Skautaferð

Var að vinna í gærkveldi.  Nennti ekki að blogga neitt...

Í dag fór ég með krakkana á skautasvellið í Egilshöll.  Við skemmtum okkur alveg konunglega.  Vorum glorsoltin eftir tæplega tveggja tíma skaut og ég fékk pabba til að bjóða okkur í bakarísmat heim til hans.  

Góður dagur hjá okkur.  

Svo var Disneyshow málið þegar heim kom, snakk og kók með.  Sæla hjá drengjunum.  Stelpuskottin fóru inn í herbergi að horfa á Friends.  Svo ég hef setið ein frammi og hlaðið myndum inn á síðu barnanna og smá sýnishorni á Flickrið mitt líka. 

En núna held ég að ég leggist fyrir framan imbann með prjónana mína og einhverja óhollustu...Bugles...og góni á einhverja vitleysu.  Er strax komin með jólagjafahugmyndir fyirr næstu jól

...samt er planið ennþá að prjóna peysu á sjálfa mig núna eftir jólin.  Á bara eftir að panta mér lopann!!!

Ást... 

Ikea...með lausn á öllu!!

2. í jólum og fleira!

Helló darlings!

Í morgun var ég að vinna.  Krakkarnir fóru í jólaboð með pabba kl. 14, en ég náði aldrei þangað því það var búið kl. 16...svo ég fór bara til pabba og sótti börnin þangað. Pabbi var svo að fara í matarboð. 

Verð að segja ykkur líka hvað ég er vel gift!  Þessi elska kom í dag og náði í bílinn í vinnuna til mín og fór og setti á hann bensín og fyllti á rúðupissið, bara svo ég þyrfti ekki að gera þetta eftir vinnu!  Er hann bara ekki yndislegur?!!!

Þegar við fórum frá pabba fórum við og keyptum okkur að eta og fórum svo heim til minnar elskulegu tengdamúttu.  Hún var í matarboði en hafði gert ráðstafanir svo við komumst inn.  

Ég lagði mig svo aðeins...til að geta verið almennilega vakandi í akstri kvöldsins!

Og sem betur fer!!!  Við fórum sko út á Keflavíkurflugvöll að sækja Cille, vinkonu Ólafar Óskar, sem var að koma frá Dk og ætlar að vera hjá okkur í viku.  Á leiðinni út á völl vorum við ekki langt frá því að lenda í árekstri því eitthver FÍFL (afsakið orðbragðið) var að flýta sér aðeins og mikið...var að taka fram úr þar sem Reykjanesbrautin er einföld og kom á syngjandi siglingu á móti okkur á OKKAR veghelmingi!!!  Enn og aftur þakka ég Guði fyrir að ég keyri á löglegum hraða og eftir aðstæðum því annars efast ég um að ég væri að blogga núna!!  

Grínlaust, ég er eiginlega hætt að segja við Einar "keyrðu varlega" þegar hann fer út, ég er farin að segja við hann; "passaðu þig á hinum bílunum".  Því ég veit hann keyrir varlega og ég veit líka að það er fullt af fólki sem gerir það EKKI!!!

Arrrrrrrrrrrrrgggg!

Nóg um það.

Cille er sem sagt komin og þær vinkonur hafa ENGU gleymt!  Þær byrjuðu strax að blaðra og flissa, eins og þeim einum er lagið.  Yndislegt!  Við mæðgur táruðumst báðar þegar Cille kom út!!  Og Ólöf Ósk sagði; "Ég er greinilega dóttir mömmu minnar...svona "tudefjes""!!!

En nú held ég að ég smelli mér í bælið, ætla að lokka minn heittelskaða í bælið líka, langar að liggja undir sænginni okkar góðu og spjalla við hann.  Við höfum eiginlega ekkert hist síðan kl 14.30 í gær og það er sko nóg til að ég fái fráhvarfseinkenni!!

Gúdd næt, mæ darlings! 

Jóladagur!

Já, gleðilegan jóladag, alles!!

Við byrjuðum jóladag eins og við erum vön; sváfum lengi og fengum okkur svo kalda afganga í matinn.  Svona morgun/hádegismat kl 12!  Strákunum þótti þetta frekar skrítið og kusu frekar morgunkorn og ristað brauð!!  En Ólöf Ósk er orðin vön svo hún naut þess í botn að fá jólamat í matinn aftur!

Í dag er pabbi svo væntanlegur og ætlum við að gæða okkur á taðreyktu kjöti af veturgömlu í kvella!  Slafr...

---

Jólapakkaflóðið...

Það var mikil spenna í gangi, sérstaklega hjá hinum rólega og yfirvegaða Jóni Ingva.  Ég held að hann hefði bara stungið sér á kaf í hrúguna hefði hann fengið að ráða!!!  

Jóhannes fékk m.a. blýant og stílabók og hann hefði í sjálfu sér ekki þurft meira!  Það var algerlega jólagjöfin í ár hjá honum.  Hann stóð og teiknaði og skrifaði og hafði varla tíma til að opna fleiri gjafir.  Hann reyndar varð líka gífurlega glaður þegar hann opnaði pakka sem innihélt kuldagalla...íþróttaálfs...!  Sagði með mikla gleði í röddinni; "Þetta vantaði mig einmitt"!  (Hann átti ekki heilgalla fyrir, bara úlpu og snjóbuxur!)

Jón Ingvi var mjög ánægður með allt sem hann fékk, mjúkt sem hart.  Ekkert eitt sem sló í gegn hjá honum, hann var bara alsæll.  Og ánægður þegar pakkarnir voru búnir og hann gat farið að leika sér.  

Ólöf Ósk var bara alsæl.  Fékk það sem hún óskaði sér; föt, náttföt og bækur!! Hún er orðin mjög róleg yfir jólunum, þó hún hlakki til og sé glöð að þá er ekki þessi læti og æsingur lengur.  Bara rólegheit...og nettur pirringur yfir æsingnum í Jóni Ingva...

Ég er sjálf mjög ánægð og fékk frábærar gjafir.  M.a. Tempur-inniskó frá mínum heittelskaða!  Svo nú verður mér sko ekki kalt á tánum!!!  Svo fékk ég beljur!  Við fengum líka beljuskál, geðveikt flotta!  Og svo fengum við sjúklega flottar myndir, sem stjúpi minn tók og lét stækka.  Eina af Ormsstöðum og eina af firðinum fagra, eða 740 Paradís eins og María sys. kallar hann!!!  Þær verða geymdar vel og svo hengdar upp á góðan stað í nýja húsinu okkar!  Svo fengum við gjafakort í Villeroy og Boch, og getum farið og verslað inn í stellið okkar!  Gaman, gaman!

Frá tengdamömmu fengum við svipaða gjöf og síðasta ár...eða hestaferð!!!  Síðast fórum við í ferð hjá Eldhestum og núna förum við í Hraunferð með Íshestum!  Sú ferð verður væntanlega farin í sumar, en s.l. sumar fórum við með tengdó og svo Valtý (bróðir Einars) og fjölskyldu.  

Jamm.  Svona eru jólin búin að vera hjá okkur so far!  

Núna situr Jón Ingvi og dúllar sér inni í herbergi og Jóhannes er búinn að sitja inni í eldhúsi og leira og syngja jólalög; "Nú nýfæddur Jesú í jötunni lá...".  Frekar krúttlegt!  Skvísan situr inni og les...held ég...!   

En núna ætla ég að fara að spila við Jóhannes...og kannski vilja fleiri vera með...spilið sem hann fékk í möndlugjöf!

Njótið dagsins og hvers annars

Senn koma jólin!!

Elsku bloggvinir, aðrir vinir og ekki minnst fjölskylda!  Bara þið öll sem lesið bloggið mitt!!!

Mig langar senda ykkur mínar allra bestu óskir um gleðirík jól.  Megi jólaljósin lýsa á ykkur, og í ykkur, og megi jólaklukkurnar hringja inn gleði og hamingju hjá ykkur öllum. 

Dagurinn hjá okkur hefur verið fínn.  Við byrjuðum á að elda okkur möndlugrautinn...það var brunch!  

Jóhannes fékk möndluna; Draugastiginn (spil).

Svo fórum við, ég og börnin, að keyra út jólakort og jólagjafir.  

Það var mikil spenna og læti...en þeim hafði verið lofað að þegar heim kæmi mættu þau opna EINA gjöf hvert!!  Svo það var erfitt að bíða...sérstaklega fyrir Jón Ingva, sem að öllu jöfnu er RÓLEGUR!!!  

Þegar ég var stelpa fengum við alltaf að opna einn pakka klukkan 18, en þá var Jón Þór, stjúpi minn, að mjólka og því komu jólin svolítið seinna hjá okkur.  Það var erfitt að bíða.  

Við höfum haldið í þessa hefð að leyfa þeim að opna einn pakka klukkan sex en það hefur verið hálf tilgangslaust þar sem við höfum svo sest strax niður til að borða.  Svo við ákváðum að slá á spennuna og leyfa þeim að opna fljótlega eftir hádegið.

Það virkaði!!!  Þeir opnuðu pakkann frá okkur, fengu saman Playmo örkina hans Nóa.  Það var sett saman...og við héldum að þeir myndu leika með þetta...

En nei, það varð spennufall og þeir settust inn í herbergi og teiknuðu og horfðu á barnatímann!!  Við höfum varla vitað af þeim síðan og á tímabili hélt ég að þeir væru jafnvel sofnaðir...!!!

Jæja, ætla að skella mér í jóladressið...en fyrst ætla ég að taka myndir af fallegu börnunum okkar.

Vona að þið hafið verið stillt á aðventunni svo þetta gerist ekki hjá ykkur;
 

Nenni ekki að blogga...

...en get samt sagt ykkur að Lilju-fiskurinn sló í gegn!!!

Lífið er ljúft, og ég er þreytt.  

---

Afmælisbarnið er:

Sirrý, gömul vinkona, sem er 44 ára í dag.  Við Sirrý brölluðum margt og mikið saman hér á árum áður.  Djömmuðum m.a. MIKIÐ saman árið 1994, en það ár "bjuggum" við á Café Amsterdam (sama stað (og tíma) og ég kynntist mínum heittelskaða á...).  

Við aðallega hlógum saman, en Sirrý slapp ekki við að leggja eyra og öxl til í ölllum mínu ástarveseni (lesist; "þráhyggjum"). 

Ég hef ekki hitt Sirrý síðan jólin 1997...úff, 10 ár!!!  En hver veit nema vegir okkar skarist fyrr en síðar?!!!!  Það væri nú gaman.

Held ekki að Sirrý lesi bloggið mitt...en samt; Til hamingju með daginn, elsku dúllan mín.   

Fiskur

Hringdi í Lilju sys. í dag og fékk fiskiuppskriftir sem mig langar að deila með ykkur:

Pabba-fiskur

Fiskur að eigin vali kryddaður með timjan, pipar og hvítlaukskryddi/hvítlaukssaltiog steiktur á pönnu.  Settur í eldfast mót.  Rjómi og gráðostur látinn á pönnuna og látið malla þar til osturinn er bráðinn.  Sveppum bætt út í og látið malla um stund.  Síðan er þessu hellt yfir fiskinn og inn í ofn.
Borið fram með brauði og/eða kartöflum.
(Pabbi setur rækjur og hörpudisk út í, í lokin og þeir sem eru fyrir slíkt gætu þá gert það líka.)

Lilju-fiskur

Fiskur kryddaður með fiskikryddi og steiktur á pönnu.  Settur í eldfast mót.  Gulrætur, sveppir og epli (allt skorið í bita) er steikt á pönnunni.  Síðan sett yfir fiskinn.  Loks er rjómi og piparostur látinn á pönnuna þar til osturinn er bráðinn.  Þessu er svo hellt yfir fiskinn.
Borið fram með brauði og/eða kartöflum.

Gleðilegan föstudag

Góðann daginn, elskurnar!

Jæja, ég fór of seint að sofa í gær...ætlaði að sofa út, en Ólöf Ósk vakti mig og bað mig að keyra sig á sundæfingu kl. 8.  Gerði það.  Ætlaði svo heim og hvíla mig...er sko að fara á kvöld-morgun-morgun... En hætti við og gerðist aktív í staðinn.  

Er búin að hræra í konfektkúlurnar góðu, búin að gera jólaísinn og síðasta platan af lakkrístoppunum er í ofninum...gerði tvöfalda uppskrift núna...! 

Þarð að breggða mér í Bónus og kaupa smá...svo vorum við að fatta í gær, við hjónakornin, að það sé kannski allt í lagi að fara að huga að jólasteikinni...en held ég láti það bíða til morguns og leyfi mínum heittelskaða að vera memm í að velja kjötið...!!

--

Mér tókst að taka til og þrífa allt í gær...nema baðið, á það eftir.  Tók ærlega til hendinni hjá strákunum, og með þeirra samþykki tók ég fullt af dóti út, sem sjaldan/aldrei er notað.  Svo það verður geymt (amk.) þangað til við flytjum...!!  

Svo tókum við borðið út, sem þeir voru með, svo nú hafa þeir ekkert borð en MIKIÐ pláss til að leika og eru ALsælir!

---

Læt þetta duga í bili.   

Leynivinur

Í desember tíðkast víða að hafa leynivinaviku.  Í bekknum hans Jóns Ingva hafa þau verið í einhverskonar leynivinarleik.  Og í dag fengu þau mynd af sjálfum sér með orðsendingu frá leynivininum. 

Orð leynivinarins um Jón Ingva hljóða svona:

"Hann er skemmtilegur.  Hann er góður í sundi.  Hann er til dæmis góður að læra og hann er góður. Það er gaman að vera með honum í sundi." 

Ekki leiðinlegt að fá svona með heim í jólafríið!!    

AbbA

Ég ELSKA AbbA og það breytist örugglega aldrei!!!  Ég átti AbbA barbie-dúkku!!!  Hún var ÆÐI!!!