Fallega nýgifta parið

Fallega systirin mín, Lilja og hennar heittelskaði Eysteinn.

Elskurnar mínar, nú kemur það á bloggið...TIL HAMINGJU!!! 

Ég verð þreytt við tilhugsunina...

...hugsið ykkur, sexburar!!!

Verð að segja að ég er þakklát fyrir að hafa geta eignast börnin mín öll án hjálpar frá vísindunum.  Það leit út fyrir það á tímabili (löngu áður en ég kynntist Einari) að ég myndi þurfa hjálp, en svo fór ég á Stígamót...stuttu síðar hitti ég Einar...og *búmm*; eitt stykki Ólöf Ósk kom undir. 

 

 

Skiptir ekki máli...

...þetta með ´7-skalaen´ því það verður notast við ´13-skalaen´ í síðasta sinn!  Svo ég þarf ekki að spá meir í þetta!!

Jamm...

...sit hér enn...og reyni að finna eitthvað gáfulegt að skrifa.  Finn ekki það sem ég ætlaði að nota...kannski hef ég bara ekkert átt það...kannski dreymdi mig bara að ég ætti þessa pappíra...held samt ekki...

...finn vel hvað ég er enn með vöðvabólgur eftir margra vikna setu yfir bókum og tölvu.  Ég sem hélt að þetta væri bara horfið eins og dögg fyrir sólu en nei.  Þarf meira en viku pásu frá setum til að jafna mig.  Kannski ég ætti að fara að taka upp á því að synda...náði aldrei nema tveimur skiptum þarna í vetur...  En það verður samt að bíða þar til ég kem heim frá DK þar sem Jón Ingvi má ekki fara í sund fyrr en eftir 2 vikur...og hann myndi verða svo leiður ef ég færi í sund...og ekki vil ég það.  

Hvað lestur varðar þá skil ég ekki hvaðan þessi hugdetta um að læra meira kom þarna um daginn...biopati hvað!!!  Neibb, nú hlakka ég til að ljúka prófinu og svo að takast á við hjúkkulífið  

Er einhver sem veit eitthvað um þennan nýja ´karakterskala´ þeirra dana?  Sá að nú getur maður fengið 12...áður var 13 hæst en ekki hægt að fá 12.  Hvers vegna geta þeir bara ekki haft 1-10?  Skil ekki þennan 7-skala...svo getur maður fengið -3, 00, 02, 4, 7, 10, 12.  Ef ég skil þetta rétt þá er nóg að fá 02 til að ná.  Skil ekki. 
Ég var að skoða þetta eitthvað á netinu og þar stendur að þessu hafi verið breytt úr ´13-skalaen´ í ´7-skalaen´ til að auðvelda málin...í Evrópu...skil ekki baun í þessu.  Ætli íslenski 1-10 skalinn sé þá ekki líka meingallaður? 

Jæja, ætla að lesa meira...alveg þangað til herramennirnir mínir þrír koma heim...  

Mánudagur...ekki til mæðu :)

Sporðdreki: Ef þú ert að pæla í hvort einhver sé að pæla í hvar þú ert, er svarið já. Horfðu í augun á fólki og segðu halló. Segðu þeim frá sjálfum þér og eignastu vini.

 

Fór með Jóhannes til eyrnalæknis þar sem hann er búinn að vera kvefaður svo lengi.  Og jibbý...hann er ekki með neinn vökva eða neitt í eyrunum Mikið varð ég fegin.  

 

Nú er skemmtileg vika framundan, undirbúningur fyrir prófið kemur til með að taka stóran hluta vikunnar.  Svo á fimmtudaginn koma mamma og Jón Þór og ætla að gista hjá okkur eina nótt.  Mikið verður það gaman, ég hlakka rosa mikið til - við reyndar öll.  

Svo á laugardaginn erum við að fara í brúðkaup hjá Ragnhildi og Ingu, það verður æði.  Alltaf svo gaman að fá að fagna ástinni og gleðjast.  

 

En nú ætla ég að ná mér í kaffið, sem er að verða tilbúið og svo er það lestur...Einar og strákarnir eru að fara upp í grunn...gaman, gaman.

 

Knús... 

Afmæli og fleira

Já, það eru ýmsir sem fagna einhverskonar afmæli í dag.

Valtýr (litli bróðir Einars) og Hulda eiga eins árs brúðkaupsafmæli í dag.  Sendi þeim mínar bestu kveðjur í tilefni dagsins

Svo fagna vinir Bill & Bob 72ja ára afmæli.  Stórkostlegt alveg.  Til hamingju með það, allir vinir Bill & Bob

Ég og börnin fórum á Víkingahátíð í Hafnarfirði í dag.  Jón Ingvi er búinn að bíða eftir þessum degi í heilt ár!!  Loksins kom aftur Víkingahátíð.  Hann keypti sér m.a. rúnahring, hring á löngutöng með nafninu sínu rituðu með rúnum.  

Molinn okkar týndi hringnum sínum í kvöld á fótboltaleiknum (ÍA 3 - KR 1).  En hann tók því ótrúlega rólega, ætlar að kaupa sér nýjan hring á næsta ári!! 

Annars áttum við góða tíma þarna saman, og tengdamúttan mín kom með.  Voða nice.  Alltaf yndislegt að eyða tíma með henni.  

Svo var brunað heim, lentum á Skaganum 16.40...brunuðum heim og náðum í dót og beint til Benna og Jónu með börnin í pössun...ég brunaði heim aftur, náði í Einar og svo brunuðum við í bæinn aftur, í paró.  Áttum YNDISLEGA kvöldstund með YNDISLEGU fólki.  Elskurnar mínar, ef þið lesið...ÁSTARÞAKKIR fyrir kvöldið

En núna ætla ég að skríða í bælið.  Á morgun er lestur og skrif...ekki margir dagar til stefnu fyrir próf... 

Góður dagur

Ég og Erla sys fórum í höfuðborgina í dag og höfðum Jóhannes og Sigþrúði með (bæði jr.). Leið okkar lá í Grafarvoginn að heimsækja gamla vinkonu.  Mikið svakalega var gaman.  Fyrir það fyrsta alveg yndislegt að eyða deginum með henni syssu minni, og svo alveg svaka skemmtilegt að endurnýja kynnin við Siggu Helgu.  Hreinasta sniiiild.  

Stelpur, takk fyrir yndislegan dag

Svo er Bára komin, loksins.  Krakkarnir ljóma af gleði enda búin að sakna stóru systur sinnar MIKIÐ!!  Þannig að það eru gleðilæti í kotinu.  Yndislegt alveg.

Ekki nóg með það heldur erum við svo heppin að Benni, Jóna og Karen Edda þáðu boð okkar um matarboð.  Yndislegt að fá þau í heimsókn.  Svo Einar er búinn að kveikja upp í grillinu, kartöflurnar malla í ofninum og sósan á kjötið (a la Ingvar) að verða klár.  

 

Knúúúússssssss......... 

Vil hér með vekja athygli á:

SIGGU!!! Sigga er flottust!! Sigga er sko í familíunni svo auðvitað er hún flottust

En öllu gríni sleppt þá syngur Sigga eins og engill, eins og þið getið heyrt hér, og svo getið þið lesið um hana hér.  Ef ykkur vantar t.d. söngkonu í bryllúpp eða álíka þá er Sigga málið!!  

Best að blogga aðeins meira

Verð að deila með ykkur deginum mínum, sem er búinn að vera alveg frábær.

Sko...hehe...

Jamm og já, hjólaði með Jóhannes á leikskólann þar sem hann var alsæll í dag.  Svo ánægður með að vera í mat, sagði Jónína.  Enda ELSKAR hann matinn á leikskólanum.

Svo fórum vð út á hjóla, ég, Ólöf Ósk og Jón Ingvi.  Ólöf Ósk var að fara til tannsa og ég og Jón Ingvi fórum í næstum því allar fatabúðirnar á meðan.  Mig vantar sko föt...föt til að vera í við brúðkaupið um næstu helgi og ég útskriftinni minni...en það var ekkert að fá.  Mig langar í pils, en ég er ekki tilbúin að borga 9990 kr fyrir eitt pils..!!!  Svo ég kannski reyni að skella mér í höfuðborgina við tækifæri...

En það var æði að hjóla um bæinn í blíðskaparveðri.  Svo keyrðum við upp í Seljuskóga á eftir og hittum Einar sæta.  Hann hafði sent hugskeyti sko...og við fórum á kaffihúsið fína.  Algert æði að eyða hádeginu á kaffihúsi með elskunni minni og ormunum tveimur.  

Heim fórum við að lokum.  Einar reyndar upp í Seljuskóga, brjálað að gera þar.  Svo hringdi Jóna til að athuga hvort ég væri heima.  Svo kom hún í kaffi og spjall.  Svo gaman.  

Þegar Jóna fór þá þeyttist ég út í garð og sótti rabbabara...er að prófa eina uppskrift að rabbabara"pie" með agave sírópi í staðinn fyrir sykur.  Mjög spennandi.  Hún mallar í ofninum...

Já, svona er dagurinn minn búinn að vera.  Ég er full af þakklæti, og finnst hjartað mitt vera að springa úr gleði og kærleika.  Yndislegt líf.  

Framundan er spennandi tími.  Á morgun förum við Erla sys. að hitta gamla vinkonu, svo er paró á sunnudaginn, vinna í fyrirlestrinum í næstu viku, svo koma mamma&Jón Þór líka í næstu viku, brúðkaup, jamm og svo margt fleira.

Yndislegt barasta alveg hreint. 

 

steypan

Jæja, þá eru komnar myndir frá í gærkvöldi, grunnurinn steyptur.  Og svo af Einari, tekið í morgun, þegar hann var byrjaður að rífa utan af sökklinum.

Endilega kíkið HÉR!! 

Frábær dagur í dag.  Mikið svakalega er ég glöð og ánægð með lífið mitt.  Meira um það...kannski í kvöld...ætla að fá mér kaffisopa...eða 'pæjuhopa' eins og ég sagði víst þegar ég var lítil...