Enn eitt...

...nostalgíukastið hér á bæ!!!

Hver man ekki eftir þessu?!!!!

--

Mig langar að segja ykkur frá því að amma Bára lést s.l. sunnudag, þá 92 ára og einum mánuði betur.

 

Það hefur því verið töluverð sorg hér á bæ þessa vikuna.  Þrátt fyrir að ég hafi hugsað fyrir viku síðan að ég vonaði að þessu færi að ljúka hjá henni, því það stefndi ekki í annað en endalokin, þá hef ég hugsað aftur og aftur þessa viku; "Afhverju þurfti hún endilega að deyja strax?!"

Yndisleg kona farin.  Heimurinn svo miklu fátækari, svo mikill litur farinn, því hún setti sannarlega lit á lífið.

Það hefur verið tómlegt í vinnunni.

En lífið heldur áfram og ekkert er örugg þegar við fæðumst nema einmitt það að við munum deyja!

Amma Bára var tilbúin, og átti yndislega daga með sínum nánustu áður en yfir lauk.  Það eru ekki allir svo lánsamir, og eftir stöndum við og eigum helling af minningum sem ylja, ekki síst minningar frá tveimur síðustu vikunum.  Ómetanlegt og eitthvað sem ég verð alltaf þakklát fyrir.

--

Svo get ég sagt ykkur að það er bara rúm vika í flutning.  Einar er byrjaður að leggja parket, en við ákváðum að kaupa ódýrt plastparket og leggja á bílskúrinn og þann hluta sem við flytjum fyrst inn í.  Svo fórum við í Ikea í fyrradag og keyptum 3 eldhússkápa í bílskúrinn - sem verða svo notaðir í eldhúsinu þegar þar að kemur. Og við keyptum líka skáp og hillu á baðherbergið, og ljós og þess háttar. 

Ég er á fullu að pakka, og það gengur nú bara alveg ágætlega.  Fór með fyrstu kassana upp í hús í gær og fleiri munu fara um helgina!!  Þetta er bara svo gaman.

--

Ekki meir í bili.   

Athugasemdir

[Birna Dis Vilbertsdóttir (IP-tala skráð) 2.5.2008 kl. 22:14]

samúðarkveðja vegna Báru ömmu.Myndbandið er auðvitað dásamlegt

[JEG, 2.5.2008 kl. 22:23]

Samúðarkveðjur. Það er alltaf sárt að missa ömmu sína. Amma mín dó einmitt fyrir rúmu ári síðan og ég sakna hennar ólýsanlega enda hafði ég ekki tök á að kveðja hana.

Gangi þér vel í flutningunum. Knús úr sveitinni.

[Úrsúla Manda , 2.5.2008 kl. 22:29]

Ég samhryggist ykkur Sigrún mín.

Hef oft heyrt þetta lag, en aldrei séð myndbandið  Gaman að því!

[Hrönn Sigurðardóttir, 2.5.2008 kl. 22:51]

Votta þér samúð mína.

[María Katrín Jónsdóttir Ármann, 2.5.2008 kl. 23:01]

Ókey sæta

Nú hefur þú sko vinninginn í halló tónlist

Verð að fara á stúfana og grafa upp eithvað sniðugt.

Annars er Aðalst bróðir með Söndru Kim á heilanum þessa dagana

Gangi ykkur vel að flytja

sjáumst eftir hálfan mán 

[Bryndís R (IP-tala skráð) 3.5.2008 kl. 00:32]

Samhryggist vegna ömmu þinnar

[ragnhildur frænka (IP-tala skráð) 3.5.2008 kl. 18:16]

Samhryggist ykkur öllum vegna ömmu Báru *knús* Gu-vu hvað ég man eftir Frankie laginu .. flashback lengst aftur :D  Gangi ykkur vel í flutningum!!