Jæja...

...þá er helgin að verða búin og vetrarfrí barnanna líka. Þau voru svo heppin að eiga alla síðustu viku í frí, sem var tilkomið af því að kennararnir ætluðu til USA á eitthvert námskeið. En svo var hætt við allt saman, nema ekki við fríið :) Þau bara alsæl, smá Danmerkurfílingur í gangi.

Afmælið gekk vel en ég get sagt ykkur að það ég var með alltof mikið af kökum...bakaði marenstertu, kaniltertu, brúna með hvítu, nammitertu og svo þessa sjúklega góðu sykurlausu (epla og valhnetubökuna góðu) og svo heita rétti...einn heitfengan og svo skinku-aspas-osta-rúllubrauðsgúmmulaði.

Þannig að...þetta var, eins og Erla sys. tók til orða..., á við meðalfermingarveislu...amk kræsingarnar. Ég hef það mér til varnar að það komu ekki allir sem við áttum von á...ekki allir að hafa fyrir því að afboða sig...

Ég fékk líka pakka, þar sem dóttir okkar er svo elskuleg að vilja deila veislunni sinni með mér. Svo ég er búin að fá nokkrar gjafir þó enn séu 13 dagar í afmælið mitt... Ég fékk bókina; Brauðréttir Hagkaupa og kleinupoka, ég fékk legghlífar, gráar með "demöntum", ég fékk platta fyrir kerti og ég fékk blómvönd. Held ég sé að muna eftir öllu.

Alltaf gaman að eiga afmæli þó ég eigi erfitt með að þyggja gjafir...fer alltaf hjá mér þegar fólk er að eyða í mig... Það á betur við mig að gefa öðrum en að þiggja... 

Í morgun fórum við; ég og strákarnir, í sunnudagaskólann. Þar var verið að skíra litla stúlku. Á eftir var farið yfir í safnaðarheimlið þar sem var föndurstund. Við bjuggum til þessi fínu bókamerki, með perlum og alles :) Notaleg stund sem við áttum.

Svo er það víst þannig að fótbolti á hug drengjanna okkar...svo LOKSINS (í Einars huga er þetta LOKSINS...) fékk Einar það í gegn að keypt yrði áskrift að fótboltarás. Hann var lengi vel í miklum minnihluta á heimlinu...en nú eru þeir víst í meirihluta...Svo nú fara sunnudagarnir í fótboltagláp...amk hjá strákunum. Einar var að sparsla og stóð sig vel, eins og alltaf. Hef ég kannski sagt ykkur það áður? Maðurinn minn er svo mikill dugnaðarforkur! Alger hetja í mínum augum

Jæja, ég ætla að skutla þvottinum upp á snúru og setjast svo á góðan stað með prjónana mína...

Molinn:

"Betra er að kveikja ljós, hversu lítið sem það er, en að bölva myrkrinu."

- Konfútse 

Túttilú...

Athugasemdir

[Steinunn Helga Sigurðardóttir, 26.10.2008 kl. 18:47]

hugggulegt og notalegt !

Kærleikskveðjur !

steina

[Ásdís Sigurðardóttir, 26.10.2008 kl. 21:46]

Kær kveðja og eigðu góða vinnuviku elsku Sigrún

[JEG, 26.10.2008 kl. 22:57]

Já manni hættir til að meika of mikið af kræsingum því ekki vill maður hafa of lítið sko.  Vá viku frí  hér var það 1 dagur.

Knús og klemm á þig mín kæra og frábært hvað helgin þín var notaleg. 

[Tína, 27.10.2008 kl. 08:30]

hurruuuuu kona.................... er þá ekki alveg fullt fullt af afgöngum??? Eins og t.d af brauðréttunum (er sko veik fyrir svoleiðis) og var ekki súkkulaðiterta? En það er hægt að múta mér með einni.

En ofsalega er gott að heyra að þú hafir fengið pakka. Mér finnst klikkað gaman að fá svoleiðis og viðurkenni fúlega að ég fæ því miður allt of sjaldan pakka (á ammli á þannig degi sjáðu). Össs heldurðu að ég sé ekki bara farin að vorkenna sjálfri mér á blogginu þínu?!?!? Ekkert uppeldi á mér. En mér finnst líka alveg hrikalega gaman að gefa það og reyni að nota hvert tækifæri sem ég hef til þess.

Annars gaman að lesa regnbogabloggið hjá þér vinkona.

Knús og kossar í öllum regnbogans litum duglega kona.

[jóna björg (IP-tala skráð) 27.10.2008 kl. 08:32]

Ohhh, hvað ég er feginn að ekki er mikill áhugi á fótbollta hér, æ gett ðe tjills við tilhugsunina við fotbolltahljóð á sunnudegi í sjónvarpinu..ætti kannski e-ð að vinna með það en þetta situr djúpt í mér..brrrr..sunnudagur, skóli daginn eftir, ekki búin að læra heima, kvíði..brrr

[Hrönn Sigurðardóttir, 27.10.2008 kl. 10:52]

Góður moli hjá þér

[Hjalla-stelpurnar (IP-tala skráð) 28.10.2008 kl. 10:26]

Innilega til hamingju með heimasætuna á bænum :-)  Vonum þið eigið öll yndislegan dag!  knús á Skagann! R+I=HH