Einu sinni var...

...en það er ekki þannig lengur!

Ég var í smá hitting í kvöld með góðum hópi fólks og ég fann svo innilega fyrir þakklæti. Ég kynntist þessum ákveðna hópi fyrir bráðum 10 árum síðan og frá þeim tíma hefur svoooooo margt breyst. 

Fyrir 10 árum trúði ég statt og stöðugt að lífið væri EKKI dans á rósum. Vitiði hvað ég hef m.a. lært???

Nefninlega það að lífið ER dans á rósum, það erum bara við sem kunnum ekki alltaf að dansa á þeim!

Ég hef verið svo lánsöm að fá að læra að dansa á rósunum. Ég get verið hamingjusöm þó lífið gerist í kringum mig. Ég slepp ekkert við sorg eða áföll, frekar en aðrir. Hins vegar hef ég fundið leið til að lifa lífinu með ljós í hjartanu og ég get verið hamingjusöm þrátt fyrir allt. 

Einu sinni var ég lítil í hjartanu, hrædd, óhamingjusöm, heimsk, ljót stelpuskömm. Þannig var sjálfsmyndin mín. Í dag er ég glöð í hjartanu, ég er óhrædd, hamingjusöm, nokkuð bright bara og bara laglegasta kona! Og þvílíkur léttir sem það er og hvað lífið er fallegt.

--

Eruð þið búin að heyra um þennan væntanlega heimsendi??? Það var greinilega ekki rætt um margt annað í skólum Akraness í dag...amk voru börnin mín óttaslegin í kvöld. Eldri drengurinn okkar var reyndar meira en óttasleginn, hann hágrét af hræðslu. Elsku karlinn minn. Ég gat hughreyst hann, svo hann jafnaði sig og gat borðað kvöldmat. Litli kúturinn minn. 

Ég man eftir að mamma hefur sagt mér frá því að það átti að vera heimsendir þegar hún var unglingur, og unglingarnir sátu og biðu, skjálfandi hræddir. Ég sagði stráksanum mínum frá þessu, og við ræddum þetta. Sagði honum að enginn vissi hvað ætti eftir að gerast, en eitt væri víst, við myndum öll lifa áfram hjá Guði. Hann er mjög trúaður og finnur styrk í trúnni sinni, sem er yndislegt. Svo þetta er allt hið besta mál. Er á meðan er!

--

Athugasemdir

[Steinunn Helga Sigurðardóttir, 10.9.2008 kl. 04:25]

kæra sigrún, yndisleg færsla svo einlæg og ljúf.

Kærleikur og ljós til þín og þinna.

steina

[Hrönn Sigurðardóttir, 10.9.2008 kl. 10:14]

"Í dag er ég glöð í hjartanu, ég er óhrædd, hamingjusöm, nokkuð bright bara og bara laglegasta kona!" Sammála þér!

[Ingvar Ari Arason, 10.9.2008 kl. 22:15]

Þú ert sannur vitnisburður um að það er hægt að breytast.

Æðislegt guðsbarn 

 þinn vinur ingvar ari

[JEG, 11.9.2008 kl. 22:34]

Kærleiksknús úr sveitinni til þín mín kæra.

[Dísa Dóra, 12.9.2008 kl. 21:24]

Ég heillaðist reyndar af þessum málshætti eins og svíarnir hafa hann og finnst hann einmitt svo réttur og sannur þannig.  Þeir segja: Lífið er dans á rósum.  Stundum á blöðunum og stundum á þyrnunum.