gefst upp...

...ég ætlaði að vaka eftir sæta manninum mínum...en nú get ég ekki meir...!!  kl. er 23.23 og hann kemur ekki heim fyrr en eftir ca 45 mín!!!  Ég sem hitaði mér dýrindis kaffi til að hanga vakandi!!!  En nei, Óli Lokbrá lætur ekki að sér hæðast...!!!  svo er ég hrykaleg að vakna á morgnana...mér finnst það ERFITT!!! 

Kannski samt ekki svona slæm...

 

Mig langaði einmitt svo að vaka fram á nótt með Einari og gera eldhús í Ikea-prógramminu...en það verður að bíða betri tíma...kannski getum við gert það á morgun...þar sem hann er heima...og ég líka!!!  Hvur veit?!!

Letilíf...

Ég var ekki að nenna að gefa blessuðum börnunum að borða...leyfði þeim að sjá um sig sjálf...reyndar eru þau hæstánægð þegar þau fá að borða ristað brauð í kvöldmat...svo þetta er kannski allt í lagi svona einstakasinnum

Við fórum víða í dag, m.a. í Ikea.  Keypti mér þetta fína borð, sem ég er búin að setja saman núna og komin með tölvuna mína á það.  Miklu betra, hún hitnar ekki svona mikið á ómeðhöndluðu borði eins og einhverju plastdrasli...!!!  Ég reyndar efast um að þetta borð hafi eitthvað margra ára líftíma...enda kostaði það bara tæpar 4000 íslenskar krónur.  En við sjáum til.  Amk fram á vor þar til ritgerðarsmíðinni er lokið.

Við kíktum á eldhúsinnréttingar, fundum þá sem við höfum lengi heillast af.  Gaman að skoða svona margar hugmyndir af eldhúsum, því þá er auðveldara að teikna eldhús í húsið "okkar".  Oooohhh, þetta er eiginlega að verða mjög spennandi verkefni.
Hingað til hefur þetta verið "hið spennandi verkefni Einars" og ég hef haft svona takmarkaðan æsingslegan áhuga...eiginmanninum til einhvers ama...en nú held ég að ég sé að verða "tændt"!!!  

Hnéð á mér er að lagast, ég er ekki eins hölt og í gær, en er samt búin að rölta töluvert í dag.  Ég þurfti að taka teygjubindið af til að festa það betur í dag...og náði þá að gægjast aðeins undir...ég var orðin forvitin að sjá.  Ekki að það sé mikið að sjá, annað en þrjú "göt" sem eru límd aftur, svo er slatti af mari...annað var nú ekki að sjá!!  Snilld þessi speglun sem læknar framkvæma og gera þar í gegn ýmsar aðgerðir.  Hér áður fyrr var ekkert annað að gera en "bara" skera og svo fjarlægja liðþófann eins og hann lagði sig!!!  En nei, ekki í dag.  Tæknin, I love it

Ég er búin að taka ákvörðun um að prófa að sækja um vinnu hérna í mínum heimabæ.  Hef hugsað töluvert um það, það væri náttúrlega best og hagkvæmast ef ég fengi job hér...en svo LANGAR mig bara svo mikið að vinna í geðinu...EN, nú ætla ég að tékka á þessu, leggja inn umsóknir og þess háttar og svo "bara" leggja þetta í hendurnar á ÆM!!  Og hugsa sem svo; "...what ever will be, will be..."!!!   

En það sem er næst á dagskrá hjá mér er að koma yngsta barninu í rúmið...bless í bili...!!!

Afmælisbarn dagsins

Já, það eru margir sem eiga afmæli í febrúar

En sú sem á afmæli í dag er mágkona mín, hún Salný.  Salný er 29 ára í dag.  Kæra Salný, tillukku með daginn.  Vona að þú eigir góðan dag.

Hérna á myndinni eru þau hjónakort, Salný og Aðalsteinn bróðir minn á Neistaflugi s.l. sumar. 

---

Við erum að fara í bæjarferð...húsamál gaman, gaman!!!

Ja hérna hér!!

Svona er heimurinn lítill!!!

Tilviljun réði því að sannleikurinn um barnarugling kom í ljós

Frábær dagur

Já, sannarlega frábær dagur, og kvöld. 

Við vorum í rólegheitum fram eftir degi, ég, pabbi og krakkarnir.  Very nice.

Svo komu mamma, Gugga og Egill í heimsókn með brauð, álegg og kökur!!!  Svo það var borðað og drukkið dýrindis latte a la Sigrún.  Gaman að fá þau í heimsókn.  

Síðan kom tengdó, og við létum okkur hverfa fljótlega upp úr því.  Fórum á fund með paragrúppunni, frábær matur, stórskemmtilegur félagsskapur og ekki má gleyma desertinum sem var unaðslegur...að sögn viðstraddra...svo ÉG lofaði að skella uppskrift hérna inn!!! 

Ég læt duga að setja þessa með sykrinum inn núna, set hina örugglega inn mjög fljótlega.  Hún er nefninlega líka very góð!!

 

Ein dísæt

4 eggjahvítur
2 dl sykur
4 dl púðursykur
2 bollar Rice Crispies (eða Corn flakes)

 

eggjahvítur og sykur stífþeytt (þar til hægt er að snúa skálinni á hvolf án þess að deigið leki úr) og síðan er Rice-inu blandað varlega saman við.
2 botnar: ég teikna 2 hringi á bökunarpappír og set deigið þar á.
150°C ca 60 mín.

 

Karamellukrem ofan á:

2 dl rjómi
100 gr púðursykur
2 msk sýróp
30 g smörlíki
1 tsk vanillusykur

 

Rjómi, púðursykur og sýróp sett saman í pott og soðið v. mjög vægan hita þar til blandan verður þykk. 
Smjörlíki og vanillusykri blandað út í.
Kremið kælt og hellt jafnt yfir tertuna.

Verði ykkur að góðu, sem þetta smakkið

 

 

 

obb bobb bobb...

...ég vona að þessi blessaða fuglaflensa vekji ekki jafnmikinn ótta hjá fólki og s.l. vor.  Þá var mér tjáð að fólk hér á landi væri farið að hamstra hinum ýmsu matvörum, dósamat og þess háttar, með það fyrir augum að loka sig inni ÞEGAR flensan kæmi hingað til lands!!  

Mér þótti þetta full mikið...en málið var náttúrlega blásið upp allsstaðar, í öllum fjölmiðlum, líka þeim dönsku, sem ég fygldist meira með á þeim tíma vegna búsetu minnar í baunaveldi.  

Unnið að því að koma í veg fyrir útbreiðslu fuglaflensu á Bretlandi

Afmælisbarn dagsins

Sumarið 1989 kynntist ég afmælisbarni dagsins.  Hann heitir Viggó Hilmarsson.  Viggó flutti á Norðfjörð, held ég árið 1989.  Hann var "nýtt blóð" í bænum, kunni að sjarmera stelpurnar upp úr skónum, vissi hverju hann átti að hvísla í eyru þeirra...

...ég held hann hafi hvíslað því sama í flest stelpueyru á Norðfirði þetta sumar...og næstu mánuði á eftir...!!  Ég held mér sé óhætt að segja að við höfum verið margar sem kolféllum fyrir gæjanum!!  

Ég hef ekki séð Viggó í MÖRG ár.  En einhverra hluta vegna þá man ég alltaf afmælisdaginn hans...

Viggó er 39 ára í dag!!!  Hvar sem hann er niðurkominn þá vona ég sannarlega að hann hafi fundið hamingjuna og að sólin skíni á hann, bæði úti sem í hjartanu.

Þrátt fyrir mikla leit á google þá fann ég því miður enga mynd af Viggó, þrátt fyrir að nafnið hans hafi dúkkað upp á mörgum stöðum. 

Sunnudagsmorgunn...

...í rólegheitum. 

Jóhannes vaknaði reyndar kl 7 sem var alltof snemmt þar sem hann fór ekki að sofa fyrr en kl langt gengin í ELLEFU!!!  En hann er svo mikill kúrimoli að það hálfa væri nóg...en samt ekki, mér finnst yndislegt að hafa svona kúrikrútt hjá mér.  Hann svoleiðis knúsar mig og hjúfrar sér, strýkur mér í bak og fyrir og segir; "ooohh, mamma, mér FINNST svo gott að koma við þig".  Er hægt annað en bráðna yfir svona?  Held ekki.

Svo fór hann fram með þessum orðum; "Ég ætla að gá hvaða mynd börnin eru að horfa á"!!!  Og var þá að tala um eldri systkini sín tvö!!

Ég ruslaðist fram kl rúmlega 9...fékk mér ristað brauð og kaffi sem pabbi lagaði handa mér/okkur.  Uuummm, nýlagað kaffi að morgni er ómissandi unaður.  Skellti mjólkinni reyndar í "öllarann" til að verma hana, gott að fá volga mjólk í kaffið.  

Akkúrat núna bíð ég svo eftir því að kl verði 10 svo Skagaver opni...þá ætlar pabbi nefninlega að keyra þangað og ath hvort það sé til málningarlímband...ég þarf nefninlega að komast í sturtu...!!!  Klæjar ískyggilega mikið í hausinn, mætti halda að það væru 2 vikur, ekki 2 sólarhringar, síðan hárið var þvegið...
Ég má nefninlega ekki taka umbúðirnar af i viku, bara skella innkaupapoka yfir og teipa vel fyrir og henda mér undir sturtuna...  Umbúðirnar eru töluverðar, teygjubindi yst, svo er einhverskonar grisju-bómull (held ég...ekki búin að rannsaka þetta og var steinsofandi þegar þetta var sett á)...  Þar sem þetta er gat/göt inn í liðinn þá þarf þetta að gróa vel áður en ég opna þetta...ekki sérlega hentugt að fá einhverja bévítans sýkingu í lið...eiginlega væri það mjög hvimleitt...!!

Já, svo erum við að fá gesti í dag, mamma, Gugga frænka og Egill ætla að kíkja við eftir hádegið.  Það verður gaman að sjá þau.  Mamma er í bænum yfir helgina.  Gugga (sem er móðursystir mín) og Egill (sem er maðurinn hennar Guggu) eru að koma í 1. sinn síðan við fluttum.  Svo þetta verður ljómandi gaman.

Svo kemur tengdamútta seinnipartinn, hún ætlar að passa krakkana meðan við skreppum í paragrúppu.  Sem minnir mig á það að ég á eftir að taka út tertubotnana...og setja rjóma og fleira á...við eigum nefinlega að koma með desert í kvella og ég var víst búin að lofa Einari að koma *líka* með sætt sull, í formi marens með karamellukremi... Honum finnst, held ég, hálfgert svindl að það sé alltaf "bara" eitthvað sykurlaust...gjarnan fullt af hnetum og möndlum...og jafnvel döðlum...í desert, alltaf verið að taka tillit til þeirra sem ekki þola sykur í hausinn... hihi...en nú fær hann sitt sæta sull og verði honum bara að góðu, þessari elsku.  

Jæja, best að hætta þessu bulli í bili... 

Andlaus...

Ég er eitthvað ótrúlega andlaus...verð það af því að liggja bara meira og minna fyrir.  En verð sennilega bara að lifa með því í dag...og kannski á morgun líka.  Er að reyna að passa mig líka að ofgera ekki hnénu en hnéð mitt er skynsamlegt og segir til þegar ég er að verða búin að gera nóg...og lætur mig finna fyrir því að nú sé kominn tími til að leggjast og slaka aðeins.  

Leyfði pabba að snúast í kringum mig í dag þegar hnéð sagði STOPP!!  Hann uppvartaði mig með kaffi og með´í, náði í kodda og teppi...og síðan sæng líka þar sem mér var enn kalt.  Gott að eiga góðan pabba.

Núna er fiskur að hætti tengdapabba að malla í ofninum...nammi namm...held ég smelli inn uppskriftinni

 

Ýsa í karrý og grænmeti 

600 gr ýsa
½ sítróna
200 gr broccoli
100 gr sveppir
1 dl majónes
1 dl rækjuostur
1dl rjómi
2 tsk karrý
salt og pipar
1 bolli rifinn ostur

Fiskurinn settur í eldfast mót, ásamt sveppum og mýktu broccolíinu.  
Restinni (nema rifna ostinum) blandað saman og hellt yfir.  Rifna ostinum stráð yfir og inn í ofn.

Borið fram með kartöflum og salati.

Ég bara má til...

..með að benda ykkur á þennan brandara!!!