Hvað get ég... - sigrunsveito.blog.is

10.4.2008 | 20:52

Hvað get ég sagt...

...Jón Ingvi er LOKSINS hitalaus!!! Við fórum nú samt í borgarferð í gær þó hann væri með smá hita...og áttum góðan dag saman. Bara yndislegt.

Reyndar var Ólöf Ósk þá orðin lasin...en var skilin eftir heima með sofandi pabbanum.

Í dag voru þau systkinin svo heima, með sofandi pabbanum. Þau hringdu í mig fyrir hádegið og langaði þá að fá að baka...mér leist nú svona og svona á það, en tók loforð af þeim að taka til í eldhúsinu...sem þau og gerðu. Þau gúggluðu súkkulaðismákökur og bökuðu svoleiðis. Alsæl með útkomuna, sem er víst ansi góð.

Ég hef ekki smakkað...það er jú sykur í þeim!

Vissuði að í fyrradag, 8. apríl, átti ég 1 árs sykurlaust "afmæli"?!!!! Ég er alsæl með það, þvílíkt frelsi að vera laus við þráhyggjuna sem fylgir sykuráti hjá mér! Þráhyggju eins og; endalausar hugsanir um nammi, kökur og þess háttar. Þráhyggju eins og; "ógeðslega er ég FEIT!!!" (Þó ég sé alls ekki feit...get samt alveg enn fengið smá svona hugsanir...en hamingja mín er ekki fólgin í kílóafjöldanum, svo mikið veit ég...ég hef verið mjög grönn og geðveikt óhamingjusöm!!!) Svo er ég líka alsæl að vera laus við liðverki, sem fylgja sykuráti hjá mér.

Jamm. Sykur er EITUR fyrir MIG!!!

Í dag fórum við á tónleika. Tveir elstu árgangarnir á Vallarseli, leikskólanum hans Jóhannesar, voru að syngja og spila með lúðrasveitinni. Þvílíkt flott hjá þeim. Það á víst að koma í sjónvarpinu...hélt að það ætti að koma í kvella...en nei, amk. misstum við þá af því...læt ykkur vita ef ég kemst að þessu...þá getiði séð þessa snilla!!!

Vitiði...núna ætla ég að henda mér í heitt bað...

bathing