Daginn í dag...daginn í dag...

...já, þessi fallegi dagur. Sólin skín, reyndar norðanbelgingur en skítt með það. Nú vantar bara pall hérna sunnanmegin við húsið. En ætli ég myndi nokkuð sitja meira úti þó við værum með pall?!!! Ég er ekki svo mikið fyrir að sitja í sólinni hvort eð er ;)

Jóhannes smellti sér í fótboltaskóla aftur þessa viku. Hann hefur óstöðvandi fótboltaáhuga, þessi moli. Í gær fór hann reyndar líka í góðan klukkutíma einn í golf. Svo duglegur.

Um helgina ætlum við mæðgin, ég og Jóhannes, að dúllast tvö ein saman. Ólöf Ósk verður farin til Græsted (dejlige Danmark) og Einar og Jón Ingvi fara til Ólafsfjarðar á fótboltamót. Við ákváðum að frekar en að fara öll fjögur norður að skipta okkur upp og gefa strákunum einkatíma með einu foreldri. Þeir eru alveg að njóta þess þegar þeir fá rólegheitatíma með öðru okkar, án þess að þurfa að deila athyglinni með systkinum sínum. Held öll börn sem eiga systkini hafi gott af slíku. 

Annars er ekkert nýtt. SASA fundur í kvöld og áframhaldandi rólegheit. Njóta þess að vera í sumarfríi og já, bara njóta lífsins. 

-------

"Hafðu ekki áhyggjur af því að deyja úr of mikilli ánægju"

- úr bókinni Þúsund hamingju spor 

 

Athugasemdir

[Hrönn Sigurðardóttir, 13.7.2009 kl. 15:14]

Góður moli hjá þér

[SigrúnSveitó, 13.7.2009 kl. 15:39]

Já, hann er ansi góður. Held ég smelli fleiri inn, svona í lok hverrar færslu kannski Snilldarbók sem elskuleg móðir mín var svo sæt að gefa mér