Prófskrekkur og fleira!

Jæja, trúi varla að svo margir dagar hafi liðið síðan ég bloggaði síðast! Líkist mér varla...og þó...!

Fékk smá tremma um daginn...fór skyndilega ár aftur í tímann og var að skila ritgerðinni minni...úff...fyrir ári átti ég eftir eitt stykki munnlegt próf...

Það góða við munnleg próf er að þau eru ekki bráðdrepandi...og niðurstaðan kemur strax. Hins vegar eru þau mjög taugatrekkjandi fyrir mig, og ég - satt best að segja - skil ekki hvernig ég fór að því að ná öllum prófunum.  Í öllu náminu mínu þá voru bara tvö skrifleg próf, slatti af verkefnum og svo böns af munnlegum prófum...sem oftast byrjuðu með 2ja daga verklegu prófi...og ég var oftar en ekki með drullu í einhverja daga og "króníska" ógleði...

Lilja sys. er að byrja í mastersnámi, Erla sys. er í viðbótarnámi...og vitiði...ég bara fæ tremma við tilhugsunina...En hver veit, kannski fæ ég löngun til að opna skólabók aftur einhverntímann...

--

Nú er sumardagskráin komin á fullt hjá ungunum.  Jón Ingvi er kominn í golfið á fúll spítt.  Æfingar í hópnum hans 2x í viku og svo eru opnar æfingar 2x í viku.  Svo hann getur æft 4x í viku í sumar, og svo er fyrsta mótið á morgun.  Hann er mjög áhugasamur og ég vona innilega að það haldist.  Algert möst að hafa þessa unga í einhverjum íþróttum!

Jóhannes ætlar að demba sér á 8 daga sundnámskeið í næstu viku! Var ekki mjög spenntur fyrst...þó elskar hann sund.  En hann veit ekki alveg hvað þetta gengur út á, svo hann var eitthvað efins...núna er hann mjög spenntur...vona ég ;)

Ólöf Ósk er að fara að keppa í sundi um helgina, síðasta mótið í bili...held ég.  Og ég get ekkert séða hana synda þar sem ég er að vinna.  En bara síðar...

Mútta tútta komin aftur í Hveragerði og væntanleg til okkar eftir rúma viku! Ég hlakka helling til. Ætla reyndar að heilsa upp á hana um helgina...ætla að bregða mér í fertugsafmæli hjá vinkonu minni rétt utan við Selfoss...

--

En núna er mál til komið að demba tveimur drengjum í rúmin sín!  

Athugasemdir

[Ásdís Sigurðardóttir, 5.6.2008 kl. 21:42]

Vitlaust að gera hjá minni bara.  Vona að það verði friður hjá mömmu þinni í Hveragerð og þá hjá mér líka  

[JEG, 5.6.2008 kl. 22:06]

Úfff ég hélt að sumarið væri tíminn sem maður notaði til að slaka á í vinnu og námi. Hér bíðum við þess að sauðburður klárist en það eru nokkrar skjátur eftir og svo jú slatti inni sem á eftir að marka og svona nú svo er að verða óhætt að opna uppá fjall og þá er þetta komið. Svo verður pása í ca 1/2 mánuð og þá byrjar heyskapur.

Hér er sumarið rólegasti tíminn ja eða næstum sko veturinn er líka rólegur en það er jú 2x á dag sem þarf að gefa en það þarf jú að sinna slætti ef viðrar á sumrin þannig að sumarið er notalegra.

Knús úr sveitini sem sjaldan sefur.