Skvísan: fyrir og eftir

 

 

 

 

 

 

 

 

 

 

 

 

 

 

 

 

 

 

 Engin smá breyting á Ólöfu Ósk.  Þetta er í fyrsta skipti EVER sem hún er með topp!

Glæsileg stúlka

Vitnisburður barnanna okkar :)

Þá er komið sumarfrí hjá skólabörnunum okkar.  Þau áttu að mæta á hjólum í morgun og fara í óvissuferð með sínum bekk.  Jón Ingvi varð að fara labbandi...það var sprungið á hjólinu hans þegar hann ætlaði að fara af stað Kennarinn reddaði málunum og tók Jón Ingva með sér í bílinn og fékk hann til að hjálpa sér með óvissuferðina

Ég get sagt ykkur að ég fékk tár í augun af gleði þegar kennarinn hans, hún Árný, sagði mér að hún verður áfram með bekkinn næsta vetur.  Yndislegt bara.  Hún er að átta sig svo vel á honum og er að reynast honum svo vel.  Snilld alveg.  

Jón Ingvi kom vel út úr vitnisburði og verð ég auðvitað að monta mig aðeins.  Í list- og verkgreinum fékk hann "mjög gott" og "framúrskarandi" í hegðun og "mjög góð" og "framúrskarandi" fyrir ástundun.  Fékk mikið hrós og hvatningu, sem er bara æði. Hann fékk mikið hrós fyrir lestur og stóð sig að öllu leiti mjög vel. Í sundinu lauk hann 2. stigi.

--

Ólöf Ósk stóð sig ekki síður vel.  Það voru engin hefðbundin próf en krakkarnir metin eftir verkefnum vetrarins að mestu. Hún fékk þessar einkunnir:
íslenska: 8
stærðfræði: 7,5
enska: 8,5
danska: 10
samfélagsfræði: 9
náttúrufræði: 8 
myndmennt: 8,5
hönnun og smíði: 8
textílmennt: 9
heimilisfræði: 7,5
íþróttir: 7
sund: 7. stig: fékk þar 9,5 og 10 í öllum sundum

Að auki fékk hún þessi orð frá kennaranum:

"Kæra Ólöf Ósk, þú er hefur sýnt að í þér býr góður námsmaður, metnaðarfull og vinnusöm..." 

Er eitthvað skrítið að ég sitji og tárist af gleði og stolti yfir duglegu börnunum okkar? (Ólöf Ósk var fegin að ég sá vitnisburðinn bara heima í stofu...henni finnst frekar pínlegt hvað foreldrar hennar eru miklir vælukjóar......en tárin eru oftast gleðitár......)

--

Annars er letilíf hér í dag, ég og Jóhannes drusluðum heima í morgun, ég dormaði og hann horfði á teiknimynd og dúllaði sér.  Svo er vinna á morgun...er ekki í gírnum...langar að vera í sumarfríi eins og börnin...eins og þegar ég var í skóla!!! En þeir dagar eru víst liðnir...

Skvísan okkar er að fara í klippingu á eftir...kannski ég smelli inn fyrir og eftir myndum þegar við komum heim aftur

Later... 

 

Sumar, sumar og sól

En hvöss austanátt! Þar hafiði veðurlýsingu dagsins frá mér

Annars er allt á fullu hér, Einar búinn að klára að parketleggja upp á nýtt, þvílíkur munur.  Svo er hann núna að setja plöturnar fínu á baðherbergið.  Svo nú kemur bráðum sturtuhengi og hægt að fara í sturtu án þess að allt fari á flot.  Þetta er allt að koma, svona smátt og smátt.  Eintóm sæla, verð ég að segja.  Við erum ægilega lukkuleg í húsinu okkar.

Og alltaf kaffi á könnunni ef þið eigið leið um Því við ELSKUM að fá gesti...ef þið skilduð ekki hafa vitað það

Ég er annars vonda mamman...er að LÁTA strákana taka til hjá sér...það gengur svona og svona...

Paró hjá okkur á eftir, ég ætlaði að elda fiskrétt sem ég fann á netinu...en vitiði hvað?! Af þessum þremur verslunum sem eru opnar á Akranesi í dag (sem eru: Bónus, Krónan og Grundaval) þá er HVERGI til mysa Svo við fáum bara einhvern annan fiskrétt! 

...held ég fari núna og hækki röddina aðeins við drengina...

Laugardagur til lukku

Dagurinn byrjaði missnemma (eða seint) hjá fjölskyldumeðlimum...Einar fór í vinnu kl. 6...Jón Ingvi vaknaði kl. 6.40...veit ekki hvenær Jóhannes vaknaði...en ég svaf á mínu græna til kl. 10...

Smellti mér í sturtu, hringdi í Erlu sys. og það varð á að hún og 3 af börnum hennar komu til okkar.  Alveg æðislegt.  Áttum góðan dag saman, systur og börn.

Einar og Jón Ingvi fóru á tónleika með Bubba í gær, Verkalýðsfélagið hér á staðnum bauð félagsmönnum á tónleikana.  Jón Ingvi var alsæll og fékk að heyra lagið sem hann hafði vonast til; Afgan.  Það var síðasta lagið og hann kom alsæll heim.

Annars lítið að frétta. 

Mamma farin austur á Nobbó, eftir að hafa lent í jarðskjálftanum...hún var í Hveragerði á heilsubælinu, eins og fyrr sagði (um síðustu helgi sko). 
Svo við fáum mömmu ekki í heimsókn í bráð en vonandi bregða þau undir sig betri fætinum og smella sér í ferðalag í sumar...

Að lokum langar mig að leggja fyrir ykkur þetta augnpróf, sem Lilja systir sendi mér:

Jæja...

...var sko að koma heim af kvöldvakt...og er svöööööng!!!  Held samt ég reyni að komast í bælið án þess að kýla mig út af einhverri vitleysu!

LILJA, elsku sys. Ég er búin að redda mánudagskvöldvaktinni!!!  Þá er bara ein vakt sem ég þarf að mæta á!!! Bara súper, dúper!!!

Takk fyrir kommentin, krúttin mín, og hlakka til að fá fleiri

Megi Guð og englarnir vaka yfir okkur öllum í nótt

Stundum...

...tékka ég mailinn minn til að athuga hvort einhver hafi kommentað á blogginu...og stundum hefur enginn kommentað neitt...en þá verð ég bara að skrifa eitthvað Mér finnst svo gaman nefninlega að fá komment.

Get svo sem ósköp fátt sagt ykkur í dag.  Fór reyndar að æfa í morgun með henni Grétu minni, og svo kom hún með mér heim í kaffi.  Var sko ekki búin að koma síðan við fluttum.  Það var alveg glimrandi gaman, gott kaffi og gott spjall.  Skemmtileg hún Gréta.  Hún er að fara í sumarfrí svo ég vinn ekki með henni aftur fyrr en einhverntímann í ÁGÚST!!!  En þá er bara um að gera að vera duglegar í ræktinni svo við hittumst!!! Og hana nú!!! (Eins gott að hún lesi bloggið mitt!!!!)

Ragnhildur frænka sendi mér sms og bauð Einari (og mér ef ég vildi...) tvo boðsmiða á landsleikinn í kvöld.  Ég varð steinhissa...vissi ekki af neinum landsleik...en Einar varð bæði glaður og leiður...hann varð glaður yfir miðunum...en leiður yfir að komast ekki...er að vinna til 22 En tengdapabbi græddi og varð mjög glaður.  Takk Raggý og Inga.
Verst að þið skuluð ekki geta notað miðana sjálfar og Inga; þú verður bara að gera svo vel og láta Raggý um garðvinnuna og hlúa vel að þér og litlu bumbustelpunni ykkar!! (Skipað gæti ég væri mér hlýtt...)

Ég bjó til múslínammið áðan...Jóhannes hjálpaði mér að búa til kúlur...og það varð mikil rýrnun...hann borðaði svo vel af þeim algert nammi gott!!!

Jamm...this is my life

 

Múslíkonfekt og súkkulaði

Múslíkonfekt

2 ½ b haframjölsmúslí m/lífrænu súkkulaði*
½ b agave*
½ b hnetusmjör*
¼ b kókosolía*
¼ b kakóduft*
smá vanilluduft*

allt sett í matvinnsluvél – kælt í 15 mín
mótað konfekt – líka frábært sem kökubont
geymist besti í kæli eða frysti.

 

Heimatilbúið súkkulaði

 

1 dl. Agave
2 dl. Hreint kakóduft
2 dl. Kókosolía 

Látið heitt vatn renna í skál og setjið kókosolíuna þar í svo hún verði fljótandi, blandið allri uppskriftinni í skál og hrærið saman. Tilbúið!

Þetta má setja í konfektform og inn í frysti eða kæli til að búa til súkkulaðimola, einnig má nota þetta sem súkkulaðisósu, hjúpsúkkulaði til að dýfa konfektkúlum í eða blanda þessu út í konfektkúludeig til að gera súkkulaði-effect og fleira og fleira.

Mér finnst þetta súkkulaði mjög gott út á epla- og valhnetubökuna.  

Ég ætla að taka köku með í vinnuna á fimmtudaginn...þess vegna er ég að spá í uppskriftir núna...

Annars er allt gott að frétta, var að vinna í dag eftir 7 daga frí. Fannst ég eins og álfur út á hól í vinnunni...hvernig verð ég eftir 5 vikna frí??!!!!

Jæja, ætla að smella mér á smá fund...Later...!! 

 

Systur að eilífu

Ung kona var í heimsókn hjá móður sinni og  drakk íste til þess að kæla sig í mesta sumarhitanum.Um leið og þær töluðu um lífið, hjónabandið, ábyrgðina og skuldbindingar fullorðinsáranna hristi móðirin klakamolana  í glasi sínu svo að telaufið þyrlaðist upp og leit hreinskilnislega á dóttur sína: „Gleymdu ekki systrum þínum, þær verða  því mikilvægari sem þú eldist. Einu gildir hversu mikið þú elskar manninn þinn eða börnin sem þú kannt að eignast, þú munt alltaf þarfnast systra. Mundu t.d. eftir að lyfta þér upp með þeim. Með systrum á ég við ALLAR konurnar í lífi þínu. Ég á við vinkonurnar, dætur þínar og aðrar konur sem þér eru tengdar blóðböndum. Þú munt þarfnast annarra kvenna. Þannig er þetta bara.“

                      „Þetta er skrýtið ráð,“ hugsaði unga konan. „Ég er nýgift, nýkomin inn í hjónaheiminn. Nú er ég gift kona, svo sannarlega fullorðin manneskja. Maðurinn minn og fjölskyldan sem við vonumst til að eignast verða allt sem skiptir máli í lífi mínu.“

Þótt unga konan væri ekki ginnkeypt fyrir ráðum móður sinnar í þetta sinn fór þó svo að hún tók mark á henni. Hún ræktaði sambandið við systur sínar og eignaðist fjölda vinkvenna. Þegar tímar liðu varð henni ljóst að mamma hennar hafði rétt fyrir sér.

Tíminn og framvinda lífsins marka spor á konur en systur eru óumbreytanlegar. Sannleikurinn kristallast í eftirfarandi:

 

Tíminn líður hjá, lífið á sér stað, fjarlægðir skilja menn að, börn vaxa úr grasi, atvinnutækifæri koma og fara, ástin getur orðið að vana, menn gera einfaldlega ekki það sem vænst er af þeim, hjörtu bresta, foreldrar deyja, samstarfmenn gleyma greiðunum sem þeim eru gerðir og framabrautin tekur enda EN Systur eru enn til staðar óháð tíma og fjarlæg. Góð vinkona er aldrei í meiri fjarlægð en svo að það megi nálgast hana á einhvern hátt.  Þegar erfiðleika  ber að höndum og þú ert ein þíns liðs þá bíður ævinlega einhvers staðar systir með útrétta arma þér til hjálpar. Stundum eru þær jafnvel reiðubúnar að ganga með þér spölkorn eða líta við og rjúfa þar með  einmanaleikann..

                      Vinkonur, dætur, ömmustelpur, tengdadætur, systur, mágkonur mæður, ömmur, föðursystur, móðursystur, systradætur, bróðurdætur og frænkur af ýmsu tagi í stórfjölskyldunni eru okkur öllum til blessunar. Veröldin væri önnur án kvenna. Þegar við lögðum af stað í það ævintýri sem fylgir því að vera kona þá höfðum við litla hugmynd um þá gleði og sorg sem fram undan væri. Við gerðum okkur heldur ekki grein fyrir hversu mjög við kynnum að þarfnast hver annarrar. Þannig verður það áfram.

 

Athugaðu:

                      Sendið þetta áfram til þeirra kvenna sem skipta máli í lífi ykkar.

Í stuttu máli sagt:

Hugsaðu þér að það séu 20 englar í heiminum. Tíu sofa í ró á skýjunum, níu leika sér og einn les núna rétt í þessu tölvupóst dagsins um systur.

Mikið finnst mér...

...erfitt að vakna á morgnana.  Fór reyndar ekki að sofa fyrr en að verða 1 í nótt...og það er bara of seint fyrir mig ef ég þarf að vakna 6.45.  Ég hugga mig reyndar við það að ég get skriðið upp í aftur þegar skólabörnin eru farin að stað í skólann...

Bara vika eftir af skólanum hjá þeim, og þá þarf ég ekki að vekja og reka á eftir þeim í tæpa 3 mánuði!!! Það verður sæla!!!  Og þó ég þurfi kannski að vekja þau og koma þeim af stað í eitthvað í sumar...þá er það kannski ferðalag eða álíka...og þá er miklu skemmtilegra að vakna heldur en til að fara í skólann...

Hugsið ykkur, svo eftir sumarfrí fer Jón Ingvi í 3. bekk og Ólöf Ósk í 8. bekk!!!  Hún byrjar hjá prestinum eftir sumarfrí!!!  Jamm, og bara rúmt ár eftir af leikskólatímanum hjá "litlanum" mínum!  Jamm, tíminn flýgur.

Ætla að koma krökkunum af stað og skríða svo undir sængina mjúku...

Frábær helgi

Jæja, þá er frábær helgi liðin.  Eftir standa minningar.

Laugardagurinn var svona hjá mér:

- Fór og fætur og fór í ræktina!!! Hef verið frekar löt undanfarið, haft fullt af misgóðum afsökunum...á fullu að flytja...nóg af kössum að vera...og núna í vikunni; að hjúkra Maríu sys...þó hún hefði nú alveg getað séð um sig sjálf í rúman hálftíma...ég þurfti nú ekki að hjúkra henni svo mikið.  En afsökunin var góð...fannst mér!

- Við hjónakornin brunuðum á haugana, með fulla kerru og fullt skott...og komumst að því að þeir opna ekki fyrr en kl. 13.00 á laugardögum (og opna alls ekkert á sunnudögum...við erum greinilega of góðu vön eftir 9 ár í Danaveldi...).

- Man ekki alveg hvað ég gerði svo...en það var eitthvað í samb. við húsið...henti mér svo í sturtu því við vorum á leið í höfuðborgina.

- Einar fór á fund og ég og strákarnir fórum í Rúmfatalagerinn og svo til Guðrúnar vinkonu.

- Eftir fund hjá Einari og fleirum var grillveisla heima hjá Guðrúnu og fj. og það var auðvitað snilldarlega skemmtilegt, enda fullt af skemmtilegu fólki þar saman komið.  Ég reyndar þekkti fæsta en núna þekki ég slatta! Bara gaman...þó ég hafi auðvitað verið í nettum ótta fyrst...en það jafnaði sig fljótt.  Gamall brestur þar á ferð...

- Við brunuðum heim eftir íslenska lagið og náðum í stigagjöfina og spennan var nú ekkert gífurleg...hvorki Ísland né Danmörk á toppnum... En hið ótrúlega gerðist, Jóhannes sofnaði í fanginu á mér, ansi þreyttur.  Enda var hann lasinn fyrri part dags...vaknaði með 40° en var hitalaus að kveldi.

Sunnudagur:

- Tókum daginn nokkuð snemma.  Lögðum af stað í Hveragerði kl. 10.15 (korteri á eftir áætlun). Þar heimsóttum við múttu mína sem þar dvelst þessar vikurnar.  Áttum yndislegan dag.

Mútta bauð okkur í hádegismat. Planið var að borða á Heilsubælinu en svo var því blásið af...ætli ég og mamma hefðum ekki einar fengið einhverja næringu...

Við fórum amk á kaffihús, svo í Eden og síðan í ótrúlega áhugaverða búð; Álnavörubúðina.  Þar fæst ALLT held ég, nema matur og garn.  Endalaust af allskonar efnum - mikið vildi ég hafa svona búð hérna á Skaganum!!  Svo voru föt, skór, gjafavara og bara name it! Og alls ekkert dýrt.  Neibb, við fengum t.d. hettupeysu á Jón Ingva á 1490 kr. og það telst ekki mikið á þessum síðustu og verstu...

Jamm.  Átti yndislegan dag, með mömmu og familíjunni minni.

--

Hugsið ykkur, við eyddum HEILLI helgi í EKKI NEITT!!!  Eða þannig...og bara næstum því! Því að þegar heim kom þá tókum við til hendinni, Einar setti slatta af gólflistum og ég réðist í tiltekt í byggingunni (eins og við köllum þann hluta hússins sem er bygginarsvæði).  Svo nú er ekkert sem ætti að stöðva Einar í að halda áfram með næsta áfanga; svefnloftið/sjónvarpsloftið...nema kannski vinnan... En þetta kemur allt. 

Jæja, ætla að fá mér eitthvað að ETA!!!

Túttilús...