Jæja...

...verð nú að skrifa smá!

Ég fór í vinnuna í fyrradag og það var svoooo gott að koma aftur. Yndislegt að komast í gang þó mér þyki nú alltaf erfitt að vakna kl. 6:eitthvað...!!

Eftir vinnu var ég nú orðið töluvert þreytt, en fór að hitta vinkonur mínar, hittingur sem var ákveðinn fyrir einhverju síðan. Það var ljúft. Eftir þann hitting skrapp í aðeins í saumó hjá frænku Einars, alltaf gaman í þeim klúbbi, mikið hlegið.

Svo fór ég tiltölulega snemma heim til tengdó að sofa. Og svaf eins og rotaður selur þar til klukkan hringdi kl 7!! 

Vinna í gær og svo heim, ég var þreytt!! Og heppna ég, minn heittelskaði var heima í morgun - hafði skipt við vinnufélaga svo hann fer á kvöldvaktina í staðinn - og því fékk ég að sofa út í morgun. Rankaði ekki við mér fyrr en um kl 9 þegar hann kom inn að ná sér í sokka!

Núna sit ég hér og er svona að spá hvað ég eigi að gera. Það væri líklega nokkuð skynsamlegt að bursta tennur, klæða mig og jafnvel fá mér morgunmat og kaffi...eða hvað finnst þér?!!!

Vitiði, ég ákvað að vera skynsöm og vinna bara 2 daga af 4 í þessari viku...ætlaði að vinna 3 af 4 en svo tók skynsemin völdin! Svo byrja ég bara á fullu í næstu viku enda rennur veikindafríið út á mánudag...

Núna er ég svööööööng! Held ég verrrrrrði að eta eitthvað. Njótið dagsins, yndislegur og blautur föstudagur framundan hér på Skagen!!
Og yndisleg helgi framundan, fáum góða gesti annað kvöld og svo þarf ég nú eiginlega að lesa smá heima...varðandi Calgary fjölskylduhjúkrun, sem á að fara að innleiða hjá okkur...spennó.

Smútzzzí...

"Flest bros kvikna út frá öðrum. Byrja þú!"

- úr bókinni "Bros"

Athugasemdir

[Hrönn Sigurðardóttir, 20.2.2009 kl. 10:24]

Calgary.....? tell me more tell me more

smjúts úr bleytunni hérna megin við göngin :)

[SigrúnSveitó, 20.2.2009 kl. 10:47]

Ég er sem sagt með pésa með "Samantekt á Calgary fjölskylduhjúkrunar mats- og meðferðarlíkaninu", sem byggir á bókinni; "Nurses and families: A Guide to Family Assessment and Intervention".

Og þér að segja er ég afar þakklát fyrir að þessi pési er á íslensku! Í náminu mínu var mest allt lesefni á dönsku, svo ég er engan veginn í æfingu að lesa á ensku...tekur mig MARGfalt lengri tíma...

En málið er sem sagt að það er búið að innleiða þessa fjölskylduhjúkrun á einni geðdeild og á að innleiða á hinum núna. Mjög spennandi verkefni og algert möst vil ég segja! Ég hef prófað að vera beggja vegna borð innan heilbrigðiskerfisins, bæði sem starfsmaður og sem aðstandandi og er klárlega fylgjandi því að "við" sinnum fjölskyldunni betur. Það skiptir svo miklu máli og það þarf ekki að taka langan tíma. T.d. er í þessum pésa verið að tala um 15 mín. viðtöl, sem er ekki langur tími en getur skipt sköpum fyrir aðstandendur. 

Svo í næstu viku fer ég í leshóp og svo í mars fer ég á eins dags kennsludag í þessu, svo held ég að allir fái handleiðslu í framhaldinu. 

MJÖG spennó :)

[Tína, 26.2.2009 kl. 16:56]

Knús á þig ljós. Gott að heyra að þú sért öll að koma til. Ég skammast mín nú svolítið fyrir að hafa EKKERT athugað með líðan þína eftir aðgerðina. En nú er ég víst búin að loka búðinni og svoleiðis þannig að nú fer að gefast færi á rúnt upp á Skaga fljótlega. Verðum endilega í bandi með kaffi hitting.

Knús inn í helgina þína krútta.

[Soffía (IP-tala skráð) 26.2.2009 kl. 20:28]

Takk fyrir að senda mér lykilorðið.  Þó ég sé bláókunnug þá rataði ég inn á bloggsíðu þína fyrir löngu og það er svo gaman að lesa skrifin þín því þú virkar svo jákvæð eitthvað og góð   Ekki skemma allar þessar góðu uppskriftir sem þú ert með á siðunni heldur.