Der står et billed af dig...

...på mit bord!

Þetta lag er ég búin að vera með á HEILANUM síðan um verslunarmannahelgina!! Því að elskurnar þeir Felix og Gunni gerðu íslenskan texta við það,

"...og Neistaflugið heillaði, hefur gert það síðan..."

Fjölskyldumeðlimir eru mislítið þreyttir á þessu rauli mínu...svo tók ég sko Gunna og Felix upp og er með þetta sem hringitón svo það er kannski ekkert skrítið að þetta haldi áfram að loða við heilann minn

--

Strákarnir okkar, allir 3, eru farnir á völlinn að sjá FH-Aston Villa! Mikil gleði og vonandi...

--

Ég ætla hins vegar að smella í einn marens fyrir laugardaginn og svo ætlum við mæðgur að ná okkur í pizzu og dorma fyrir framan imbann...ætli við horfum ekki bara á Friends...svona til tilbreytingar...

Jamm...alltaf að búa til mat, baka eða eitthvað...

Annars get ég frætt ykkur um það að ég nota magavöðvana þegar ég myl lyf! Þessu tók ég eftir í dag...er sko með harðsperrur í maganum!!!

Stefni EKKI á svona stóra vöðva:

Matarblogg...

Ég hef lesið einhverjar athugasemdir þess efnis að ekki sé ráðlegt að lesa bloggið mitt þegar fólk er svangt...þannig að ég aðvara ykkur hér með: Farið og borðið, komið svo aftur

Ég ætla sem sagt að deila með ykkur hvað við ætlum að borða á eftir:

Bakaðar kartöflur með káli, papriku, gúrku, rifnum osti, sýrðum rjóma, steiktu beikon og steiktri skinku. Þetta er sjúklega gott, finnst okkur, en vorum bara búin að gleyma þessum mat. Ólöf Ósk kom með hugmyndina þegar hún kom heim frá Danmörku, og fannst langt síðan við höfðum haft þetta í matinn, sem er alveg rétt.

Í eftirrétt, jamm, við ætlum að hafa eftrirétt í kvöld, gerist ekki oft:

Ávaxtagrautur:

250 g þurrkaðir ávesxtir, t.d. sveskjur, þurrkuð epli eða blandaðir ávextir.
1 L vatn
2-3 msk sykur ég nota að sjálfsögðu AGAVE sýróp
6 msk maísenamjöl
1 dl kalt vatn

Aðferð:  Leggið ávextina í bleyti í vatnið í 1/2 - 1 sólahring. Sjóðið með 1-2 msk af sykri þangað til hægt er að hræra ávextina í sundur.
Bragðið og bætið sykri í að vild.
Hrærið maísenamjöli út í köldu vatni. Jafnið grautin. Hrærið í á meðan og þangað til suðan kemur aftur upp. Sjóðið í 1-3 mín. Hellið grautnum í skál og stráið sykri yfir svo að ekki myndist skán. Borið fram volgt eða kalt með kaldri mjólk eða rjómablandi.

SLAFRRRR....

Svo ætla ég á kaffihús, södd og sæl, fá mér kaffilatte með vinnufélögum sem þangað vonandi mæta sem flestir!!!

Annars veit ég ekki hverju fleiru ég get logið að ykkur núna...er smá farin að telja niður þar til ég hætti í vinnunni...get samt ekki talið þar sem ég veit ekki hvenær ég get hætt...hlakka til, en það verður samt leiðinlegt að segja bless við vinnufélagana sem flestir eru alveg súper yndislegir En ég hlakka til að reyna fyrir mér á nýjum stað, þó hann sé ekki alveg nýr...

Meira síðar...KNÚÚÚS

Ásdís mín, og fleira

Mig langar að benda ykkur á ÞESSA færlu hjá henni Ásdísi minni. Kona með stórt á ferðinni hérna.

--

Ég er með ógeðsbragð í kjaftinum...við hjónakornin sátum ein að snæðingi áðan...fengum okkur ægilega fín, kofareykt sveitabjúgu... Jamm, ægilega gott...fyrstu bitarnir...þvílíkt FEITUR matur...og feitur matur fer illa í mína vömb!! Svo nú er ég með klýgju. Mig langaði allra mest að fara fram á wc og stinga puttanum ofan í kok...held ég borði ekki bjúgu í bráð...kannski bara aldrei aftur!

Er smám saman að minnka við mig dýrafituna því hún fer svo illa í mig. Borða magurt....en mér finnst rjómi og ostar bara OF gott...!!! En hver veit, kannski einn góðan veðurdag!

Jamm. Ætla að smella mér í sturtu, fór sko að æfa í morgun og er enn í æfingagallanum... Er sko byrjuð aftur og nú verður kraftur í kögglum! Í kjólin fyrir jólin, sjá tólin fyrir jólin...eða hvernig þetta var... nei, svona í alvöru, þá finnst mér ég svo sem ekkert vera að farast úr fitu...en stundum fæ ég "feituna og ljótuna" og það er ekki gaman.  En mest er ég að þessu fyrir líkamann minn, fyrir bakið mitt.

Ok, bæjó, sturta NÚNA!!!

Knús... 

bros"flensan"...

...bráð-smitandi!

sunnudagur og helgarvaktin bráðum búin

Bakvakt til 8 í fyrramálið og þá er ég búin á helgarvakt...á reyndar kvöldvakt á morgun...síðan get ég hafist handa við bakstur. Strákarnir eru búnir að bjóða í afmæli, svo þá er eins gott að standa undir væntingum

Við röltum, hele familien, niður á kaffihús áðan...bara til að koma að lokuðum og læstum dyrum þar! Hélt að það væri opið þar öll kvöld til kl. 22 en svo er greinilega ekki! Verð að skammast í Maríu næst þegar ég hitti hana!!!

Annars röltum við öll saman...nema gelgjan okkar...hún var í fýlu og labbaði ýmist langt á eftir eða langt á undan...en kom samt "með" sem var bara gott.  Svo æddi hún á undan heim og Jón Ingvi hjólaði á undan líka, svo þau misstu af stoppi í Shell, en þeir eru með Te&Kaffi-kaffi þar, svo við komum ekki koffíntóm heim!  Ljómandi gott kaffi, en takmarkað huggulegt að sitja inni í sjoppu...en allt er hey í harðindum!

Ég er ótrúlega þreytt eftir helgina. Kannski allt í bland; 1. vinnudagarnir eftir ótrúlega yndislegt frí og svo hef ég ekki farið nógu snemma að sofa...smá stjórnleysi í gangi hér á bæ...!

Að lokum, ein mynd fyrir Jónu

Jæja

Nú er ég búin að setja alveg heilan haug af myndum inn á heimasíðu barnanna!! Og ef þið kíkið...endilega munið eftir gestabókinni

Hér er ein af Jóni Ingva og Ólöfu Ósku þar sem þau hlaða vörðu, rétt áður en ekið var niður í Möðrudalinn. og svo ein af okkur hjónakornunum á sunnudagskvöldinu á Neistaflugi. 

Einar grillaði í kvella og við fengum okkur bakaðar kartöflur og sveppa-piparosta-rjómalagaða sósu með...slafr...

Jæja...best að koma drengjunum alla leið í las bælos

Myndir

Ég set vonandi myndir inn í dag eða á morgun (er sko reyndar að vinna....en geri það eftir vinnu...eða eitthvað...) en þetta eru yfir 200 myndir sem ég er að minnka og svona til að geta sett þær allar inn.

Annars allt gott að frétta. Ótrúlega ljúft að koma aftur í vinnuna, en samt stembið að þurfa að drattast á fætur og út úr húsi fyrir 8 á morgnana...en það er náttúrlega samt jól og hátíð miðað við tímann sem ég þarf að fara á fætur á þegar ég verð komin í nýja djobbið...!!!

Lífið er fallegt og ég ætla að njóta þess áfram.

Ást til ykkar allra

Smá ferðasaga

Mig langar bara örstutt að láta vita af mér. Ég er hér enn! Hér kemur ferðasagan okkar í örstuttu máli:

Við fórum í viku ferðalag, við familíjan. Keyrðum til Akureyrar þriðjudaginn fyrir versló og gistum í bústað þar um nóttina. Keyrðum svo áfram austur á Neskaupstað daginn eftir, og vorum þar í 5 nætur. Eyddum verslunarmannahelginni sem sagt á Neistaflugi, og í félagsskap fjölskyldunnar. En ef þið vitið það ekki, þá er ég nobbari og stór hluti fjölskyldunnar minnar býr á Nobbó. 

Við lögðum svo af stað í átt heim á mánudagsmorguninn. Keyrðum upp á Kárahnjúka og yfir stífluna. Mjög tilkomu mikið að sjá jökulsárgljúfrið hrykalega stórt, djúpt og galtómt!

Frá Kárahjúkum keyrðum við áfram og fórum í kaffi og lummur í Sænautaseli, og það er sko torfkofi sem er veitingastaður. Svakalega heillandi og við stefnum þangað aftur síðar!

Skoðuðum Dettifoss...mér líkar ekki við hæðir eða vatn...og alls ekki þegar það kemur svona saman. Jóhannes hélt fast í hendina á mér...fyrir mig! Mamma hrædda... 

Nóttinni eyddum við í bændagistingu á Hóli í Kelduhverfi. Fengum þar góðan mat, ávaxtagraut í eftirmat - sem sló í gegn! Frábær þjónusta á góðu verði.

Á þriðjudagsmorguninn fórum við í Ásbyrgi og Hljóðakletta, stórkostlegt! Hef ekki komið þangað fyrr og þótti mikið til þess koma. 

Keyrðum inn á Húsavík, fengum okkur þar rúnstykki í bakaríinu og svo kaffibolla til að taka með á kaffihúsi sem heitir Café Skuld. Sem okkur þótti líka gaman þar sem Einar er af hinni svo kölluðu Skuldarætt hér í bæ.

Keyrðum svo inn á Akureyri.  Fengum okkur að borða og röltum smá um bæinn.  Spáðum og spekúleruðum hvort við ættum að vera um nóttina eða keyra heim...og enduðum á að keyra heim. Vorum komin heim milli eitt og hálf tvö um nóttina og Ólöf Ósk sagði; "Mamma, úti er gott en heima er BEST!"

Ætla ekki að hafa þetta lengra, set inn myndir very sooooon, og læt ykkur vita. Sumarfríið er búið, vinna á morgun...oooohhhh, það er ekki gaman þegar fríið er búið! Langar að lufsast hérna heima áfram!!

Knús á ykkur öll...

Let's play with some words.

What do you see? 

 

 

 

 

 

 

 

 

 

 

 

 

In black you can read the word GOOD, in white the word EVIL (inside each black letter is a white letter). It's all very physiological too, because it visualize the concept that good can't exist without evil (or the absence of good is evil).  Now, what do you see?

T-shirt.....

A woman who finally gets it.