Lasarusinn minn...

...liggur inni í rúmi okkar foreldranna og horfir á "Ertu skarpari en skólakrakki?" á Skjá Bíó.  Hann er voða slappur, en ber sig nokkuð vel.  Er með bullandi hita enn, mældi hann reyndar ekki í morgun, en það fór ekki milli mála. Gaf honum panódíl en honum líður samt ekkert vel

Jóhannes, gormurinn okkar, er í fríi, sem ég lofaði honum í gærmorgun.  Hann er inni í herbergi sínu og Jóns Ingva, að horfa á sama þátt og bróðir sinn...með öðru auganu samt, held ég, því ég heyri að hann er að leika sér og spjallar mikið!

Skvísan fór í skólann, með miða til íþróttakennarans...er enn illt í handleggnum en samt betri því hún tók ekki verkjalyf í gær!

Ég sjálf er bara ekki að nenna á fætur...þarf nefninlega að fara í sturtu fyrst! Þarf líka að taka til...eldhúsið er á öðrum endanum...sem gerist ef ekki er gengið frá þar.  Vildi ég hefði eitthvað af hvíta stormsveipnum sem Lilja sys. hefur í sér...

Ég pakkaði í tvo kassa í gær, m.a. mestum hluta af stellinu og svo voru það myndir og eitthvað svona punterí sem ekki verður tekið með í skúrinn.  Neibb, það verður í kössum þangað til við flytjum í allt húsið...hvenær sem það verður.  En kassarnir verða VEL merktir svo auðvelt verði að finna hlutina ef not verða fyrir þá

Knús til ykkar allra og svo þetta; 

Athugasemdir

[Sirrý P (IP-tala skráð) 4.4.2008 kl. 20:49]

Blessuð Sigrún

Þú ert ekkert orðin 26, rétt rúmlega tvítug það vita allir.  En hér kemur smá ráð fyrir þá sem ætla að búa í geymslu, skrifaðu niður á blað það sem fer í kassana og númeraðu svo kassana.  Þá geturðu alltaf fundið það sem þig vantar.  Þó svo að þetta sé eldhúsdót sem fór ofan í stofukassann.   Gangi þér vel í flutningum og pakkeríi. 

kv. Sirrý P

[SigrúnSveitó, 5.4.2008 kl. 10:33]

Takk fyrir þetta, Sirrý. Hef heyrt um þessa aðferð áður...kannski bara hjá þér...ætla að sjá hvort ég geti verið svona skipulögð...hef reynt áður en ekki tekist. En eins og sagt er; trying is lying...svo það er bara að FRAMKVÆMA!!

Knús á Selfoss...