Mikið að gera sem foreldri...

Foreldrafundir eru verkefni haustsins!!!  Í síðustu viku fór ég á foreldrafund í bekknum hjá Ólöfu Ósk, í kvöld var fyrri hluti foreldrafræðslu í 1. bekk, seinni hlutinn annað kvöld.  En áður en ég fer á þennan seinni hluta annað kvöld þarf ég aðeins að skella mér á foreldrafund á leikskólanum!!!  Nóg að gera í þessu.  Gott ég á ekki 10 börn!!!  Þá hefði ég ekki tíma fyrir neitt nema fundi ;) hehe...

Ég ræddi þarna við sérkennara í samb. við börnin mín.  Það hefur verið talað um að þau eigi rétt á auka kennslu í íslensku og ég vil að það verði farið að gera eitthvað ef þörf er á.  Annars sagði reyndar kennarinn hennar Ólafar Óskar um daginn að hún væri rosalega vel stödd í íslenskunni, sem er náttúrlega frábært.  Barn sem hefur búið í útlöndum frá 1½ árs aldri.  Það er sennilega þrjóskan í okkur sem hefur hjálpað til þar ;) hehe...  Og ekki má gleyma dugnaðnum í stúlkunni, hún hefur náttúrlega lesið og lesið á íslensku.  Síðasta vetur var það t.d. verkefni sem hún hafði, að lesa á íslensku í hálftíma á dag.  Sem hún gerði nánast undantekningarlaust, þessi dúlla.

 Annars líst mér bara svo rosalega vel á Grundaskóla.  Það virðist ótrúlega góð starfsemi í gangi.  Enda var skólinn víst kosinn besti grunnskóli, ég held landsins, s.l. vetur.  Svo er skólinn móðurskóli fyrir umferðafræðslu og gerir mikið út á það (www.umferd.is).

 Mér finnst þetta bara æði.  Það er svo mikill munur að vera að koma úr skóla, eða amk bekk þar sem ekkert var nema vandræði og aftur vandræði, bekkur sem var umtalaður sem "versti bekkur skólans" og koma svo inn í þetta umhverfi.  Bekkurinn sem Ólöf Ósk er í núna er víst umtalaður sem "einn besti bekkur skólans", sem er náttúrlega frábært eftir fyrri reynslu.  Eftir að hafa barist við "illt í maganum" og "illt í hausnum" í meira og minna 5 vetur þá er stórkostlegt að upplifa að hún er ánægð og glöð og líður vel í bekknum.  Þrátt fyrir að hún þekkti engann (hafði hitt eina stelpu einu sinni og eina aðra tvisar áður en skólinn byrjaði) þá hefur ekki verið einn morgunn þar sem henni hefur verið illt!! *7-9-13*

Ég fór í sprautu í morgun, sprauta 2 af 3 í bólusetningu gegn lifrarbólgu B.  Ég er alltaf jafn skíthrædd þegar á að sprauta mig :( en svo er það aldrei neitt sérlega vont.  Einu sinni fékk ég flensusprautu, á bólakaf í vöðvann á upphandleggnum og það var svo hrykalega sárt.  Þessi lifrarbólgusprauta er líka í þann vöðva en það hefur bara ekki verið neitt slæmt, í hvorugt skiptið og það er sitthvor hjúkkan sem hefur stungið mig.  Svo mér dettur nú bara í hug að þessi sem gaf mér flensusprautuna hérna um árið hafi bara verið svona afspyrnuléleg að munda sprautuna!!!  Amk ætla ég að reyna að halda í þessa minningu frá í dag; að þetta var bara ok og ég dó ekki!!!  Ég þarf sko að fá eina enn, eftir 5 mánuði.  Þá ætti ég að vera safe. 

Athugasemdir

[Svanfríður (IP-tala skráð) 26.9.2006 kl. 05:07]

Gaman að heyra hvað dóttir þín stendur sig vel í íslenskunni. Mér finnst alltaf gott að heyra svona sögur, það gefur mér aukið "búst" með minn gutta en ég tala bara við hann á íslensku, les fyrir hann og annað. Gaman að heyra svona. Góðar kveðjur úr Chicago, Svanfríður (úr Valkyrjuhópnum)

[Gurrí (IP-tala skráð) 26.9.2006 kl. 10:26]

Velkomin á nýja bloggheimilið! Er svo vanaföst að það tekur mig eflaust einhvern tíma að venjast þessu. Ég er reyndar fúl út í blog.central því að það er erfitt að setja inn myndir, held ég.
Knús, Gurrí (www.blog.central.is/gurrihar)

[ég sjálf (IP-tala skráð) 26.9.2006 kl. 11:52]

Gaman að fá þig í "heimsókn" Svanfríður. Það er sko frábært þegar þessir ungar eru að standa sig vel :) Og endilega halda áfram með íslenskuna, þetta er svo mikill fjársjóður.

Já, Gurrí, ég skil ekki þetta vesen hjá blogger.com, tómt vesen með færslur hjá mér, ég er búin að rembast við þetta í 3 mánuði núna og nenni ekki meir, ætla að prófa hérna inni. Þú hlýtur að ná þessu fyrir rest, þó það sé erfitt að kenna gömlum hundi að sitja og allt það ;) hehe...
Hvernig eru annars lappirnar??