Gleðilegan sunnudag...

...elskurnar mínar.

Dagurinn byrjaði 6.30 en þá fórum við mæðgur á fætur.  Ólöf Ósk var að fara að keppa aftur í dag.  Hún er svo dugleg, þessi skotturófa okkar.  Hún er alltaf að bæta tímann sinn og er mjög ánægð.  

Ég var ógurlega þreytt í vinnunni...því við auluðumst til að horfa á 4 þætti af 24 tímum...man ekki hvaða seríu...svo klukkan var örugglega vel yfir miðnætti áður en við fórum að sofa.  Ekki gott fyrir konu sem þarf helst sína 8 tíma!!  En ég lifði það af...og lagðist inn með Jóhannesi þegar ég kom heim...hann horfði á eina teiknimynd og ég dottaði.  Yndælt.  Nema fyrir utan það að við erum alltaf að fara að taka á sjónvarpsglápi drengjanna...en...

Núna er kvöldmaturinn að malla í ofninum...kjúklingabringur í ostasósu (mexíkóostur, jalipenóostur, mjólk og rjómi) og hrísgrjón með.  Sunnudagsrómantík hjá okkur skötuhjúunum.  Yndislegt alveg.  Elska að eiga svona dinner með manninum mínum, í ró og næði og geta einbeitt mér að því að tala við hann...og hlusta líka

Svona í lokin verð ég að sýna ykkur mynd af mér og Ými, tekin í sumarbústaðnum á Akureyri á skírnardaginn hans yndislega Ýmis.  

Athugasemdir

[Hrönn Sigurðardóttir, 2.10.2007 kl. 08:12]

.....hvað þið eruð falleg, þú og Ýmir

[jóna björg (IP-tala skráð) 2.10.2007 kl. 09:21]

litli krúsi hann frændi þinn

knús.. 

[SigrúnSveitó, 2.10.2007 kl. 13:45]