Frábær dagur

18.6.2007 | 00:22

Ótrúlega gaman að upplifa þjóðhátíðardaginn á Akranesi, á Íslandi. Hef ekki verið á Íslandi á 17danum síðan 1996.

Í kvöld var fjölskylduskemmtun uppi í íþróttahúsi, Hemmi Gunn í svaka stuði sem kynnir/skemmtanastjóri eða hvað svona heitir. Hann meira að segja tók lagið; 'Út á gólfið, ekkert stress'!!! Frekar gaman hjá mér :) Það komu fram ýmsar hljómsveitir og tóku ýmis skemmtileg lög og ég gat EKKI setið kyrr. Vá, mig langar á ball, til að DANSA!!! Ég elska að dansa. Kannski ég skelli mér á ball á Norðfirði um verslunarmannahelgina Wink

Ég fór svo heim með pjakkana kl að verða ellefu, þá var Jóhannes alveg rúmlega búinn á því. Reyndar Jón Ingvi líka. Langur og skemmtilegur dagur á enda runninn.

Ólöf Ósk og Jón Þór urðu eftir og fengu fyrirskipun um að koma heim kl 23.45. Ólöf Ósk kom svo reyndar fyrir hálf 12 þar sem stelpurnar sem hún var með fóru heim þá. Hún var sæl og ánægð og svo sveitt að það var varla þurr þráður á henni. Svo hún bíður strax spennt eftir írskum dögum... Wizard

En nú ætla ég að fara að sofa. Margt sem ég ætla að gera á morgun, m.a. vakna kl 7.30...(sem er ekki mitt uppáhald...!!)

Bíð ykkur góða nótt og megi Guð og englarnir vaka yfir ykkur á þessari björtu júnínóttu Kissing

Flokkur: Bloggar | Facebook

Athugasemdir

Gleðilega þjóðhátíð sömuleiðis.

Bið að heilsa frændum og frænkum á Akranesi.

Sigga Eyrun, 18.6.2007 kl. 00:46

hérna var haldin þjóðhátíð á amager strönd, og það ringdi og ringi, sagði gunni mér. hann fór enda mikill selskapsmaður, ég sat heima og skrifaði grein um klaufdýr. miklu skemtilegra

Ljós til þín

steina

Steinunn Helga Sigurðardóttir, 18.6.2007 kl. 14:20