Aum í bakinu...

...ég held ég sé búin að halda of mikið á Jóhannesi í Danmerkurferðinni og svo það að sofa í heilan mánuð á 90 cm með lítinn orm í rúminu hjá mér sé ástæðan fyrir bakverkjum.  Íhuga að fara að synda á morgnana þegar ég er búin að skila Jóhannesi í leikskólann...það er víst gott fyrir vöðvabólgu...bara ekki bringusund...

...það hins vegar veldur mér smá hugarangri þar sem ég hef aldrei lært almennilega að synda skriðsund...eða mér finnst það ekki.  Ætti kannski að prófa.  Ég hef alltaf verið svo upptekin og hrædd við álit annara að ég hef aldrei þorað að synda.  Skrítin skrúfa ég...  Eins og fólk sé eitthvað að glápa á sundtæknina hjá mér...og ef það gerir það, hvað með það þá?  

Hef stundum íhugað að skrá mig á sundnámskeið fyrir fullorðna, en kannski þarf ég þess ekkert, kannski þarf ég bara að demba mér í sund og SYNDA!!!  Hluti af þessu er líka vatnshræðslan mín.  Lenti nefninlega í "voldsommri" kaffæringu áður en ég var orðin synd og var hræðilega hrædd.  Svo held ég bara svei mér þá að ég hafi drukknað í fyrra lífi!  

Jæja, nóg bull í bili og nógu löng pása...ætla að halda áfram að LESA!!!  Um alkohólsima...

Framtíðarlandið Ísland

Framtíð Íslands

Kíkið á linkinn hér að ofan

Ég og morgnar...

...við eigum ekki samleið.  Ég á svo erfitt með að vakna á morgnana að það hálfa væri nóg.  Það er sama hvort ég fer seint eða snemma að sofa.  Ég held að ef ég væri ein og barnlaus að ég myndi bara vinna kvöldvaktir...

Fór með Jóhannes í leikskólann.  Einni starfskonunni er mikið í mun að taka hann um leið og við komum inn um dyrnar.  Mér mislíkar það, ég vil að hann fái þann tíma sem hann þarf.  Ég fer gjarnan 10 mín fyrr út á morgnana til að geta gefið honum þennan tíma. 
Besti vinur Jóhannesar í leikskólanum kom skoppandi fram þegar við komum og þeir féllust í faðma, vinirnir.  Frekar sætt.  Svo Jóhannes er alls ekki ósáttur og hann brosir alltaf þegar ég fer, ég fer aldrei frá honum grátandi þarna, svo ekki er hann ósáttur við að vera þarna.  Skil þetta ekki.  Ætti kannski bara að hætta að spá í þetta og bara leyfa þessu að vera.  Nema starfsfólkið fari að pressa of mikið á...ég var búin að segja þeim að svona værum við vön að hafa þetta, að hann fái þann tíma sem hann þarf og punktur!!!  Svo þá fengum við líka frið...þangað til í morgun...vona að þetta sé uppáfallandi...!!

Nóg um leikskólamálin.

Er að fara að lesa.  Fæ vonandi bókina "Den Gode opgave" fljótlega.Pippi ætlaði að versla hana fyrir mig og senda mér.  Þar er uppskrift að verkefnum, góð ráð og fleira.  Við ákváðum í sameiningu, ég og Annemarie, að við ætlum að styðjast við þessa bók.  Gott að vera með sömu rammana þegar við erum að skrifa sama verkefnið...í sitthvoru landinu!!!

En ekki meir í bili...ætla að skella mér í lestur...

kannski ég hiti mér samt Latte fyrst...

Fyrsti dagur í lestri...

...að kveldi kominn.  Búin að lesa 25 bls. af 1200...svo nóg að gera framundan.

Yfirhjúkkan á Höfða hringdi í dag.  Vildi staðfesta að ég kæmi til hennar í vinnu!!  Hún vill ekki kannast við að það sé erfið vinnan hjá þeim, en hins vegar mikil ábyrgð.  Ég fer í aðlögun einhverja daga í maí og svo tek ég einhverjar vaktir í júní og svo bara allt á fullt 2. júlí.  Spennandi.  

En það er jú eitt stykki BA-ritgerð sem þarf að ljúka í millitíðinni...

Annars lítið að segja, en segi samt; Lífið er ljúft, eintóm hamingja að kúra í armi á hverri nóttu.  Hvers meira er hægt að óska sér?

Ég græddi...

Erla systir hafði komið á Skagann í morgun og komst ekki heim fyrr en löngu eftir hádegið.  Svo ég græddi, fékk heimsókn Gaman að því.  

Gott að hún æddi ekki af stað.  Enda vita þeir sem hana þekkja að það hefði hún aldrei gert!!!  

Annars fauk víst Skagavagninn út af á Kjalarnesinu í morgun...sem sagt brjálað veður hér sunnan/vestan heiða... 

Ekkert ferðaveður á Sandskeiði, Kjalarnesi eða undir Hafnarfjalli

Leikskólamálin

Magnað. Á leikskólanum, Ramsager, í Danmörku, sem Jóhannes fékk að vera á þá daga sem ég var í skólanum s.l. 4 vikur, var Jóhannes ekki feiminn, hann faldi sig ekki bakvið mig á morgnana og ég þurfti oftar en ekki að leita að honum til að geta sagt bless við hann.  Þrátt fyrir að hann hafi verið í burtu í 7 mánuði.  Og svona var þetta líka meðan hann var þarna, einstakasinnum þurfti hann á því að halda að ég gæfi honum tíma og sæti aðeins með honum, en oftast var hann hlaupinn í leik strax.

Svona er þetta ekki hér.  Nei, hann felur sig á bakvið mig á hverjum morgni, og hefur gert frá upphafi.  Það gerði hann líka í morgun (hann gerði það ekki einu sinni 1. daginn í Ramsager þarna um daginn).  Það tekur yfirleitt frá 3-10 mínútur fyrir hann að vilja sleppa mér.  

Skildi honum líða betur í Ramsager en á leikskólanum hérna heima?  

Það er samt ekki eins og hann sé óánægður á leikskólanum.  Ég skil þetta ekki alveg.  

Hins vegar féll mér mun betur við Ramsager, og ég spurði einmitt leikskólastjórann þar að því núna hvort það væri möguleiki að við fengjum Ramsager með til Íslands...

Mér finnst miklu skemmtilegra frjálsræðið þar en skipulagningin hér...  Mín upplifun af leikskólanum hér er að það er allt ótrúlega ferkantað og í kössum...enginn sveigjanleiki...amk. lítill.  

Kannski smita ég af mér á Jóhannes?  Ég reyni að gera það ekki, en hver veit.  Ég tala vel um leikskólann þegar hann heyrir þó ég hafi stundum verið bullandi, sullandi reið...  Mér líkar vel við flest starfsfólkið á deildinni, svo ég er ekki óörugg að skilja barnið mitt eftir þarna.  En kannski finnur hann einhverja strauma frá mér...ég verð að klifja þetta mál... 

Vond mamma á þriðjudegi...

...eða það þykir eldri syni mínum...ég nefninlega neita að keyra þau í skólann!!!  Vil að þau hreyfi sig, noti fæturnar...!!!  Fullkomið óréttlæti, og ótrúlega erfið mamma...svona er ég Tek það fram að þau geta labbað upp í skóla á innan við 10 mínútum...

Annars er lestur verkefni dagsins.  Svo hringir Annemarie kl 10.  Spennandi verkefni framundan, nefninlega að undirbúa "problemformulering" (sem ég hef ekki hugmynd um hvað heitir á íslensku) sem á að skila inn í næstu viku og til að geta útbúið hana þá þurfum við að lesa slatta... Og leita að hinum ýmsu fræðigreinum og komast að því hvort einhver annar hafi gert svipaða könnun.  

Jamm, sem sagt nóg að gera.

Svo ætla ég líka að hafa samband við yfirhjúkkuna á Höfða í samb. við vinnuna.  Var að frétta að það væri mjög erfið vinnan þar.  

Jæja, best að koma börnunum í skóla og leikskóla svo ég geti LESIÐ!!!

Eyrun okkar mæðgina!!

Fórum með Jón Ingva til eyrnalæknis í morgun.  Úrskurðurinn var sá að drengurinn þarf rör...það er svo mikill vökvi að hann heyrir sennilega ekki nema hálfa heyrn!!  Svo andar hann svo mikið með munninum að það bendir allt til að það þurfi að taka nefkirtlana líka.  

Gott að það er komið í ljós.  Hins vegar gerir þetta að ég er ekki öldungis sátt við eyrnalækninn sem við höfum treyst á undanfarin mörg ár.  Það er ekki nema tæpt ár síðan ég fór með drenginn til hans, einmitt út af þessari munnöndun, mig grunaði að það væru nefkirtlarnir...en nei, hann vildi ekki meina að það væri...  Og hann mældi heyrnina og sagði að það væri allt í góðu...  Hins vegar vill þessi læknir sem við vorum hjá í dag meina að þetta sé "ástand" sem sé búið að vara lengi (einhverjir kalkblettir og æðar sem koma eftir langvarandi vökvasöfnun).  

Svo þetta með að hann sé svolítið utan við sig og í eigin heimi er kannski bara alls ekki málið...  Það magnaða er að við höfum líklega öll vanið okkur við þetta, þar sem þetta hefur smá versnað...  Magnað hvað er hægt að venjast öllu...!!!  

En nú verður vonandi fljótlega breyting á og drengurinn fær heyrn.  

Svo mældi doksi þrýsting í mínum eyrum til að sína mér hvernig "eðlileg kúrfa" liti út...en mín var sko heldur ekki eðlileg...svo ég fékk tékk með í kaupunum...og það var stíflað báðu megin...og alveg lokað öðru megin...svo það er ekki skrítið að ég hafi stundum haft á tilfinningunni að það væri lokað fyrir...  Svo ég fékk ströng fyrirmæli (ekki í fysta sinn) um að ég mætti alls ekki nota eyrnapinna...ég hef líka hamið mig ansi vel síðan það var "ryksugað" úr eyrunum á mér fyrir einhverjum árum...!!! Eftir moksturinn var kúrfan mín eðlileg

Valdís!!!

Eitrið þitt er komið í hús!!!  Svo nú er bara fyrir þig að finna tíma til að koma í kaffi Hlakka til að sjá þig fljótlega!!!

Blogga meira very soon.  Yndislegt að vera komin heim.  Vá, hvað ég á fallegan mann, fallega dóttir og fallegt heimili!!!  Vissi það reyndar alveg...!!! 

Roskilde og lítil prinsessa fædd

Elsku vinirnir okkar, Jóna og Sindri, eignuðst prinsessu í nótt.  Sá myndir af henni áðan, þvílíkur moli.  Elskurnar mínar, til hamingju með gullmolann ykkar

Annars er það af okkur mæðginum að frétta að við erum stödd í Roskilde hjá Jónasi og Áslaugu.  Kvöddum Tinnu, Kim og börn með trega í morgun.  Ég og Tinna felldum nokkur tár...mikið finnst mér þetta erfitt   Erfitt að kveðja svona yndislega vinkonu og ég á eftir að sakna hennar mikið.

Við sóttum Jón Ingva til Camillu, kvöddum þau feðgin að sinni, Jón Ingvi fer líklega með þeim á "Sankt Hans bál" í sumar.  Svo þau skötuhjú geta látið sér hlakka til að hittast aftur eftir rúma 3 mánuði!

Svo var það Hilleröd sem var næst á dagskrá.  Við fórum í kaffi til Betinu, sem var búin að hlakka mikið til að að sjá Jón Ingva.  Síðan var stefnan sett til Pippi og Kaare.  Pippi keyrði okkur svo til Roskilde.

Já, svo er það Ísland Á MORGUN!!!  Ji hvað ég hlakka mikið, mikið til.