Verklegar framkvæmdir...

Þessir menn eru að setja upp hindranir fyrir bíla svo að þeir leggi ekki upp á gangstétt fyrir utan írskan sportbar.

Þeir eru að ganga frá eftir daginn.

Hvað ætli það taki þá langan tíma að átta sig á þessu???

Ég fékk þetta í tölvupósti...

...haldiði að þetta sé satt???  Eða bara sjúkur djóker????

Guðmundur Rúnar Guðmundsson, rannsóknarlögreglumaður
Ástæða þessa erindis míns kemur ekki til af góðu en ég tel rétt að allir fái að vita af þessu og hafi til hliðsjónar.

Ég fór í fíkniefnaleit með hundinn minn í ónefndan verslunarkjarna og eðli málsins samkvæmt beindist sú leit mikið til að almenningssalernum sem þar eru. Það sem vakti athygli mína var það að hundurinn minn sýndi 3 klósettrúlluhöldurum áhuga og var klósettpappír inni í þeim öllum.  Ég benti öryggisverðinum sem fylgdi mér á þetta og sagði hann mér að það hafi komið þó nokkrum sinnum að starfsmenn sem vinna við þrif hafi fundið notaðar sprautur og nálar á klósettunum eftir fíkniefnaneytendur og þá hafi einnig komið fyrir að áðurnefndir fíkniefnaneytendur hafi, eftir að hafa sprautað sig, stungið nálunum upp í gegn um klósettrúllurnar til að hreinsa þær og þannig skilið eftir örlitla blóðbletti í ónotuðum pappírnum.   Þetta vakti með mér óhug og spurningar og mér finnst rétt að þið vitið af þessu.
 

Hausinn minn og Jólaföndur

Fyrst smá um hausinn minn...  Ég er lukkuleg og alls ekki feit í dag Takk fyrir öll skilaboðin við færslu gærdagsins.  Og takk, Lilja .  

Í dag ætla ég að vera góð við sjálfa mig, tala fallega við mig og koma að öllu leiti fram við mig eins og ég kem fram við vinkonur mínar, og fólkið í kringum mig.  Ekki lemja mig í hausinn þó einhverjar ójöfnur séu þar og hér...kommon, ég er 37 ára og á að baki ýmislegt, þar á meðan þrjár meðgöngur!!!

Og ekki orð um það meir!!! 

--- 

Fór í jólaföndur á leikskólanum, við rétt skruppum og svo heim aftur að því loknu, ég og Jóhannes.  Mér finnst skrítið hvað foreldrar eru ekki eins velkomnir hérna á leikskólanum eins og þar sem við vorum úti í Danmörku.  Veit ég hef sagt þetta áður.  Mér finnst bara eins og það eigi að sjást sem minnst af okkur foreldrum, en þó eru þær sem passa Jóhannes farnar að venjast því að ég komi mikið inn og spjalli við þá sem fyrir verða.  Fer jafnvel inn í eldhús og næ mér í kaffibolla...  Ég fann í byrjun að þetta var ekki það sem þær voru vanar, en ég geri þá kröfu að þekkja fólkið sem er að passa drenginn minn á daginn.

Svo er ýmislegt svo ægilega mikilvægt í leikskólanum að það þykir sumum betra að hann sé þar heldur en heima.  Ég er á því að leikskólinn er ÞJÓNUSTA fyrir foreldra, ekki GEYMSLUSTAÐUR!!!  Þegar ég er í fríi þá er Jóhannes stundum í fríi eða þá stuttan dag á leikskólanum.  1-2 daga í viku er ég á dagvakt og þá er hann 8½ tíma á leikskólanum sem er of mikið að mínu mati, en ég er þakklát fyrir að það er bara þennan 1-2 daga í viku...!!!  

Ekki misskilja mig, leikskólinn er góður og gott starf sem þar fer fram.  Og Jóhannesi líður vel þar.  En okkur líður best með að hafa frjálsræði sem hentar okkur. Og þannig verður þetta. 

Ég verð að segja að ég sakna enn leikskólans í Danmörku (Úrsúla og Jóhanna...hvað segið þið??!!!)  Jóhannes sagði líka í gær, með tárin í augunum...ég vildi að við ættum ennþá heima í Danmörku, þá gæti ég farið í jólasveinafötunum í leikskólann!!!  Því þar máttu börnin vera eins klædd og þau langaði, og t.d. máluð í framan ef þau vildu.  Ég er hreinlega ekki viss um að Jón Ingvi hefði lifað íslenskan leikskóla af...

Nóg um það.

Það var GAMAN í jólaföndrinu, og við gerðum ýmislegt og hittum fólk til að spjalla við.  Fórum svo heim og ætlum að elda hakkebøf fyrir Einar og Ingvar í hádegismat!!!

Bless í bili... 

Var að koma heim úr ræktinni...

...og er alsæl með árangurinn.  Fór sko í vigtun og mælingu...  Ég byrjaði að æfa 20. sept. og því er vigtunar-og mælingardagur 20. hvers mánaðar.

Nema hvað.  Þetta eru niðurstöðurnar:

- 6,8 cm af rassi
- 3,9 cm af  mitti
- 6,0 cm af maga
- 2,8 cm af mjöðmum
- 6,4 cm af lærum (til samans, altså 3,2 af hvoru)
- 4,0 cm af handleggjum (til samans...)

- 1,9 kg og - 2,1% líkamsfita.

---

Ég var alveg að guggna á að fara í mælingu, því eins og mörg ykkar hafa eflaust vitneskju um, þá er ég töluvert brengluð þegar kemur að eigin bodyimage...finnst ég oft ÓGEÐSLEGA feit, jafnvel bara örfáum klukkustundum eftir að mér hefur þótt ég mjög fín.  

Eins og ein sagði - á öðru bloggi - "it´s all in your head"!!!  

Ég er samt miklu betri "in my head" þegar ég er svona sykurlaus og er þakklát fyrir að vera sykurlaus.  Því með sykri ég er stórlega klikkuð þegar kemur að þessu með líkamann...ég er þeim eiginleikum gædd að ég get fitnað um 15 kg af EINUM, LITLUM bita af súkkulaði...eða það segir hausinn...og spegillinn...!!!  

That´s me!!!

Best að hætta þessu bulli og fara fram og borða hollan og staðgóðan morgunverð!!!

Elska ykkur...og vona að fleiri kvitti í dag en í gær!!!  Endilega athugasemdir við mínum klikkaða haus...hahaha... ...það eru kannski fleiri þarna úti með svona haus??!!! (Ég veit að ég er ekki ein, það er svo bjútifúl, það er fólk sem skilur mig...svo er líka fullt af fólki sem skilur þetta ekki og ég segi bara lökkí þið!!!)

Kanilterta frá mömmu

Best að smella hér inn uppskriftinni að kaniltertunni sem Valdís fékk áðan:

 

Kanilterta frá mömmu

350 gr hveiti
350 gr sykur
350 gr smörlki - mjúkt
2 egg
1 ½ tsk kanill

 

4 botnar
20 mín 175°c 

Á milli:
2 p rjómi
súkkulaðispænir 

 

rjóminn þeyttur, súkkulaðispónum blandað saman við og sett á milli botnanna.

krem:
4 eggjarauður
60 gr flórsykur
50 gr smjörlíki
100 gr súkkulaði - dökkt

Eggjarauður og fljórsykur þeytt saman, smjör og súkkulaði brætt saman og hellt yfri eggjablönduna og þeytt.  Kremið er sett á efsta botninn og beint í frysti.

Tekið úr frysti 24 tímum áður en borið fram.

Þykir með eindæmum góð, og er bökuð hérna einu sinni á ári; fyrir afmæli prinsessunnar - að hennar ósk. 

Það er best að blogga!!

Ótrúlega bissý kona...hef varla tíma til að blogga...hvað þá að lesa blogg annara...og þó...kíki nú við hjá ykkur þó ég kvitti ekki alltaf.

Nema hvað.  Ég var  að vinna í gær, sko á kvöldvakt.  Fram að því var Rebecca hjá mér með krakkana sína.  Svo reyndar gistu þau hjá okkur í nótt og eru núna að tæma gáminn svo þau komist inn í íbúðina sína í dag.  

Við hjónin sofum enn í stofunni, en fáum að sofa í rúmi Ólafar Óskar í nótt...svefnsófinn er fínn...eina og eina nótt.  Ekki í margar nætur...og þá alls ekki fyrir tvo fullorðna...

Á morgun er ég að fara í valkyrjusaumaklúbb, ætla að taka með mér avókadó-kökuna góðu.  Reikna fastlega með að hún slái í gegn!!  Gerir það venjulega.

Geimfrúin kom í kaffi áðan og fékk þessa líka sætu kaniltertu með kaffinu og fór héðan alsæl.  Alltaf jafn yndislegt að hitta þig, elsku Valdís.  TAKK fyrir komuna og vonandi sjáumst við fljótt aftur. 

Það er enn einn skipulagsdagur kennara í dag, svo börnin eru heima.  Mér þætti svo gott ef dagvistin væri opin allan daginn þá daga sem skólinn lokar svona.  Dagvistin opnaði kl. 13 í dag, eins og alla daga.  Hvað eiga foreldrar að gera sem eru að vinna dagvinnu, og geta ekki tekið sér frí?  Ok þegar börnin eru orðin stór en hvað með börn t.d. í 1-3 bekk?  Ég get ekki skilið Jón Ingva eftir einan heima heilan dag.  Allt í lagi smá stund meðan ég skrepp út í búð, eða álíka, en ekki heilan dag. 
Kannski bjó ég of lengi í Danmörku...og finnst þetta þess vegna fráleit þjónusta...eða hvað? Ég trúi ekki að ég sé eina mamman sem hef þessa skoðun...!!  Ég er hins vegar svo lánsöm að vera í vaktavinnu og Einar líka í vaktavinnu svo þetta hefur ekki verið vandamál í vetur.  S.l. vetur var þetta vandamál þegar ég var í dagvinnu...og Einar í vaktavinnu þannig að hann var oft líka að vinna á daginn.  

Já, fussum svei!!!

Nenni ekki að pirra mig á þessu...finnst þetta bara furðulegt.  

Á morgun er ég væntanlega hluti af foreldraráði í Grundaskóla...og get kannski komið þessari skoðun minni á þessu á framfæri!!! 

Annars er ég að fara upp í hús á eftir að taka myndir...það er komin útidyrahurð í!!!  Oooohhh, spennandi...(hafiði heyrt mig segja það áður?!)

En núna...Ljós&kærleikur... 

Helgin og kannski eitthvað fleira...

Jæja, elskurnar.  Best að gefa skýrslu yfir helgina.

Við byrjuðum á að bruna á hótelið þarna á föstudaginn.  Þetta fínasta herbergi, mun stærra en það sem við vorum í að Hótel Sögu á síðustu árshátíð.  Bæði baðkar og sturta og nice.  Nema wc-ið var hengt aðeins og hátt upp...erfitt að ná jarðsambandi sem getur verið nauðsynlegt stundum...

Nema hvað, við fórum svo út og ætluðum á Ruby Thuesday og smakka hammara þar...en það var bið eftir borði og við nenntum ekki að bíða.  Er Ruby Thuesday eftirlíking af Hard Rock????  Svipaði til þess amk.

Við enduðum nú á American Style, enda klikka þeir ekki í hamborgaragerð!!  Við vorum svo lögst upp í rúm á hótelinu með osta og kex og mynd í imbanum kl. rúmlega 21...  Rólegheita kvöld.

Á laugardagsmorguninn mættum við í morgunmat og hittum þar eitthvað fólk sem Einar þekkir...  Svo var það rúmleiðangur.  Við fórum og versluðum rúm, sem á að koma n.k. mánudag!!! Það verður ÆÐI!!! Svo skoðuðum við gólfefni og innréttingar og versluðum smá...m.a. smá pakka handa börnunum.  

Svo fór Einar á fund og ég í förðun.  Ég fór til Guðrúnar vinkonu og það var jafn yndislegt og alltaf.  Svo gott að sitja í rólegheitum og spjalla yfir góðum kaffibolla.  

Nema hvað, svo var að sækja Einar...og svo komum við við á Nonnabita...orðin ansi svöng enda ekkert borðað síðan í morgunmatnum...bara drukkið kaffi!!  

Upp á Hótel, borða, skipta um föt og svo hittum við Benna (tengdapabba) og Jónu á barnum og fengum okkur dýrindis kaffibolla...en vélin var biluð svo við fengum ekki latte...

Árshátíðin var rosalega skemmtileg.  Frábær skemmtiatriði, bæði þau aðkeyptu og þau heimatilbúnu. Ólafía Hrönn var veislustjóri og var mjög góð. 

Maturinn var mjög góður, en bara alltof lítið af honum.  Það var kjöttvenna; lambakjöt og nautakjöt, smá bitar og svo ein, lítil karftafla og smá grænmeti.  Grínlaust þá hefði þetta ekki verið nóg ofan í Jóhannes...og hann er 4ra ára!!!  Og svo það sem við höfum aldrei upplifað fyrr...það var EKKI ábót!!!  Desertinn var álíka nískulegur...og svo voru bara smákrakkar að þjóna sem vissu ekkert greyin, svo ég sleppti því alveg að athuga hvort ég gæti fengið sykurlausann desert.  En það fékk ég í fyrra, þá kom þjónninn með dýrindis ávaxtasalat handa mér.  

Svo kom kaffið, og það mátti bara setja eina kaffikönnu og eina litla mjólkurkönnu á hvert borð...og það var ekki nóg kaffi handa öllum við borðið...og við þurftum að biðja 4 þjóna og bíða í góðan hálftíma áður en við fengum meira...  

Þannig að...fyrir utan magn af mat og gæði þjónustunnar var þetta FRÁBÆR árshátíð!!!

Grandbandið, hljómsveit hússins, spilaði fyrir dansi.  Söngkonan þar var bara æðisleg, rosa hress, fyndin og geggjuð söngkona.  Hún söng í Tinu Turner showinu og var m.a. á Neistaflugi í sumar ásamt Siggu Beinteins...man ekki hvað hún heitir...  En amk., við dönsuðum meira en nokkru sinni og ég þurfti ekki að nöldra og suða til að fá minn heittelskaða út á gólfið, neibb, hann naut sín líka á gólfinu.  

Svo fórum við upp á herbergi milli hálf 2 og 2...eða svoleiðis, og pöntuðum pizzu...því við vorum glorsoltin

---

Það var svo alveg yndislegt að koma heim í gær og fá knús og kossa frá ungunum.  Jóhannes ætlaði aldrei að sleppa mér, þessi litli mömmukarl. 
En það var búið að ganga mjög vel hjá þeim.  Alveg til fyrirmyndar, þessi börn

Og tengdó var sko búin að gera fleira en "bara" passa...hún var búin að gera fiskibollur handa okkur úr 3 kg af fiski!!!  Gott að eiga fisk í frystinum þegar hún kemur í heimsókn...!!  Og frábært að hún hafi gert þetta, krökkunum þykja fiskibollurnar hennar LANGbestar!!

En vitiði...núna ætla ég að hringja í Lilju sys og þakka henni fyrir afmælisgjöfina sem mér barst fyrir helgi!!!

Knús... 

Örstutt...

...stendst ekki þessa pressu frá Rænku frænku híhí...

Annars get ég sagt ykkur það að ég var með gesti í gær og fór svo á kvöldvakt, svo ég náði bara ekki að tjá mig hérna inni.

Svo var ég koma heim úr vinnunni núna...og er að fara að gera mig klára fyrir helgina!!  Við hjónakornin erum að fara í helgarferð til Reykjavíkur!!  Barnapían er á leiðinni...og ég á eftir að pakka árshátíðardressinu og einhverju fleiru!!  

Guðrún vinkona ætlar að farða mig á morgun...hlakka til.  Ég nota aldrei neitt nema maskara og smá blýant, svo ég verð óþekkjanleg svona eins og þegar við giftum okkur...mér dauðbrá þegar ég leit í spegil...bæði "nýtt" hár og "nýtt" andlit...hehe...

En sem sagt, ég er komin í bloggfrí fram á sunnudag.  Ekki sakna mín of mikið...

Við hjónakornin ætlum að njóta helgarinnar og hvors annars.  Og ég vona að minn heittelskaði nái að slappa vel af...honum veitir ekki af.

Nóg í bili.  Ást og friður... 

nenni ekki...

...að blogga. 

Er að spá í að drösla stól inn í herbergi og glápa á imbann og prjóna.  Nice.  Svo í nótt get ég kúrt nálægt mínum heittelskaða - á svefnsófanum - án þess að detta niður í Helv....gjánna!!!  

Svo held ég að ég sé farin að sjá fyrir endann á jólagjöfunum handa systkinabörnum...er amk. rúmlega hálfnuð!! Gaman að því.  Næstum því komin með allar jólagjafir sem eiga að fara austur!!  Magnað.  Svo er að fara að skella mér í að prenta út jólakortin. 

---

Annars hlakka ég mega mikið til helgarinnar...segi ykkur frá því síðar...

Bless í bili...ást... 

júbbí jey!!!

Rúmið er selt.  Setti rúmið okkar til sölu á barnalandinu í fyrrakvöld, og það seldist í dag!!  Svo nú verður farið og verslað annað rúm, að öllum líkindum samskonar dýna því við vorum mjög ánægð með hana, en í þetta skiptið HEIL dýna...því eins og ég hef áður sagt...ég hef sofið vel í rúminu þegar Einar hefur verið á næturvakt...en ekki eins vel þegar hann hefur verið í rúminu líka...því ég skríð alltaf yfir til hans...í svefni OG vöku og var þess vegna ansi oft hálf á minni dýnu og hálf á hans...eða með löppina vel skorðaða á milli...

En nú heyrir það sögunni til!!  Þangað til við kaupum nýtt rúm munum við sofa á svefnsófanum í stofunni!!  Herbergið okkar er mjög stórt núna, enda hálf tómt!  Ekkert sjónvarpsgláp eða neitt slíkt, nema bera stóla inn í herbergi.  

---

Benni og Jóna (tengdó) kíktu við áðan og vildi svo heppilega til að ég var með MIKINN mat í ofninum, svo við buðum þeim að borða með.  Þau voru ægilega hrifin af ostabollunum, þær slá eiginlega alltaf í gegn.  Svo prófið endilega. 

Ég er enn verkjalaus...kannski er þetta alls ekki mjólkurfitan sem er að gera mér lífið leitt?! Ég verð að analysera þetta betur...

Jæja, er að fara á fund ;) Knús&kossar...