13. desember

13.12.2006 | 18:13

Í dag fögnum við þeim áfanga að 8 ár eru liðin síðan elskulegur eiginmaður minn sagði skilið við Bakkus konung. Margt hefur gerst á þessum 8 árum sem liðin eru. Flest allt gott. Við höfum m.a. komist að því að lífið er ævintýr, sem mun enda vel ef við höldum áfram á sömu braut. Yndislegt. Hugsið ykkur bara hvað þetta er stórkostlegt.

einar sæti

Það var sem sagt gjöf til hans sem ég var að föndra í gærkvöldi. Skrapp-mynd. Ég er með eitthvert æði fyrir skrappi, finnst það hin mesta snilld og hlakka til að ljúka náminu svo ég geti setið í frístundum og dútlað mér við ýmislegt föndur án samviskubits yfir vanræktu námi og prófi sem brestur á fyrr en varir...

Ég var 3. og síðasta dag á BUGLinu í dag. Og dagurinn endaði á að mér var hrósað í hástert. Svo þægileg í umgengni og áhugasöm. Ekki amalegt. Svo deildarstjórinn sagði mér að hafa samband við sig þegar ég lík námi ef mig langi að vinna á BUGLinu þá muni pottþétt vera vinna handa mér.
Ég fer nú bara að fá smá trú á sjálfri mér og eigin ágætum í vinnu...svei mér þá...það er búið að bjóða mér vinnu á 13D, og BUGLinu, og á 32A brosa þær mikið sætt til mín og blikka mig og spyrja undurblíðum rómi hvort ég komi ekki til þeirra í vor...!!! Ekki slæmt að vera svona vel liðin. Ég verð næstum því vandræðaleg Blush yfir þessu öllu...

Flokkur: Bloggar | Breytt s.d. kl. 18:16 | Facebook

Athugasemdir

Til hamingju með bóndann & besta vininn! Alltaf aðdáunarvert þegar fólk tekur ákvörðun og ábyrgð á sínu lífi, hamingju sinni og þeirra sem standa manni næst.

Gott að heyra hvað gengur vel í vinnunni (og náminu) Skil vel að það sé slegist um að fá þig í vinnu ... svona hlý og gefandi manneskja eins og þú ert