Laugardagur á Höfðabrautinni

Hér liggur Jón Ingvi og er enn lasinn. Angakarlinn minn.  Hann verður sjaldan lasinn og ég held ég hafi ekki séð hann SVONA lasinn fyrr. Það líkist ekki börnunum mínum að liggja fyrir þegar þau eru veik...en hann liggur og hefur legið að mestu.

En þessu hlýtur að linna fljótlega...amk vonum við Jón Ingvi það innilega því við höfðum ákveðið að fara í borgarferð, bara við tvö, í komandi viku.  Ætlum að skoða bækur um Goðheima og svo ætlum við í Skátabúðina og skoða áttavita og við ætlum á kaffihús. Ef veðrið verður gott þá röltum við kannski Skólavörðustíginn. 

Ég er glöð með að núna séu bara 3 dagar eftir af þessari 9 daga törn, og þakka mínum sæla fyrir að slíkt er ekki daglegt brauð.  En samt er ég glöð með að hafa verið í vinnunni undanfarna daga.  Það hefur verið sitt hvað í gangi sem ég vildi ekki missa af.  

 

Einar hefur verið öllum lausum stundum í húsinu og er búinn að sparsla tvisvar, svo er að grunna og síðan sparsla þar sem kemur í ljós að það þarf.  Það er enn ýmislegt eftir að gera áður en við getum flutt inn...og tíminn flýgur.  En minn heittelskaði tekur hluta af sumarfríinu núna síðustu 2 vikurnar í apríl og þá nær hann að klára þetta, enginn vafi um það.  

Jamm.  Veit ekki hverju meiru ég get logið að ykkur...enda lýg ég aldrei!  Svo ég held ég láti þetta nægja og óska ykkur ánægjulegs laugardagskvölds, elskurnar mínar nær og fjær.

Hér kemur eitt sem ég held upp á... 

Athugasemdir

[Eysteinn Þór Kristinsson, 5.4.2008 kl. 22:43]

Hvenær náðirðu þessari mynd af Einari dansandi

[SigrúnSveitó, 5.4.2008 kl. 23:32]

Hvar heldurðu...?!!

[Ásdís Sigurðardóttir, 6.4.2008 kl. 01:02]

ÉG fíla þetta myndbrot líka.  Vona að heilsan lagist hjá litla pjakk. Kveðja yfir fjöllin

[ragnhildur frænka (IP-tala skráð) 6.4.2008 kl. 06:30]

*innlitskvitt* & góða helgi :)

[Lilja Guðný Jóhannesdóttir (IP-tala skráð) 6.4.2008 kl. 07:53]

Vonandi fer nú prinsinn að skríða saman svo þið komist í borgarferðina ykkar. Dásamlegt myndbrot - textinn er svo frábær. Hversu oft ætli við höfuð hlustað á þetta í gegnum árin?

Knús Lilja