Hef lítið að segja...

...en get ekki þagað alveg...ekki frekar en fyrri daginn

---

Jón Ingvar, bæklunarlæknir, hringdi áðan út af röntgenmyndunum hennar skvísu minnar.  Vinstra hnéð (þetta verra) er eðlilegt að sjá á myndum, sem sagt engir sjúkdómar þar á ferð.  Í hægra hné er einhver beinvöxtur, en ekkert sem á að hrjá hana (skil ekki alveg, en ég trúi honum) og enginn sjúkdómur þar heldur.   Svo næst á dagskrá er að fylgjast með skvísunni, og setja hana í styrktaræfingar, æfingar sem styrkja lærvöðvana og þar með gera hnjánum gott.  Hann vildi ekki að hún færi í göngugreiningu eða slíkt.  Svo ef þetta heldur áfram, eða versnar þá er sneiðmyndataka (eða hvað þetta heitir á íslensku) en hann er 99,9% viss um að það er ekkert að liðþófanum.  Nú bara vonum við það besta og brunum af stað í styrktaræfingar.  Spurning hvar hún getur fengið að æfa...kjánalegt að kannski borga fullt verð í líkamsræktarstöð til að hún komist í eitt tæki...en við sjáum hvað verður.  Kannski Ragga Run (yfirsundþjálfarinn) hafi góða lausn á málinu.

---

En ég fór sko að æfa í morgun.  Yndislegt.  Ég fór líka í klippingu í gær...þarf að fá Einar til að taka mynd af mér þegar hann vaknar og smella inn...svo þið gerið fengið að sjá hana nýju mig

---

Svo er ég að prjóna...geðveikt flotta vettlinga...eða mér finnst þeir geðveikt flottir!  Svo er ég að bíða eftir hosubandi, sem er í pöntun í ákveðnum litum, en það fer í sokka...geri ráð fyrir að ákveðin kona lesi hér og viti þá að þetta er í vinnslu...!!  Þú veist hver þú ert...!!

 

Athugasemdir

[Ragnhildur frænka (IP-tala skráð) 2.10.2007 kl. 15:58]

Þú ert alltaf svo myndó í prjónaskapnum  ... ég missti alveg af þeim genum.  Ég föndra bara öðruvísi :)

[Guðrún Jóhannesdóttir, 2.10.2007 kl. 17:19]

vonandi gengur tetta allt vel með dömuna tína.

En tú myndó, aldrei hef ég nennt vettlingaprjóni, mokaði peysum og kjólum frá mér á tímabili og jafnvel sokkum, en vettlingar...

Mér fannst alltaf gott að eiga góða tengdamömmu á Fossi sem sá um tessa hlið mála :) 

[Ásdís Sigurðardóttir, 2.10.2007 kl. 19:36]

Hæ yndið mitt. I'm back  :):)  átti ég að senda garn?? eða kaupir þú það og ég legg svo inn?? Ég mundi fara með stelpuna í göngugreiningu. Þekki það úr okkar fjölsk. að frændi húsbandsins sem var bóndi var búinn að fara í tvær hnáspegl. og skaf og dæmdur úr leik og seldi búið, flutti á Selfoss og svo dreif hann sig í greiningu og var þá með ónýta mjöðm, læknirinn sem var með hann fór með veggjum lengi á eftir. Sem betur seldi hann dóttur sinni búið svo það fór ekki út úr fjölskyldunni. Hann fékk svo nýja mjöðm og þar með nýtt líf, hressari sem aldrei fyrr.  Takk fyrir yndislegar kveðjur til mín síðustu viku, það hjálpaði mikið að sjá þær allar og svo las dóttirin í London upp fyrir mig þegar ég lá inni.  Láttu kíkja á skottu þína.  knús á skagann, gengur vel hjá Einari að byggja???

[SigrúnSveitó, 2.10.2007 kl. 22:31]

Hurru, ég er búin að láta panta garn, einhverja liti í hosugarni, man ekki hvaða liti...rauðan, bláan og gulan minnir mig.  Svo geri ég eitthvað ægilega fínt ;) Verð í bandi þegar ég er búin... 

Já, það myndi eflaust ekki skaða að láta göngugreina stúlkuna.

[SigrúnSveitó, 3.10.2007 kl. 11:36]

Gleymdi að svara þessu með bygginguna...það verður aftur steypt á mánudag svo þá ætli það verði ekki reisugilli á þriðjudaginn