Loksins, LOKSINS!

Nýjar myndir á heimasíðu barnanna. Myndir úr húsinu, teknar í dag

Þessar ömmur...

Lawyers  should never ask a Mississippi grandma a question if they aren't  prepared for the answer.


In a trial, a Southern  small-town prosecuting attorney called his first witness, a  grandmotherly, elderly woman to the stand. He approached her and  asked, 'Mrs. Jones, do you know me?' She responded, 'Why, yes, I do  know you, Mr. Williams. I've known you since you were a boy, and  frankly, you've been a big disappointment to me. You lie, you cheat  on your wife, and you manipulate people and talk about them behind  their backs. You think you're a big shot when you haven't the brains  to realize you'll never amount to anything more than a two-bit paper  pusher. Yes, I know you.'

The lawyer was stunned. Not knowing  what else to do, he pointed across the room and asked, 'Mrs. Jones,  do you know the defense attorney?'

She again replied, 'Why  yes, I do. I've known Mr. Bradley since he was a
youngster, too.  He's lazy, bigoted, and he has a drinking problem. He can't build a  normal relationship with anyone, and his law practice is one of the  worst in the entire state. Not to mention he cheated on his wife  with three different women. One of them was your wife. Yes, I know  him.'

The defense attorney nearly died.

The judge  asked both counselors to approach the bench and, in a very quiet  voice, said,
 'If either of you  idiots asks her if she knows me, I'll send you both to the electric  chair.'

Hið ótrúlega gerðist!

Ég var vöknuð kl. 8 og komin fram úr 8.45 og það á SUNNUDAGSmorgni!!!  Og ekki að fara að vinna.  Ótrúlegt en satt.

Reyndar er það þannig að Einar er að fara á næturvakt í kvella...og við í paró fyrst...svo hann ætlaði að reyna að sofa til kl. 12 þar sem hann nær ekki að leggja sig í kvöld.  Ég vona að hann geti sofnað aftur en hann var glaðvaknaður á undan mér...ég verð víst seint þessi morgunhani sem hann er orðinn.  Ég man þá tíð er hann gat sofið alla morgna...en síðan eru víst liðin nokkur ár.

Annars var kvöldið notalegt, ég pakkaði í nokkra kassa og við fórum upp í hús, ég og strákarnir, með viðkomu í Shell.  Ég bauð strákunum upp á ís í boxi og það vakti sannarlega lukku.  Svo uppi í húsi var allt að gerast, vaskaskápurinn kominn á sinn stað í bílskúrnum, sem og skúffujúnitið.  Eldhúsbekkurinn kominn ofan á, en á víst eftir að festa.  Svo það er að koma mynd á þetta hjá okkur.  Enda ekki seinna vænna þar sem það er tæp vika í flutning!!!

Jóhannes situr hér í hinni tölvunni, því Jón Ingvi er sofandi...gerist ekki oft...yfirleitt er það öfugt; Jóhannes sefur og Jón Ingvi vaknar snemma.  En þar sem bæði sjónvörpin eru í sitthvoru svefnherberginu...þá er talvan málið...

Ólöf Ósk fer á fartina í dag með sundhópnum.  Yfirgefur Esbjerg og fer áleiðis til Köben þar sem þau gista tvær síðustu næturnar.  Á morgun er það væntanlega Strikið og búðaráp - hún ætlaði að kaupa sér buxur, annað var ekki planað - og svo er Tívolí annað kvöld. Flug heim á þriðjudag.  Mikið hlakka ég til.

Og nú held ég að ég fái mér morgunverð og gómsætt kaffi!! 

Laugardagur

Í gær var ég eitthvað að hugsa um hvar ég var fyrir ári síðan...og hvað ég var að gera. Fékk smá hroll...þá var rúmur mánuður eftir fram að skiladegi á lokaverkefninu...mikil vinna og nett martröð sumar nætur... Mikið er ég fegin að því lauk farsællega

Í dag er ég búin að vera að pakka. Fór með slatta af kössum upp í hús, með þessu áframhaldi verða bara stóru hlutirnir eftir á laugardaginn!!!  Sem er bara gott mál.  Ég set alla kassana inn í þann hluta sem við ætlum ekki að flytja í strax svo þá er bara hægt að sækja kassana einn í einu (eða tvo eða þrjá...) og gera þetta í rólegheitunum

Jóhannes fékk leikfélaga af leikskólanum í heimsókn í dag og áttu þeir góðan dag. Léku sér vel og lengi og báðir ósáttir þegar yfir lauk...vildu leika lengur þó þeir væru búnir að leika síðan um hádegi og það væri komið fram á kvöld!!  Svo þeir eiga væntanlega eftir að leika saman aftur.

Núna eru þeir bræður að spila Ólsen Ólsen...og Jóhannes með grátstafinn í kverkunum yfir að Jón Ingvi var að vinna hann...þeir eru svo yndislega tapsárir, þessir ormar

Jamm, en núna ætla ég að setja fiskibollurnar á borðið og bjóða familíjunni að gera svo vel.  

Later... 

smá leiðrétting

Amma Bára var tengdaamma mín, sem sagt amma Einars.  Hún var bara aldrei kölluð annað en amma Bára á okkar heimili.

Takk fyrir samúðarkveðjur, elskurnar.

--- 

Hvað er kærleikur?

Kærleikur er, hvert góðverk sem þú vinnur.

Kærleikur, er hvert bros sem þú gefur.

Kærleikur, er að faðma þann sem grætur.

Kærleikur, er að hugga þann sem syrgir.

Kærleikur, er að gefa þeim sem þarfnast.

Kærleikur, er umhyggja fyrir öllu sem lifir.

Kærleikur, er að biðja fyrir öllum, góðum sem slæmum.

Kærleikur, er að lifa sáttur við sjálfan sig og aðra.

Kærleikur, er að dæma ekki.

Kærleikur, er ljósið sem býr í hjarta þínu.

 

Enn eitt...

...nostalgíukastið hér á bæ!!!

Hver man ekki eftir þessu?!!!!

--

Mig langar að segja ykkur frá því að amma Bára lést s.l. sunnudag, þá 92 ára og einum mánuði betur.

 

Það hefur því verið töluverð sorg hér á bæ þessa vikuna.  Þrátt fyrir að ég hafi hugsað fyrir viku síðan að ég vonaði að þessu færi að ljúka hjá henni, því það stefndi ekki í annað en endalokin, þá hef ég hugsað aftur og aftur þessa viku; "Afhverju þurfti hún endilega að deyja strax?!"

Yndisleg kona farin.  Heimurinn svo miklu fátækari, svo mikill litur farinn, því hún setti sannarlega lit á lífið.

Það hefur verið tómlegt í vinnunni.

En lífið heldur áfram og ekkert er örugg þegar við fæðumst nema einmitt það að við munum deyja!

Amma Bára var tilbúin, og átti yndislega daga með sínum nánustu áður en yfir lauk.  Það eru ekki allir svo lánsamir, og eftir stöndum við og eigum helling af minningum sem ylja, ekki síst minningar frá tveimur síðustu vikunum.  Ómetanlegt og eitthvað sem ég verð alltaf þakklát fyrir.

--

Svo get ég sagt ykkur að það er bara rúm vika í flutning.  Einar er byrjaður að leggja parket, en við ákváðum að kaupa ódýrt plastparket og leggja á bílskúrinn og þann hluta sem við flytjum fyrst inn í.  Svo fórum við í Ikea í fyrradag og keyptum 3 eldhússkápa í bílskúrinn - sem verða svo notaðir í eldhúsinu þegar þar að kemur. Og við keyptum líka skáp og hillu á baðherbergið, og ljós og þess háttar. 

Ég er á fullu að pakka, og það gengur nú bara alveg ágætlega.  Fór með fyrstu kassana upp í hús í gær og fleiri munu fara um helgina!!  Þetta er bara svo gaman.

--

Ekki meir í bili.   

Örstutt...

Ætla ekki að skrifa mikið í dag.  Það er búið að vera mikið að gera undanfarna daga, ég var m.a. að vinna um helgina og það var mikið að gera.  Var þreytt. 

Strákarnir fóru í helgarferð til ömmu í Hafnarfirðinum og voru alsælir með helgina.  Fóru í sund, í pönnsur til ömmu (lang-) Siggu í Kópavoginn og fóru svo hálfa leið upp á Esjuna á leiðinni heim á sunnudaginn!!   

Ólöf Ósk fór, ásamt öðrum 7. bekkingum, á Reykjaskóla í gærmorgun.  Hún, ásamt 5 öðrum sundbörnum, verða svo sótt annað kvöld því á fimmtudaginn fara þau af stað til Danmerkur, nánar tiltekið til Esbjerg, að taka þátt í RISAstóru sundmóti.  Mikill spenningur, get ég sagt ykkur!

Skrifa meira fljótlega.

Kyss... 

Pizza og fleira

Halló elskurnar og GLEÐILEGT SUMAR!!!

Undanfarnir dagar hafa verið skemmtilegir og NÓG að gera.  Í gær fengum við fólk í mat, tvær föðursystur Einars og þeirra menn, pabba Einars og Jónu og frænku Einars og kærasta.  Ég smellti í brúðkaupssúpuna góðu og Bamse´s sødeste juleboller og þetta slær alltaf í gegn.  Bakaði reyndar líka skúffuköku sem féll vel í kramið.  Svo vel að synir okkar vildu endilega fá skúffuköku í morgunmat í morgun!!!

Framundan er vinnuhelgi.  Gaman að því.  Strákarnir ætla í frí til ömmu sinnar (tengdamúttu minnar) og hlakka mikið til.  Ekki amalegt að vera boðið í helgarferð til ömmu!!!  Það sem þeir hlakka mest til er að fá pönnukökur...þeir eru sannfærðir um að amma muni baka pönnsur handa þeim

--

S.l. laugardag fór ég í saumaklúbb með Valkyrjunum.  (Ég heimtaði auðvitað uppskriftina að því sem Gestgjafinn smellti í: 

Pizza að hætti Margrétar Valkyrju, sjúklega góð!!!  Mæli með að þið prófið. Öðruvísi pizza en snilldargóð. 

Botninn er þessi sem hægt er að kaupa í Bónus og flestum öðrum búðum, rúllaður upp í plasti. 
Ég baka hann í svona 10-15 mín, þar til hann er ljósbrúnn. 
Kæli aðeins og hræri svo saman eina dós af hreinum rjómaosti (litlu dósirnar) og einu hvítlauksrifi og smyr á. 
Síðan set ég á hana eina krukku af smátt söxuðum sólþurrkuðum tómötum og eina dós af marineruðum kirsuberjatómö tum frá Sacla, og strái svo furuhnetum yfir. 
Bakað í svona 10 mínútur í viðbót. 
Strái síðan klettasalati yfir og ber hana fram með balsamic dressing sem ég bý til úr balsamic ediki, ólífu olíu og dijon sinnepi. 
Ég hef líka sett á pizzuna ólífur og kapers, um að gera að láta hugmyndaflugið ráða - og nýta það sem er til í ísskápnum.  

Dagurinn í dag...

...svona einhvernveginn:

- vaknaði 6.50...og fór á fætur!!!

- fór að æfa, tók Jóhannes með, fór á hjóli!

- fór út á verkstæði og fékk tíma í dag kl. 13.30 til að láta umfelga bílinn (er ekki að nenna því...þetta er klárlega karlmannsverk!!!)

- bjó til pizzu í hádegismat handa mér og mínum heittelskaða.  (Jóhannes vildi bara kaldar SS-pylsur)

- er núna að reyna að safna orku..kjarki...einhverju bara...til að fara í sturtu...langar miklu meira að leggjast undir sæng og leggja mig...!

- á von á Bárunni okkar upp á Skaga! Gerist alltof sjaldan.

- Tengdamútta kemur svo seinnipartinn og ætlar að borða hjá okkur. Gerist líka alltof sjaldan!

- ætli ég drattist ekki í þvottahúsið snöggvast...þvoði vél í morgun...það var allt ískalt þegar ég tók það úr vélinni...sá þá að ég hafði látið vélina þvo á 0°C!!!!  Setti það aðra ferð...á 40°C!!! 

Ég vil komment frá ykkur um pilsin!! Bara Jóna og María sem hafa tjáð sig!! *Þið* heimtuðuð mynd...og þá heimta ég KOMMENT!!!! 

Döðlutertan...

...sem ég fór með í vinnuna á fimmtudaginn:

Sjúklega góð með þeyttum rjóma!!