Rétt í kringum... - sigrunsveito.blog.is

22.9.2008 | 22:14

Rétt í kringum kvöldmat...

...fékk ég skemmtilegt símtal. Anna Margrét hringdi og spurði mig hvort ég væri til í að koma út að labba eftir kvöldmat. Og ég var í það. Það var ótrúlega skemmtilegt og hressandi, fyrir líkama og sál. Yndislegur göngutúr, um misvel (eða misilla...) upplýstar götur Akranesbæjar. Gengum reyndar í óbyggðum líka þar sem ekkert var ljósið. En við komumst klakklaust úr óbyggðum og svo gengum við niður að sjónum.

Sjávarilmurinn! Vá, minnti mig á Seltjarnarnesið! Minnti mig á það þegar ég var lítil stúlka og heimsótti afa og ömmu á Seltjarnarnesið, þau bjuggu alveg við sjóinn. Við systur og frænkur lékum okkur í fjörunni. Afi fór með okkur út í Gróttu. Endalaus ævintýri. Við gátum verið tímunum saman niðri við sjóinn.

Alveg eins og okkar börn gátu verið tímunum saman niðri á Langasandi.

Við (ég og Anna) fengum veðurgusu í andlitið þegar við gengum niður Garðabrautina, rok í andlitið og lárétta rigningu! En það stóð stutt yfir.

Ein falleg vetrarmynd af Skaganum.

akranes-by-night%20screen .....Svo verð ég nú að segja ykkur frá því sem "gerðist" í nótt.

Ólöf Ósk kom og vakti mig, sagði að Jóhannes væri að gráta og kalla á mig að hann saknaði mín... Svo ég fór og sótti hann, hann hágrét og kom upp í til mín.

Svo í dag spurði ég hann hvort hann myndi eftir þessu. Hann hélt það nú.

Hann saknaði mín því ég var að fara til KÍNA!

Jamm, draumar geta verið ógnvekjandi!

Flokkur: Bloggar | Breytt s.d. kl. 22:20 | Facebook

Athugasemdir

Ég var einmitt á Skaganum í gær. En hún móðir mín liggur á sjúkrahúsinu þarna. Hefði sennilega slegið á þráðinn til þín ef ég hefði haft númerið . Reyndi þess í stað að hafa augun opin ef ske kynni að ég sæi þig einhversstaðar, en þar sem ég er sjónlaus á öðru og blind á hinu þá var nú ekki mikil von um árangur.