Jedúdda...

30.5.2007 | 14:40

...mía!!

Mig langar svo mikið til að föndra, prjóna, sauma, fara á leirlistanámskeið, vera kreatív. Reynar er ég töluvert kreatív. Ég er að prjóna tösku, held hún verði mjög flott. Kannski gef ég hana í jólagjöf. Hver veit. Set inn mynd þegar ég er búin með hana. Tvö góð sjónvarpskvöld og hún er ready. Verst (en samt ekki) hvað ég glápi sjaldan á imbann. Ef ég myndi glápa meira þá myndi ég prjóna meira, en ég myndi þá gera minna af einhverju öðru. Veit ekki hvað er best...eða hvað er verst Undecided

Ég er búin að *hitta* nokkra handavinnubloggara á netinu og hef gaman af því. Búin að panta jólagjöf handa ***** hjá einni þeirra. (Jamm, jólagjafirnar í fullum sving hér...ekki er ráð nema í tíma sé tekið...og kannski tekst mér einhverntímann að hafa þær klárar í okt./nóv...það er planið og búið að vera það í nokkur ár...).

Nóg um það.

Verð að segja ykkur krúttlega sögu af Jóhannesi. Hann hefur lengi þrætt fyrir að vera Einarsson, hefur sagst vera Sigrúndóttir.

Um daginn fórum við mæðginin í Einarsbúð. Jóhannes var búinn að spyrja mig tvö síðustu skipti á undan; "Er þetta Einar?" um leið og hann hafði bent á Einar kaupmann. Jú, það passaði. En sem sagt þarna síðast þá vatt hann sér að Einari og sagði; "Pabbi minn heitir líka Einar." Honum var vel tekið, Einar kaupmaður tók í hendina á honum og sagði; "Já, einmitt. En hvað heitir þú?" "Jóhannes", sagði sá stutti. "Já, heitir þú þá Jóhannes Einarsson?", spurði Einar kaupmaður. "Nei, Jóhannes Sigrúnarson"!!

Krúttið. Það stóð *(h)eldri* kona hjá Einari kaupmanni og varð vitni að þessu og hún var gersamlega máttlaus í hnjánum af aðdáun.

Skildi drengurinn hafa erft hæfileika pabba síns að sjarma *(h)eldri* konur upp úr skónum?

Flokkur: Bloggar | Facebook

Athugasemdir

Já, settu endilega mynd af töskuni inn, altaf gaman að sjá hvað aðrir eru að dunda sér. Gleymdi að taka mynd af ungbarnasettinu, sem ég var að prjóna. Er búin að skila því af mér.