Ó ljúfa líf

Ég fór í Borgarnes til Erlu sys í dag. Átti þar yndislegar stundir, bara við systur að spjalla. Litlu snúllurnar hennar tvær voru heima, yndislegir gullmolar.

Það skrítna við þessa ferð var þó að ég fór barnlaus. Ekki vegna þess að krakkarnir yrðu eftir heima hjá pabba sínum...nei. Þau voru einfaldlega of upptekin til að fara með mér. Jóni Ingva var boðið í fótboltapartý hjá félaga sínum og Jóhannes hafði gert plön með besta vini sínum þegar þeir golfuðu saman í morgun. Svo þeir ætluðu í sund og leika saman - með mömmu vinarins auðvitað.
Ólöf Ósk var bara heima að tjilla, og tilbúin að taka við Jóhannesi ef hann kæmi heim eftir að Einar færi á golfmótið og áður en ég kæmi heim. Til þess kom þó ekki því Jóhannes var enn að leika í eintómri hamingju hjá vininum þegar ég sótti hann.

Skrítin tilhugsun að svona verði þetta bara æ oftar í framtíðinni. Engin fleiri ungabörn, bara stórir krakkar í skóla - þó þau séu nú líka bara lítil enn ;) 

---

Ég keypti tölur á peysuna...mjög flottar úr kindahorni...og rándýrar. Held 7 tölur hafi verið dýrari en lopinn í peysuna...!!! Eitthvað í þessum stíl:

Svo nú verður peysan klárlega kláruð í kvöld og myndir á morgun! Samþykkt???!!!

Ætla því að hætta og snúa mér að peysunni en hér kemur hamingjumoli dagsins:

"Hamingjustundir koma svífandi í röð eins og gæsir - gættu þess að hafa nógu mörg skothylki við höndina!"

-úr bókinni Þúsund hamingju spor

Athugasemdir

[Ásdís Sigurðardóttir, 15.7.2009 kl. 20:17]

Já, börnin vaxa allt of fljótt upp, en það er reyndar líka skemmtilegur tími. Knús

[SigrúnSveitó, 15.7.2009 kl. 21:19]

Já, þau vaxa sannarlega alltof fljótt upp, þessar elskur. En ég held að það sé líka gaman, bara að kunna að njóta dagsins í dag og þá er þetta allt frábært.

Knús tilbaka, mín kæra

[Hrönn Sigurðardóttir, 16.7.2009 kl. 23:04]

Það er trikkið! Að kunna að njóta