allt of seint...

alló!!!

Ég fór alltof seint að sofa í gær.  Það er ekki nóg fyrir mig að fara að sofa rúmlega miðnætti þegar ég þarf að vakna helst 5.50...eeeennn í gær var næstsíðasti þátturinn af Ørnen á DR1 (endursýndur...sáum hann ekki á sunnudaginn þar sem Einar var að leggja sig fyrir næturvakt) og Ørnen er það eina í sjónavarpinu sem við missum ekki af!!!   Svo þið getið bara rétt ímyndað ykkur hvað var erfitt að opna augun í morgun...samt lét ég klukkuna ekki hringja fyrr en 6.10...!!!  En náði þessu öllu samt.

Ég er með smá móral yfir að vera ekki að lesa í kvöld...en ég veit að það þýðir ekkert að vera með móral.  Engin ástæða til þess.  Ég er sko að gera mjög skynsamlega hluti (er í pásu til að skrifa þetta!!), því ég er að búa til jólagjafir!!!  Ég kannski birti myndir af myndaskapnum...en þá ekki fyrr en milli jóla- og nýárs í fyrsta lagi svo fólk sem á að fá gjafirnar og skoðar heimasíðuna sjái ekki dýrðina!!!  Ég get bara sagt það að mér finnst ég mjög dugleg...og klár!!!  

Annars er ekki neitt að frétta annað en Ólöf Ósk varð fyrir vonbrigðum annan morguninn í röð.  Í gærmorgun var einhver skemmdarvargur búinn að rústa snjóhúsinu/göngunum hennar og snjókarlinum!!  Leiðinlegt.  Og í nótt hafði rigningin eyðilagt göngin sem hún hamaðist við að búa til í gær En svona er lífið og hún tók gleði sína á ný.  Hún er mega spennt yfir jólagjöfinni sinni, hún og Cille liggja á msn og skipuleggja vikuna, að ég held...það verður frábært hjá þeim.  

Jæja, ætla að halda áfram að myndarskapast... 

 

Athugasemdir

[Gurrí (IP-tala skráð) 24.11.2006 kl. 17:56]

Þetta hryllilega Seint Að Sofa-heilkenni hrjáir mig og ég bæti mér það upp með því að sofa til hádegis (eða svona 11) á laugardögum og c.a. 10 á sunnudögum. Ef ég verð syfjuð um miðjan dag þá bara legg ég mig. Þetta get ég svo sem af því að ég bý ein ... Veit ekki hvað Einar og börnin myndu segja með steinsofandi mömmu alltaf hreint.

[SigrúnSveitó, 24.11.2006 kl. 18:34]

hehe...nei, ég veit ekki hvað þau myndu segja við því...sennilega yrði ekki eintóm hamingja...svo myndi ég líka vera með mega samviskubit yfir að nota þá ekki tímann til að læra frekar...ooohhh, það verður gott að klára blessað námið...