Golf og fleira

Ég smellti mér á golfnámskeið í kvöld. Fyrsti tíminn í kvöld, í allt 3 skipti. Mjög gaman. Gekk vel :) Ég ætla að gefa golfinu tækifæri - og sjálfri mér um leið. Mér var farið að finnast þetta golf hálfglatað...gekk ekkert og nennti þessu bara ekki. Þrátt fyrir að minn heittelskaði væri sífellt að segja mér að það yrði enginn Tiger Woods á einni nóttu...kappinn sá byrjaði að æfa 2ja ára gamall sko!!!

En ég er búin að sálgreina sjálfa mig og komast að því hvað veldur...eða hvað ég tel líklegt að sé málið:

GAMALL ÓTTI!!!! Minn versti djö....!! 

Mig langaði alltaf *í gamla daga* að æfa íþróttir, sérstaklega þó blak. Mér fannst gaman í blaki í skóla, var alveg þokkaleg, að ég held (tel mér amk trú um það). En ég þorði ekki að æfa því ég var svo hrædd við álit annara, hrædd við að vera ekki nógu góð, skíthrædd við stelpurnar sem voru að æfa blak og myndu örugglega ekki vilja hafa mig með og myndu örugglega hlæja að mér - hvað ég væri geðveikt léleg sko! 

Svo ég fór aldrei þessa leið. Neibb, ég valdi mér aðrar leiðir og Bakkus var ágætis félagi um stund. Eða þar til hans nærveru var ekki óskað lengur ;) 

En svo við snúum okkur að máli málanna, hvað kemur þetta golfinu við?!!! Júbb, ég er búin að komast að því að ég ætlaði bara að afgreiða golfið sem leiðinlegt! Því þá þyrfti ég ekki að takast á við þennan gamla ótta minn, að vera ekki nógu góð og hvað öðrum finnist um mig.

Og vitiði?!!! 

Ég má vera léleg, ég má vera byrjandi, ég þarf EKKI að vera heimsmeistari strax á 3ja degi!!! 

Svo nú ætla ég að gefa golfinu séns, og sjálfri mér. Staðráðin í að verðlauna sjálfa mig með silfurlituðum ECCO golfskóm eftir sumarið ef ég finn að mig LANGAR að halda áfram!! 

Ég segi hér með fortíðardraugunum stríð á hendur!!!

----

Hamingjumoli dagsins:

"Það er ljós við enda ganganna", segir sá bjartsýni.
"Það hlýtur að vera lest sem stefnir beins á okkur", svarar hinn svartsýni.

- Úr bókinni Þúsund hamingju spor

Athugasemdir

[Ásdís Sigurðardóttir, 21.7.2009 kl. 09:42]

AKkúrat, feisa gamla djöfla það skilar manni ótrúlega langt, þú ert hetjan mín.  Knús og kruttkveðja 

[Hrönn Sigurðardóttir, 21.7.2009 kl. 10:56]

Þú ert bezt! Þú ert minn gullmoli

[Birna Dis Vilbertsdóttir (IP-tala skráð) 21.7.2009 kl. 11:50]

Gólf er ömurlega.................. skemmtilegt.Ég hef aðeins fiktað við það og finnst það með eindæmum hallærislegt sport og á sama tíma mjög skemmtilegt.Það versta er að það rúmast ekki 2 golftöskur á mótorfáki mínum,annars væri ég í golfi.Þú ert svo frábær,flott stelpa (allar konur yngri en ég eru stelpur )Silfur-skór líst mér vel á

[SigrúnSveitó, 21.7.2009 kl. 18:01]

Takk elskurnar mínar, mikið er ég rík að hafa ykkur í lífinu mínu - þó það sé mest á netinu

Vitiði, Einar ætlar að gefa mér silfurskóna í afmælisgjöf! ...eins gott að halda áfram í golfinu!! ;)

[Magnea Móberg Jónsdóttir (IP-tala skráð) 22.7.2009 kl. 16:15]

Þú stendur þig vel í öllu, sem þú tekur þér fyrir hendur ástin mín. Vá silfurskór, það verður æðislegt að sjá þig spóka þig á vellinum.

[SigrúnSveitó, 22.7.2009 kl. 22:45]

Takk elsku mammsan mín