Einn bragðsterkur!

Margir hafa beðið mig um þessa uppskrift og nú er hún komin inn! (Guðbjörg og Dagbjört, þetta er rétturinn sem ég var með í jólaboðinu)

1 piparostur
1 mexíkó-ostur
ca 100 g rjómaostur
5 dl matreiðslurjómi
1 box sveppir (250 g)
100 g pepperoni
1 beikonbréf
2 dósir sýrður rjómi
3/4 franskbrauð (skorpan skorin af)

1. ostarnir og rjóminn eru settir í pott og bræddir, sýrða rjómanum síðan hrært saman við.
2. Brauðið rifið niður og sett í eldfast mót.
3. sveppir, beikon og pepperoni steikt á pönnu og dreift yfir brauðið.
4. ostablöndunni hellt yfir.
5. bakað í ofni v. 200°C í u.þ.b. 20 mínútur.

--

Ég passa bara upp á að hafa þetta vel blautt, bæti jafnvel smá vökva ef mér finnst þurfa (t.d. skvettu af mjólk út í sósuna).

Mamma, ég hugsa að ég myndi gera tvöfalda uppskrift...í það minnsta...

Athugasemdir

[SigrúnSveitó, 30.1.2009 kl. 17:04]

Svo er ÞESSI voða góður líka :) og enn betri ef sett er hunangssinnep út í majónesblönduna.

Svakalega ferskur!

[Magnea Móberg Jónsdóttir (IP-tala skráð) 30.1.2009 kl. 17:50]

Kærar þakkir elskan

[Birna Dis Vilbertsdóttir (IP-tala skráð) 31.1.2009 kl. 10:40]

ummmmmmmmmmmmmmmmmm takk