Bara smá...aðallega fyrir þá sem ekki eru á facebook...

...og vita þar af leiðandi ekkert um það hvað ég bralla...!!

Fyrst er það auðvitað peysan fína - vantar reyndar tölur á hana á myndinni. En svona varð endirinn á henni, og ég er svakalega ánægð með útkomuna. Bara alveg eins og ég sá hana fyrir mér í hausnum á mér!

Næst á dagskrá er að prjóna eitt stykki lobbu handa Maríu sys. svo held ég áfram í einhverju. Er reyndar komin með enn eina peysu í hausinn handa sjálfri mér, en það er svo spurning hversu margar lopapeysur kona þarf að eiga...!!

Ég get upplýst ykkur um að sú peysa ætti þá að vera í skærum litum, eldrauð og mjög græn...eða álíka :)

-------

Í gær fór skvísan okkar, heimsætan, til Danmerkur, nánar tiltekið til Græsted. Þar ætlar hún að vera í góðu yfirlæti hjá Cille vinkonu sinni og hennar fjölskyldu í 14 daga!! Það var gífurlega mikil spenna í loftinu og þær búnar að telja niður sitt í hvoru lagi - sitt í hvoru landinu! 

Ég, Einar og strákarnir lögðum hins vegar í aðra langferð eftir að dísin var flogin. Við ákváðum að pakka tösku með smá nesti og labba áleiðis á Akrafjall. Það endaði svo með að við fórum alla leiðina upp! Ég og strákarnir vorum að fara þarna upp í fyrsta skipti, og var þetta stórkostlegt alveg. Ég er svakalega stolt af strákunum að fara alveg upp á topp. Því til sönnunar var skrifað í gestabókina á toppnum, en við hins vegar klikkuðum á að taka myndavélina með :( Hefði tekið hana með hefði mig grunað að við færum alla leiðina upp!

Það skal tekið fram að ég er afar lofthrædd og var þetta klárlega óttapróf sem ég fór í þarna. Það hafðist og var bara tvisvar á leiðinni sem ég var á barmi móðursýkiskasts...náði að stoppa mig af áðpur en ég fór hreinlega að skæla. Reyndar bara í fyrra skiptið sem þetta var svo slæmt. 

Þetta var æði, þó ég sé sárfætt í dag ;)

Nú held ég að mál málanna sé að drífa mig í föt og bleyta á mér hárið...ég líkist alltaf Gilitrutt á morgnana...

---

Hamingjumoli dagsins:

Hamingjan er eins og gæsin sem verpti gulleggjunum. Þú getur aðeins notið hennar þegar hún gefst - eða reynt að fá of mikið, of fljótt, og þannig spillt uppsprettu hennar. 

Úr bókinni Þúsund hamingju spor

Ó ljúfa líf

Ég fór í Borgarnes til Erlu sys í dag. Átti þar yndislegar stundir, bara við systur að spjalla. Litlu snúllurnar hennar tvær voru heima, yndislegir gullmolar.

Það skrítna við þessa ferð var þó að ég fór barnlaus. Ekki vegna þess að krakkarnir yrðu eftir heima hjá pabba sínum...nei. Þau voru einfaldlega of upptekin til að fara með mér. Jóni Ingva var boðið í fótboltapartý hjá félaga sínum og Jóhannes hafði gert plön með besta vini sínum þegar þeir golfuðu saman í morgun. Svo þeir ætluðu í sund og leika saman - með mömmu vinarins auðvitað.
Ólöf Ósk var bara heima að tjilla, og tilbúin að taka við Jóhannesi ef hann kæmi heim eftir að Einar færi á golfmótið og áður en ég kæmi heim. Til þess kom þó ekki því Jóhannes var enn að leika í eintómri hamingju hjá vininum þegar ég sótti hann.

Skrítin tilhugsun að svona verði þetta bara æ oftar í framtíðinni. Engin fleiri ungabörn, bara stórir krakkar í skóla - þó þau séu nú líka bara lítil enn ;) 

---

Ég keypti tölur á peysuna...mjög flottar úr kindahorni...og rándýrar. Held 7 tölur hafi verið dýrari en lopinn í peysuna...!!! Eitthvað í þessum stíl:

Svo nú verður peysan klárlega kláruð í kvöld og myndir á morgun! Samþykkt???!!!

Ætla því að hætta og snúa mér að peysunni en hér kemur hamingjumoli dagsins:

"Hamingjustundir koma svífandi í röð eins og gæsir - gættu þess að hafa nógu mörg skothylki við höndina!"

-úr bókinni Þúsund hamingju spor

Daginn í dag...daginn í dag...

...já, þessi fallegi dagur. Sólin skín, reyndar norðanbelgingur en skítt með það. Nú vantar bara pall hérna sunnanmegin við húsið. En ætli ég myndi nokkuð sitja meira úti þó við værum með pall?!!! Ég er ekki svo mikið fyrir að sitja í sólinni hvort eð er ;)

Jóhannes smellti sér í fótboltaskóla aftur þessa viku. Hann hefur óstöðvandi fótboltaáhuga, þessi moli. Í gær fór hann reyndar líka í góðan klukkutíma einn í golf. Svo duglegur.

Um helgina ætlum við mæðgin, ég og Jóhannes, að dúllast tvö ein saman. Ólöf Ósk verður farin til Græsted (dejlige Danmark) og Einar og Jón Ingvi fara til Ólafsfjarðar á fótboltamót. Við ákváðum að frekar en að fara öll fjögur norður að skipta okkur upp og gefa strákunum einkatíma með einu foreldri. Þeir eru alveg að njóta þess þegar þeir fá rólegheitatíma með öðru okkar, án þess að þurfa að deila athyglinni með systkinum sínum. Held öll börn sem eiga systkini hafi gott af slíku. 

Annars er ekkert nýtt. SASA fundur í kvöld og áframhaldandi rólegheit. Njóta þess að vera í sumarfríi og já, bara njóta lífsins. 

-------

"Hafðu ekki áhyggjur af því að deyja úr of mikilli ánægju"

- úr bókinni Þúsund hamingju spor 

 

Sumar og sæla

Jæja, nú erum við komin heim eftir 9 daga sumarfrísferð. Við vorum í viku (frá föstudegi til föstudags) í bústað í Úthlíð í Biskupstungum og það var bara sæla. Við slökuðum á, spiluðum golf (sumir meira en aðrir = Einar), borðuðum grillmat og lágum í pottinum (aftur; sumir meira en aðrir = Jóhannes).

Þegar Úthlíðardvölinni lauk fórum við á sumarhátíð starfsmannafélags Norðuráls sem var haldið á Hellishólum. Snilldarstaðsetning, stórkostleg aðstaða og íslenskt sumar eins og það gerist best. Eintóm sæla. 

Ég er í skrifuðum orðum að setja myndir inn á heimasíðu barnanna, lykilorðið er Akranes

Reyndar erum við ekkert sérlega dugleg með myndavélina,  Jóhannes sér oft um þetta

En nú er það tiltekt, uppúrpökkun og þvottur sem bíður mín...svo ég hef þetta ekki lengra í bili. Meira fljótlega

En hér eru tvær myndir úr fríiinu:

 

SASA og fleira

Mig langar að benda ykkur á viðtal við félaga í SASA (Sexual Abuse Servivors Anonymous), sem eru stórkostleg samtök.

Mannslífum er virkilega bjargað þarna inni. 

Samtökin eru með heimasíðu: SASA.IS

------------------

Ég átti stórkostlegan dag í dag. Fór til Reykjavíkur í morgun og eyddi deginum með Maríu sys. Hún átti erindi í borgina og sótti ég hana á völlinn kl. 10 í morgun og skilaði henni þangað aftur kl. 17.30. Æðislegt að eiga svona systradag, í rólegheitum og bara eftir okkar höfði. Bara yndislegt

Ég endaði svo borgarferðina, einmitt á SASA-fundi, frábær endir á frábærum degi. 

------------------

Hausinn á mér var í enn meiri hönnunarvinnu í dag! Ætla að drífa mig í að klára peysuna mína...svo ég geti komið mér að næsta verkefni!!! Svooooo frjór hausinn á mér núna. 

Held svei mér þá að það sé jafnvel einmitt SASA að þakka. Með hverjum fundinum, og hverju sporinu sem ég tek þar, þá öðlast ég meira og meira frelsi þá virðist stjórnunun líka vera minni og hausinn fær þar með meira og meira lausann tauminn

Lífið er hreint út sagt dásamlegt.

Allt hefur svo mikinn tilgang, finnst mér. Ég ELSKA lífið mitt í dag. Þannig hefur það ekki alltaf verið. Ég hef verið í helvíti en er sannarlega búin að finna himnaríki AND I LOVE IT!!!

 

 

Brotinn drengur :(

Jón Ingvi kom heim af fótboltaæfingu í gær með ansi bólgna hönd, og gat lítið gert en þó eitthvað. Í morgun var hann mun verri, gat ekki klætt sig sjálfur hvað þá meir. Við smelltum okkur á slysó og þar var drengurinn myndaður og viti menn, hann var brotinn. Svo nú er hann gibbsaður, en með fingurnar lausa og má nota þá :)

Það sem gerðist var að hann var í marki og kastaði sér á eftir bolta. Þá kom einn úr liðinu hans og ætlaði að bjarga boltanum...en ekki vildi betur til en að hann steig á hendina á Jóni Ingva...ááááiiiii...í takkaskóm og jamm, þið eruð búin að fá að vita restina.

Svo það er hvorki fótbolti né golf fyrir Jón Ingva næstu 2-3 vikurnar :( Lán í óláni fyrir Jón Ingva, er að það falla niður golfæfingar í næstu viku út af einhverju meistaramóti!! 

Annars er bara ró og spekt. Ég ætla mér í höfuðborgina á morgun og njóta dagsins með Maríu litlu sys. Ætli ég fái hana ekki með mér í langþráðu menningarferðina mína um miðborgina...vona að það verði ekki rigning...!!
Mig langar að skoða í allar handverksbúðirnar og fara á Kaffi Loka!

Hausinn á mér er fullur af hugmyndum um hvað mig langar að prjóna, svo ég er búin að byrgja mig ágætlega upp af lopa fyrir sumarfríið. Núna er ég að prjóna peysu á sjálfa mig og þarf að drífa mig að klára hana svo ég geti gert allt hitt sem mig langar að gera! Alveg prjónaóð og þyrfti hreinlega að vera með fleiri hendur svo ég kæmist yfir allt sem hausinn er að framleiða!!

Lopi er flottur!!!

Best að blogga...

...aðeins meira :)

Brakandi blíða hér, eins og víðar um landið. Mikið er ég þakklát skýjunum að fela sólina, því það er alveg nógu heitt svona. Yndislegt veður, en ég að mestu inni. Ég er að átta mig á því að ég er óttalegur innipúki. Og ætla að hætta að skamma sjálfa mig fyrir það. Hver segir að ég EIGI að vera úti?? Það er líka nóg að gera hérna inni.

Ég er búin að gera fjórfalda uppskrift af beikonbollum, fyrir kvöldmatinn og fyrir frystirinn. Mikil gleði hjá mínum heittelskaða, sem hreinlega ELSKAR beikonbollur. Svo bakaði ég köku handa Siggu Tinnu, en hún er að hætta í leikskólanum og féll algjörlega fyrir grænu kökunni hans Jóhannesar um daginn. Svo það verður vonandi sæl stúlka sem tekur köku með sér á morgun

Meira síðar...mamma var að hringja, ætla að tala við hana...

 

Sumar og sæla

Yndislegur dagur. Vaknaði í morgun, ekkert of snemma en heldur ekki seint. Pabbi búinn að fara í bakaríið - bara nice.

Fullt hús af gestum, líka nice.

Svo komu Linda og Kjartan í kaffibolla, þau voru að koma úr sjónum....skelltu sér í sjóinn við Langasand. Jammm, mér verður reyndar kalt við tilhugsunina...en það eru ekki allir eins En hvað um það, það var yndislegt að hitta Linduna aftur, og gaman að hitta Kjartan.
Þau bentu okkur á tvær heimasíður sem við ætlum að skoða nánar, eitthvað sem hugsanlega gæti gefið okkur séns á að ferðast eitthvað í nærri framtíð: HomeExchange og CouchSerfing, mjög spennandi. Bæði til að sjá heiminn sjálf, og eins til að fá gesti hvaðanæva að úr heiminum. 

Annars er Grease mál málanna í dag/kvöld. Við mæðgur ætlum að sjá uppsetningu í Loftkastalanum. Mikil tilhlökkun í gangi

Kannski ég smelli mér á æfingasvæðið með eiginmanninum núna...!!! Golf er greinilega að verða mál málanna!!

Sumarfrí!!!

Jæja, langt síðan ég hef bloggað. Mamma saknar blogganna minna, svo ég ætla að sjá hvort andinn komi yfir mig aftur :)  Kannski aðrir hafi gagn og gaman af bullinu í mér líka...

Ég er sem sagt komin í sumarfrí, og það í heilan mánuð! Frá 23. júní - 23. júlí!! Einar er sofandi eftir síðustu næturvaktina sína, annars er hann kominn í frí til 30. júlí.

Ég og Jóhannes smelltum okkur í sund um hádegisbil. Það gerist ekki oft að yfir mig kemur sterk löngun til að fara í sund, en ég ákvað að akta á þessa löngun í stað þess að setjast niður og bíða þess að hún liði hjá Það var svooo notalegt hjá okkur, og drengurinn svo flinkur. Hann var í sundskóla einu sinni í viku í allan vetur. Hjá fyrrum ólympíuparanum Röggu Run, sem er frábær sundkennari og þjálfari. 

Eftir sundið bauð ég tappanum upp á ís og það var bara lukka. Notalegt að eiga svona stund bara við tvö. Hinir ormarnir eru út og suður, með vinum sínum. Jóhannes er hins vegar ákveðinn í að gera allt með mér meðan ég er í fríi...spurning hvað tekur hann marga daga að verða leiður á mér...

Annars er prjónasköpunin að ráðast á mig, og er ég með kollinn fullan af allskyns hugmyndum, sem ég hins vegar ætla ekki að viðra hér! Set inn myndir af "the collektion" þegar hún er tilbúin í sölu...thíhí....

Jæja, ætla að skutla tappanum á golfvöllinn!! (Hann er strax orðinn leiður á mér....hoho...)

Hilda er bareigandi.

Til þess að auka veltuna þá ákveður hún að leyfa dyggum viðskiptavinum—sem flestir eru atvinnulausir alkar—að drekka út á krít.

Hún skráir allt sem drukkið er í þykkan kladda. Þegar þetta þægilega fyrirkomulag spyrst út þá flykkjast nýir viðskiptavinir á barinn. Frelsi fólks til þess að njóta augnabliksins og borga seinna gefur Hildu valið tækifæri til þess að hækka verðið á vinsælustu veigunum, bjór og víni

Salan eykst gífurlega. Ungur og efnilegur lánafulltrúi í hverfisbankanum gerir sér grein fyrir að þessar skuldir viðskiptavinanna eru framtíðarverðmæti. Hann hækkar því yfirdráttarheimild Hildu í bankanum. Lánafulltrúinn telur þetta vandræðalaust vegna þess að skuldir alkanna eru haldgóð veð.

Í höfuðstöðvum bankans breyta sérfræðingar í æðri peningalist þessum viðskiptaskuldum í Drykkjuskuldabréf, Alkabréfavafninga og Gubbuafleiður. Þessi verðbréf—sem virt áhættumatsfyrirtæki hafa (gegn þóknun) stimplað AAA gæðastimpli—ganga síðan kaupum og sölum út um allan heim. Raunverulega skilur enginn hvað nöfn bréfanna þýða eða hvernig þau eru tryggð. Samt sem áður halda þau áfram að hækka. Þau eru metsöluvara.

Einn góðan veðurdag, þrátt fyrir að bréfin séu enn á uppleið, þá ákveður áhættusérfræðingur bankans að nú sé tímabært að drykkjuhrútarnir á bar Hildu borgi eitthvað upp í skuldirnar. Þeir geta það hins vegar ekki. Hilda getur því ekki staðið í skilum við sína skuldunauta og lýsir yfir gjaldþroti. Drykkju- og Alkabréf falla um 95%. Gubbubréfin gera betur og ná stöðugkeika eftir 80% fall.

Nýr veruleiki blasir við hjá fyrirtækjum sem seldu barnum á lánakjörum og hafa jafnvel líka fjárfest í fyrrnefndum bréfum. Heildsalan sem seldi Hildu vín er gjaldþrota og fyrirtækið sem seldi bjórinn er yfirtekið af keppinauti.

Eftir dramatísk fundahöld og andvökustundir sem standa samfleytt í marga sólarhringa þá ákveða stjórnvöld að bjarga bankanum.

Nýr skattur er lagður á. Bindindismenn eru látnir borga brúsann.