Laugardagur

3.5.2008 | 19:05

Í gær var ég eitthvað að hugsa um hvar ég var fyrir ári síðan...og hvað ég var að gera. Fékk smá hroll...þá var rúmur mánuður eftir fram að skiladegi á lokaverkefninu...mikil vinna og nett martröð sumar nætur... Mikið er ég fegin að því lauk farsællega Smile

Í dag er ég búin að vera að pakka. Fór með slatta af kössum upp í hús, með þessu áframhaldi verða bara stóru hlutirnir eftir á laugardaginn!!! Sem er bara gott mál. Ég set alla kassana inn í þann hluta sem við ætlum ekki að flytja í strax svo þá er bara hægt að sækja kassana einn í einu (eða tvo eða þrjá...) og gera þetta í rólegheitunum Wink

Jóhannes fékk leikfélaga af leikskólanum í heimsókn í dag og áttu þeir góðan dag. Léku sér vel og lengi og báðir ósáttir þegar yfir lauk...vildu leika lengur þó þeir væru búnir að leika síðan um hádegi og það væri komið fram á kvöld!! Svo þeir eiga væntanlega eftir að leika saman aftur.

Núna eru þeir bræður að spila Ólsen Ólsen...og Jóhannes með grátstafinn í kverkunum yfir að Jón Ingvi var að vinna hann...þeir eru svo yndislega tapsárir, þessir ormar LoL