Beiðni um aðstoð!

Ásdís bloggvinkona mín bað mig að hvetja ykkur öll til að skoða ÞETTA og skrifa undir!!!

---

Af mér er allt gott að frétta.  Reyndar fer illa í mig að vinna kvöldvakt-morgunvakt svo ég er gersamlega búin að vera eftir þessu stuttu skipti.  Ég er ekki sami jaxlinn og minn heittelskaði sem getur tekið t.d. 4 vaktir í röð með stuttum skiptum (vinna 8 tíma-sofa 8 tíma-vinna 8 tíma o.s.frv.).  

Ég var að vinna kvöldvakt í fyrrakvöld og morgunvakt í gær...og ég var gersamlega búin að vera þegar ég kom heim.  En gat ekki sest niður og slappað af því ég þurfti að taka til og snurfusa þar sem það var fólk að koma og skoða kl. 18.30...ég get sagt ykkur að það munaði litlu að ég hringdi grátandi í Einar...en lét mig hafa það og náði að gera fínt.  Ólöf Ósk var lasin svo þar var enga hjálp að fá - en hún er annars mjög dugleg að hjálpa, og í ofanálag þurfti ég að taka hennar herbergi líka...  

Allt náðist þetta og ég fór út á rúntinn með börnin meðan skoðað var.  Við fórum í Olís og fengum okkur pylsur í kvöldmatinn...nema Ólöf Ósk sem var með ælufötu með sér...fékk sér saltstangir og kók...sem hún varla bragðaði á!!  

---

Í dag er ég svo búin að vera uppi í húsi með mínum yndislega eiginmanni.  Hann að brasa í þakinu, negla spýtur...og ég naglhreinsaði það sem eftir var og tók svo skurk fyrir utan en þar var orðið hættulegt fyrir krakkana að vera sökum margra naglaspýtna...

(Fleiri myndir að hlaðast inn hérna.) 

---

Nú fer að styttast í heljarinnar geim hjá okkur.  Við erum búin að bjóða systkinum Einar og frændsystkinum í föðurættina hans - og mökum - í hitting á laugardaginn.  Þessir "krakkar" hafa alltaf haldið vel sambandinu, eða gerðu lengi vel.  Svo nú á að gera tilraun til að skapa hittings-reglu...spennandi að sjá hvort einhver vilji standa fyrir næsta hittingi og hvort af því verði... Það eru einhvernveginn allir svo bissý eitthvað, svo lítið verður úr svona löguðu.  Enda skipulögðum við þetta með löngum fyrirvara - amk. á íslenskan mælikvarða (erum dálítið dönsk...) - og sendum út skilaboð með 3 vikna fyrirvara...

Athugasemdir

[jóna björg (IP-tala skráð) 18.10.2007 kl. 08:38]

það er aldeilis að koma mynd á húsið og það er huuuge, nóg að þrífa þar ;) annars held ég að það sé örugglega auðveldara að þrífa 200 fm en 50, hér þarf að moppa yfir 3 á dag ef vel á að vera, fyrir utan það að ef það eru 3 bílar á gólfinu er komið drasl.

knússss 

[Hrönn Sigurðardóttir, 18.10.2007 kl. 11:20]

Erfitt hjá þér núna dúllan mín. Sendi þér orkustrauma og vona að þið skemmtið ykkur vel á laugardaginn