Sjúkrabíll og læti

Jóhannes fékk hitakrampa í dag.  Honum var kalt og við fórum inn í rúm að kúra og hlýja honum, og allt í einu fann ég að hann krampaði.  Oooohhh, ég var að vona að ég myndi aldrei upplifa þetta aftur.

Ég fór fram og Tinna hringdi í 112 og Kim hjálpaði mér að taka hann úr fötunum og svo fór ég með hann út í hurð til að kæla hann.

Mikið svakalega finnst mér óþægilegt að upplifa þetta.  Hann er gjörsamlega án meðvitundar meðan hann er í krampanum, verður stífur, blár um munninn og augun galopin...

Ég mældi hann, 39,9° og ég gaf honum stíl. 

Þegar sjúkrabíllinn kom var hann kominn úr krampanum og var bara alveg búinn að vera.  Hann sofnaði eiginlega strax.  

Svo var hann náttúrlega vakinn og fékk mædan blóðþrýsting, súrefnismettun og svo mældi ég hitann aftur.  Þá var hann 40°. 

Eftir að annar sjúkramaðurinn hafði haft samband við vagthafandi barnalækni urðum við sammála um að það væri ekki ástæða til að fara með hann á sjúkrahúsið, þar sem það yrði staðfest að þetta hafi verið hitakrampi og svo hefðum við verið send heim...og hefðum getað dúsað lengi eftir að komast heim...þar sem það er ennþá ástand á vegum úti!!

Jóhannes er orðinn ansi hress, eins og þessi mynd sýnir.

þökk sé panodil-stikkpillunni... 

Sjúkramennirnir skildu svo eftir eina túpu af stezolid sem hann getur fengið ef hann krampar aftur.  Við eigum heilan pakka heima en erum löngu hætt að taka það með þar sem það eru tæp 2½ ár síðan hann fékk hitakrampa síðast... 

Athugasemdir

[Guðný Anna Arnþórsdóttir, 24.2.2007 kl. 13:45]

Æ,æ, það er svo erfitt að upplifa þetta. Og enn verra, þegar maður er ekki heima hjá sér. Gott að þú ert heilbrigðismenntuð og veist hvað ber að gera. Vona að litli kallinn jafni sig fljótt og krampi ekki meira.  Nú eru bloggvinir okkar að hittast í Skrúðgarðinum á Akranesi, við verðum með á næsta fundi sem verður í apríl, þetta er bara upphitun!

[Jóhanna (IP-tala skráð) 24.2.2007 kl. 14:44]

Ææ, ég get ekki ímyndað mér hvað þetta hlýtur að vera erfitt. Gott að þú veist samt hvað á að gera. Vona að hann fari nú að hressast - eflaust er hann þegar farin að skoppast brosandi um.

[jóna björg (IP-tala skráð) 24.2.2007 kl. 16:08]

úff þetta er ferlegt, en gott að allt hafi farið vel. Vona ég aldrei þurfi að upplifa svona og að þetta sé í síðasta sinn sem þú gerir það.

[Guðríður Hrefna Haraldsdóttir, 24.2.2007 kl. 17:38]

Knúsaðu elsku Jóhannes frá mér!!! Agalegt að heyra.

Við hittumst nokkur í kaffihúsinu áðan og ég meira að segja bauð þínum heittelskaða eiginmanni að koma en hann komst ekki, þessi elska. Vonandi mætir þú í apríl á aðalbloggarafundinn!  

[ég sjálf (IP-tala skráð) 24.2.2007 kl. 20:34]

takk elskurnar

[Guðmundur Bjarni Sigurðsson (IP-tala skráð) 24.2.2007 kl. 20:50]

Greyið kallinn.  Það er allataf svo gaman að sjá hvað Jóhannes brosir fallega, hefur engu gleymt.

Ég hlakka til að hitta ykkur öll aftur við tækifæri, vonandi fyrr en síðar.

Þú mátt alveg maila á mig símanúmerum hjá ykkur. [e-mail] 

[ragnhildur frænka (IP-tala skráð) 25.2.2007 kl. 08:09]

æjjjj jeminn litli frændi!!  Hann hefur verið fljótur að hrista þetta af sér en get ímyndað mér að hafi verið óhugnalegt fyrir þig að upplifa þetta.  Vona það gangi vel hjá ykkur með framhaldið.  *knús&kram*

[Gerða Kristjáns, 25.2.2007 kl. 10:57]

æjjj greyið guttinn, gott að hann er að braggast

[SigrúnSveitó, 25.2.2007 kl. 15:18]

Hæ, já, þið fáið framhald fljótlega...

Gummi, ég maila á þig.