dag sem ég ætla að fagna í 18. nóv. (10 ár síðan "My new life began"), Einar stefnir einnig á að fagna sínum 10 ára-degi í des. og svo verður þessi elska fertugur í mars, Ólöf Ósk fermist svo líklega í apríl og svo eigum við hjónakornin 10 ára bryllúpsdag í maí...svo þið sjáið, tilefnin eru endalaus...úff...ég fitna bara við tilhugsunina...

Life is beautiful! 

En núna ætla ég að prjóna smá...

 og þar sem ég gúgglaði "prjóna" og "prjónar" þá fékk ég líka þessu líka flottu buxnamynd!

Ég bara má til...

...að segja ykkur brandarann sem Jóna sagði mér í dag:

Hann var í útvarpinu í gær, í tilefni af látunum í borgarpólitíkinni...:

Maður: "Þjónn, það er borgarfulltrúi í súpunni minni!"

Þjónninn: "Ó, viltu að ég skipti honum út?!"

Dejlig søndageftermiddag!

Þeir feðgar fóru á völlinn að sjá IA keppa við Fylki í Árbænum.  Á meðan skruppum við mægður á kaffihús í miðbæ Reykjavíkur með múttu minni.

Alveg hreint yndislegur eftirmiddagur (reyndar allur dagurinn yndislegur) í selskap móður minnar og dóttur minnar.  

Við fórum á Vegamót, borðuðum þar dýrindis samlokur og ég fékk þennan líka góða latte á eftir. Bara snilld.

Svo þegar heim kom bjó ég til GRÆNT krem á kökuna sem Jóhannes ætlar að taka með á leikskólann á morgunn...þetta verður fótboltakaka og ég á von á því að börnin verði með grænar varir og græna tungu á eftir!!!  Í fyrramálið verða settar hvítar línur á kökuna, svo koma mörkin og allt það.  Very cool!

Sí ja! 

Sunnudagur til algerrar sælu

Við hjónakornin lágum og dormuðum til kl. 10. Alveg yndislegt.  Svo gott að hafa elskuna mína hjá mér og geta kúrt hjá honum. Erfið vika liðin þar sem hann var á næturvöktum alla vikuna. Tómlegt í rúminu okkar þegar hann er ekki þar.

Nóg um það!

Strákarnir fóru fyrstir á fætur, og upp að horfa á Ólympíuleikana...held ég...þeir eru orðnir forfallnir sport´istar, drengirnir.  Svo er fótbolti í sjónvarpinu líka...ég gaf loksins grænt ljós á að enski boltinn yrði keyptur í sjónvarp á þessu heimili...mér var sko sagt að nú væru þeir þrír á móti mér...svo ég hefði ekki val lengur...meirihlutinn ræður og eitthvað svona lýðræðishjal...

Annars er ég alltaf að segja þeim reglurnar:

Pabbi ræður....þegar mamma segir!

Jæja...held ég nái í prjónana mína og geri eitthvað af viti...jólagjafaframleiðslan á fullu!

Afmælið búið

Og við þökkum fyrir okkar

Heimilisfaðirinn í sykursjokki...og strákarnir farnir út í fótbolta.

Við vorum í vandræðum með að finna gjöf handa Jóhannesi. Við vorum ákveðin í að hann fengi EKKI leikföng, þar sem þeir bræður eiga helling af slíku...sem hefur ekki verið snert síðan við fluttum í húsið! Fyrir utan þegar við höfum verið með gesti...og þá hafa gestirnir náð í leikföngin sjálfir...

Dagurinn í dag var velheppnaður í alla staði.  Mikil gleði í gangi.

Hér er svo matseðillinn (öllu heldur kökuseðillinn...):

- Grétu-brauðréttur - sem er by the way alveg svaka góður og ferskur.
- Einn heitfengur (heitur brauðréttur með m.a. pepperoni og beikoni)
- Marens með karamellukremi
- Brún með hvítu (brúnterta með frosting)
- Afmælisdöðluterta
- Glútenlaus bananamuffens
- Hrískökur
- "Chokoladebrud"
- tekex og ostar
- skúffukaka hlaðin með sælgæti
- Súkkulaðismákökur (þið vitið...pissandi fyrir framan Olís...)

Jamm...svo þið kannski skiljið að Einar er í sykursjokki...reyndar verð ég að verja hann aðeins og segja að hann er ægilega þreyttur, búinn að vinna á nóttinna alla vikuna, og byrjaði bæði og endaði á stuttum skiptum.  

Jæja...best að gæða mér á síðustu sneiðinni af afmælisdöðlutertunni...læt hina um sykurdrullið...!!

Laugardagsknús

Börnin okkar...

...eru svooooo dugleg, ég er að rifna úr stolti.

Þau vilja auðvitað leggja sitt að mörkum fyrir afmælið á morgun, svo þau tóku sig til áðan og bökuðu súkkulaðismákökur! Þau sameinuðust um þetta, öll þrjú. Bara duglegust, og yndislegust

Uppskriftin er hér...fyrir þá svöngu

½ tsk vanilludropar
2 dl hveiti
1½ tsk kakó
1 tsk lyftiduft
1 dl sykur
50 gr smjör
1 egg

Öllu hrært saman og svo eru hnoðaðar kúlur og þeim velt upp úr kókosmjöli. Bakað í 1ö mín. v. 200°c

---

Og ég get frætt ykkur um eitt, ef maður *gúgglar* orðið "súkkulaðismákökur" þá fær maður fram m.a. þessa mynd:

Ekki spyrja mig hvers vegna...!!!

Ég ætla að setja inn brauðréttinn...

...hennar Grétu, sem ég ákvað að prófa því hann hljómar SVOOOO vel.

- brauð, rifið/skorið í bita og sett í form

Svo er skorið niður og stráð yfir:

- skinka
- bóndabrie
- camenbert
- sveppir
- rauð paprika

Að því loknu er hrært saman:

- léttmajónesi
- sýrðum rjóma
- ananaskurli

Þessu er svo smurt yfir herlegheitin.

Inn í ísskáp, best að gera daginn áður svo sósan nái að síga vel yfir og inn í brauðið.

Áður en þetta er borið fram er þetta skreytt með grænum vínberjum, skornum í hálft. 

Hlakka til að smakka og segja ykkur hvernig bragðaðist!

--

Ólöf Ósk er búin að baka skúffuköku, þessi elska. Ekkert smá dugleg Það verður nammikakan.

Svo er ýmislegt fleira sem er eftir að búa til og baka. Í gær bakaði ég marens...og hann var óvart klukkutíma of lengi í ofninum...

Um daginn var ég næstum því búin að kveikja í húsinu...kveikti á vitlausri hellu...eins gott að ég var ekki farin að sofa...úff... mér dauðbrá, ætlaði aldrei að geta haft mig í bælið...óhugnanleg lífsreynsla!

Jæja...ætla að halda áfram...nóg af verkefnum framundan!

Ást til ykkar allra þarna úti.  Lífið er yndislegt, eða það finnst mér

Der står et billed af dig...

...på mit bord!

Þetta lag er ég búin að vera með á HEILANUM síðan um verslunarmannahelgina!! Því að elskurnar þeir Felix og Gunni gerðu íslenskan texta við það,

"...og Neistaflugið heillaði, hefur gert það síðan..."

Fjölskyldumeðlimir eru mislítið þreyttir á þessu rauli mínu...svo tók ég sko Gunna og Felix upp og er með þetta sem hringitón svo það er kannski ekkert skrítið að þetta haldi áfram að loða við heilann minn

--

Strákarnir okkar, allir 3, eru farnir á völlinn að sjá FH-Aston Villa! Mikil gleði og vonandi...

--

Ég ætla hins vegar að smella í einn marens fyrir laugardaginn og svo ætlum við mæðgur að ná okkur í pizzu og dorma fyrir framan imbann...ætli við horfum ekki bara á Friends...svona til tilbreytingar...

Jamm...alltaf að búa til mat, baka eða eitthvað...

Annars get ég frætt ykkur um það að ég nota magavöðvana þegar ég myl lyf! Þessu tók ég eftir í dag...er sko með harðsperrur í maganum!!!

Stefni EKKI á svona stóra vöðva:

Matarblogg...

Ég hef lesið einhverjar athugasemdir þess efnis að ekki sé ráðlegt að lesa bloggið mitt þegar fólk er svangt...þannig að ég aðvara ykkur hér með: Farið og borðið, komið svo aftur

Ég ætla sem sagt að deila með ykkur hvað við ætlum að borða á eftir:

Bakaðar kartöflur með káli, papriku, gúrku, rifnum osti, sýrðum rjóma, steiktu beikon og steiktri skinku. Þetta er sjúklega gott, finnst okkur, en vorum bara búin að gleyma þessum mat. Ólöf Ósk kom með hugmyndina þegar hún kom heim frá Danmörku, og fannst langt síðan við höfðum haft þetta í matinn, sem er alveg rétt.

Í eftirrétt, jamm, við ætlum að hafa eftrirétt í kvöld, gerist ekki oft:

Ávaxtagrautur:

250 g þurrkaðir ávesxtir, t.d. sveskjur, þurrkuð epli eða blandaðir ávextir.
1 L vatn
2-3 msk sykur ég nota að sjálfsögðu AGAVE sýróp
6 msk maísenamjöl
1 dl kalt vatn

Aðferð:  Leggið ávextina í bleyti í vatnið í 1/2 - 1 sólahring. Sjóðið með 1-2 msk af sykri þangað til hægt er að hræra ávextina í sundur.
Bragðið og bætið sykri í að vild.
Hrærið maísenamjöli út í köldu vatni. Jafnið grautin. Hrærið í á meðan og þangað til suðan kemur aftur upp. Sjóðið í 1-3 mín. Hellið grautnum í skál og stráið sykri yfir svo að ekki myndist skán. Borið fram volgt eða kalt með kaldri mjólk eða rjómablandi.

SLAFRRRR....

Svo ætla ég á kaffihús, södd og sæl, fá mér kaffilatte með vinnufélögum sem þangað vonandi mæta sem flestir!!!

Annars veit ég ekki hverju fleiru ég get logið að ykkur núna...er smá farin að telja niður þar til ég hætti í vinnunni...get samt ekki talið þar sem ég veit ekki hvenær ég get hætt...hlakka til, en það verður samt leiðinlegt að segja bless við vinnufélagana sem flestir eru alveg súper yndislegir En ég hlakka til að reyna fyrir mér á nýjum stað, þó hann sé ekki alveg nýr...

Meira síðar...KNÚÚÚS