Borðaði á mig gat!

Sem þýðir væntanlega að magakveisan sé liðin hjá! Ég þurfti reyndar ekki að borða neitt svaka mikið til að springa...enda sama og ekkert borðað síðan í fyrrakveld.

En þetta var í matinn:

Ýsa, léttsteikt á pönnu, krydduð með fiskikryddi, sett í eldfast mót. Sveppir og svo frosin grænmetisblanda (gulrætur, broccoli og blómkál) smellt á pönnuna í smá stund og smá rjóma skvett yfir. Látið malla örlitla stund og hellt yfir fiskinn.  Kryddostur og Hvítlauksostur bræddur í mjólk og grænmetisteningur settur út í, þessu er svo hellt yfir fiskinn og grænmetið.  Rifinn ostur yfir. Inn í ofn í 20 mín. eða meðan kartöflurnar suðu.

Alveg glimrandi gott. En krakkarnir vildu þetta ekki...strákarnir neituðu að smakka og Ólöfu Ósk þótti of mikið fiskibragð af fiskinum.  

Það er vandlifað í þessum heimi

Athugasemdir

[Linda litla, 13.3.2008 kl. 21:13]

ummmm...... ekkert smá girnó, ég hefði viljað vera í mat hjá þér í kvöld.

[Úrsúla Manda , 13.3.2008 kl. 22:10]

Jammíííí þetta líst mér vel á!! Takk

[Þórunn María Örnólfsdóttir (IP-tala skráð) 13.3.2008 kl. 23:11]

krúttlegt að finnast of mikið fiskibragð af fiski , man samt eftir þessu þegar þórunn matvanda (ég) var ung að árum.  Gott að heyra að þér líði betur

[Ásdís Sigurðardóttir, 14.3.2008 kl. 17:54]

 Þessar matarfærslur þínar æsa upp í mér hungrið.  Farðu bara vel með þig um helgina. 

[ragnhildur frænka (IP-tala skráð) 14.3.2008 kl. 19:15]

*kvitt*kvitt*  hafið góða helgi elskurnar ! :)

[Gunnar Helgi Eysteinsson, 14.3.2008 kl. 20:15]

[María Katrín Jónsdóttir Ármann, 14.3.2008 kl. 21:07]

Átti Einar ekki afmæli 13. ??? Er ekki einusinni minnst á það á blogginu ? Kisstu hann allavega frá mér. Eða ef ég er að ruglast þá kissiru hann bara samt

sjáumst pa mandag 

[Birna Dis Vilbertsdóttir (IP-tala skráð) 15.3.2008 kl. 18:07]

Ummmmmmmmmmmmmmmmm,

[jóna björg (IP-tala skráð) 16.3.2008 kl. 17:26]

sprakstu nokkuð mín kæra, á ég að vera með áhyggjur?