Afmæli í dag

Ég á afmæli í dag, ekki "bellybutton-afmæli" eins og einhver kallaði það, heldur eru í dag 8 ár síðan "My new life began".  Skilji þeir sem skilja vilja.

 

Það var sem sagt 18. nóvember 1998 sem ég steig fyrsta skrefið í þá átt sem ég er ennþá að ganga.  Ýmislegt hefur gerst síðan, og flest gott.  Ég hef eignast líf sem ég elska, ég er (flesta daga) sú sem mig hefur alltaf langað að vera, ég hef eignast fleiri vini en ég áður trúði að væri mögulegt, ég er gift besta vini mínum og svona get ég endalaust haldið áfram.  

Sumir, sem ekki geta eða ekki vilja skilja þessa lífsspeki sem ég reyni að lifa eftir, hafa stundum spurt mig hvort ekki sé að verða komið nóg, hvenær ég ætli að "ná þessu" og jafnvel verið ýjað að því að ég hljóti að vera treg...lengi að fatta...   Það er allt í lagi.

Ég hef líka verið svo heppin á þessum árum að ég hef fengið hjálp og ég hef fengið að hjálpa öðrum.  Það er ein sú stærsta gjöf sem ég hef fengið, nefninlega að geta hjálpað öðrum - án þess að ætlast til neins. 

Elsku þið öll, sem hafið fylgst mér þessi ár, ástarþakkir fyrir allt.  Án ykkar væri ég ekki þar sem ég er í dag.  Ég elska ykkur. 

 

Athugasemdir

[Jóna (IP-tala skráð) 18.11.2006 kl. 19:09]

Glæsilegt! til hamingju með daginn. Og stórt  knús og takk á móti, án þín hefði ég sjálfsagt ekki þorað.

[SigrúnSveitó, 18.11.2006 kl. 19:10]

Darling, þinn vinskapur er sannarlega ein af stærstu gjöfunum sem ég hef fengið gegnum þessa göngu. 

[Jóna (IP-tala skráð) 18.11.2006 kl. 19:19]

Og annað mjög mikilvægt við þennan dag er að Al-Anon samtökin voru stofnuð á Íslandi þennan dag árið 1972, svo þetta er merkisdagur.

ást til þín Jóna 

[Hemmi Alki (IP-tala skráð) 18.11.2006 kl. 20:32]

ynnilega til hamingju með daginn elsku Sigrún mín, og takk fyrir mig sömuleiðis til ykkar beggja, það hefur verið sönn ánægja að fá að taka þátt á tímabilum, hafið það kósí í kvöld, ég og Birna erum að fara í afmæli, ég veit það er gott að borða þar, gerði nefnilega hluta af því sjálfur, gott að vera læknaður af ofátinu;-) see ya

[SigrúnSveitó, 19.11.2006 kl. 00:47]

Ég veit, það var einmitt afmælisfundur sem var minn fyrsti

Takk Hemmi.  Við fórum að tónleika með Jónasi í Þorlákshafnarkirkju.  Yndislegt kvöld.

[ragnhildur (IP-tala skráð) 19.11.2006 kl. 10:17]

Innilega til hamingju Sigrún mín ... gaman að sjá & fylgjast með hvað þú blómstrar :))))

[SigrúnSveitó, 19.11.2006 kl. 11:55]

Takk