Sunnudagur til algerrar sælu

Við hjónakornin lágum og dormuðum til kl. 10. Alveg yndislegt.  Svo gott að hafa elskuna mína hjá mér og geta kúrt hjá honum. Erfið vika liðin þar sem hann var á næturvöktum alla vikuna. Tómlegt í rúminu okkar þegar hann er ekki þar.

Nóg um það!

Strákarnir fóru fyrstir á fætur, og upp að horfa á Ólympíuleikana...held ég...þeir eru orðnir forfallnir sport´istar, drengirnir.  Svo er fótbolti í sjónvarpinu líka...ég gaf loksins grænt ljós á að enski boltinn yrði keyptur í sjónvarp á þessu heimili...mér var sko sagt að nú væru þeir þrír á móti mér...svo ég hefði ekki val lengur...meirihlutinn ræður og eitthvað svona lýðræðishjal...

Annars er ég alltaf að segja þeim reglurnar:

Pabbi ræður....þegar mamma segir!

Jæja...held ég nái í prjónana mína og geri eitthvað af viti...jólagjafaframleiðslan á fullu!

Athugasemdir

[JEG, 17.8.2008 kl. 13:37]

Ohh hvað ég er farin að hlakka til að geta kúrt frameftir.

Kveðja úr sveitinni.

[Hrönn Sigurðardóttir, 17.8.2008 kl. 13:41]

Ég hef nú oft notað þessa fleygu setningu: Meirihlutinn ræður - og meirihlutinn.... hann er ÉG!