Jæja

27.1.2009 | 14:45

Í gær henti ég 1700 krónum út um gluggann! Doktorinn sem við fórum til í gær, lét okkur hafa pensilín - eins og ég deildi með ykkur í gær - og Jón Ingvi var ekki að meika að taka það. Svo fórum við til Kára Knúts í morgun og hann sagði að það væri alger óþarfi að taka pensilínið...!!!

Ég hefði alveg verið til í að nota þennan pening í annað...en svona er þetta stundum :( Þýðir ekki að svekkja sig á því.

EN, Jón Ingvi fór sem sagt til K.K. kl. 11 í morgun og var þá sett á hann deyfikrem og plástur yfir og áttum við að koma aftur kl 12.40 - sem við gerðum. Þá var svæðið orðið þokkalega dofið og þá var farið í framkvæmdir! K.K. risti skurð á enni drengs, og það vall út drulla... Jón Ingvi kreisti á mér puttana og stóð sig eins og hetja. Honum þótti þetta VOOOOONT, en harkaði af sér - eins og sönnum nagla sæmir!

Svo var potast í þessu með einhverskonar töng og svo stungið sprautu (nálarlausri þó) inn og skolað með saltvatni. Að lokum var troðið inn í sárið *Jelonet* og svo umbúðir yfir. Sárinu á að halda opnu í einhverja daga og okkur stóð til boða að gera það sjálf...troða nýju Jelonet inn daglega...

Við þáðum með þökkum tilboð skiptistofunnar á SHA að mæta þangað daglega og láta gera þetta. Bæði vegna þess að ég veit af fenginni reynslu, að Jón Ingvi lætur sig hafa ýmislegt...bara ef það er einhver annar en við sem gerum það! Og hin ástæðan...ég get ekki gert þetta...alls ekki við son minn...og örugglega bara engann.

Við skulum hafa það á hreinu að ég verð ALDREI skurðstofuhjúkka, sárahjúkka eða slíkt...örugglega ekki heldur slysóhjúkka. Ég bara geeeet ekki... Ég reyndi að horfa og sjá, en þegar K.K. var með töng inni í enni drengsins þá var mér nóg um...

Neibb, það er gott að það er margt í boði innan hjúkrunar og ég er alsæl í geðinu Smile

Molinn:

"Never frown, even when you are sad, because you never know who is falling in love with your smile."

Flokkur: Bloggar | Facebook

Athugasemdir

úff.... það er liðið yfir mig....... *dettígólfiðkall*

Hrönn Sigurðardóttir, 27.1.2009 kl. 14:55

ó nei, vona að einhver heyri í þér og komi og bjargi þér, elskan mín!

SigrúnSveitó, 27.1.2009 kl. 14:59

Heppin varstu að borga þó ekki meira fyrir pensilínið, sumt af þessu kostar 3-4 þús. vona bara að sárið grói hjá guttanum sem fyrst, skil að þú viljir mæta á slysó með hann, þau eru oft svo þæg hjá ókunnugum. hvernig líður þér annars?

Ásdís Sigurðardóttir, 27.1.2009 kl. 15:45

hahahaha... svo fyndið hvað við erum ólíkar hjúkkur.. Aldrei gæfi ég mig út fyrir að vera geðhjúkka.. hef bara ekki nógu mikið empathy til þess. En gröft og blóð höndla ég vel og finnst sárameðferðarpælingar mjög skemmtilegar. Færi óskir um góðan bata til ykkar mæðgina og kærar kveðjur til annara heimilismanna. kkv. Salný

Salný (IP-tala skráð) 27.1.2009 kl. 16:01

Takk, Ásdís, mér líður ágætlega, bara þreytt.

Salný...ég höndla alveg blóð og gröft...en að vera að *krukka* í sárinu...úff...en já, það er sko gott að ekki allar hjúkkur eru eins, því þá væri ofmönnun í sumum geirum meðan það væri vanmönnun í öðrum ;)

SigrúnSveitó, 27.1.2009 kl. 18:29