Veður...eða óveður

Vá, það er búið að vera þokkalega geðveikt veður hér í nótt.  Við meira að segja vöknuðum við það og þá er sko mikið sagt!!!  Því venjulega geta bæði himinn og jörð farist á þess að við rumskum

Það var sko suð-vestan og á Akranesi er EKKI blíða í suð-vestan eins og er á Norðfirði í þessari sömu átt.  Þá stendur sko beint af hinu stóra Atlandshafi og beint á húsið okkar og beint á opnanlega gluggann í stofunni og þessu veðri heldur hann ekki...enda fúinn og lúinn eftir suð-vestan-veður fortíðarinnar.  Svo það var pollur í glugganum í morgun, en sem betur fer ekki á gólfinu.  

Skrítið að þrátt fyrir að fólk allt í kring sé endalaust að tala um hvað sé leiðinlegt veður daginn út og daginn inn, að þá er þetta fyrsta alvöru leiðinlega veðrið síðan við fluttum og það eru alveg að verða komnir 4 mánuðir síðan!!!

Vá, 4 mánuðir!!!  Það er töluvert langt, finnst mér.  Amk var langt í mars að hugsa að það væru 4 mánuðir í flutning.  En svo flaug tíminn af stað...og gerir enn.  

Ég fæ svona söknunarköst annað slagið.  Sakna allra vinanna minna í Danmörku    Ég gleðst yfir að ég fæ 4-5 vikur í Danmörku í feb-mars  

---o---

Spakmæli dagsins:

Hamingjan er ekki að fá það sem þú vilt, heldur að vilja það sem þú hefur.

---o---

Ég man þá daga þegar ég hugsaði svo oft; "afhverju ekki".  Afhverju hafði ég ekki eitthvað annað en það sem ég hafði, afhverju var ég á Íslandi en ekki Danmörku, afhverju var ég í Danmörku en ekki á Íslandi, afhverju átti ég svona glataðan kærasta, afhverju...

Lagið hans Jónasar vinar míns höfðaði til mín á þeim tíma;

"Ég er rangur maður, á röngum tíma, í vitlausu húsi" og "Afhverju er lífið svona ömurlegt, ætli það sé skárra..." og "Afhverju fæddist ég lúser..."!!!

Spáiði í þetta!!  Ég var viss um að Einar og allir aðrir í kringum mig ættu að gera mig hamingjusama og ég var svo óhamingjusöm.  Og það var sko öðrum að kenna og utanaðliggjandi aðstæðum!!!  

Sjálfsvorkun var einkennisorð mitt!!  Ef það var kíkt í orðabók á þeim tíma þá var mynd af mér sem skýring við orðið "sjálfsvorkun"!!

En svo var ég svo heppin að finna lausn á þessu vandamáli mínu.  Og í stað þess að bíða eftir að einhver færi mér hamingjuna þá fann ég sannleikann, nefninlega að það er aðeins í mínu valdi að gera mig hamingjusama.  Því ef ég er í fokki í hausnum þá skiptir sko engu máli hvort Einar er fullkominn eða ófullkominn, því ég mun vera óánægð með hann.  Og öfugt ef ég er í góðu andlegu formi.  Ef ég er í góðu formi þá er ég hamingjusöm, no matter what.  

Fyrir mig get ég sagt; Eymd er Valkostur.

Athugasemdir

[Valdís (IP-tala skráð) 5.11.2006 kl. 12:42]

Eymdin er einmitt valkostur en ekki fyrr en maður hefur fengið verkfærin í hendurnar. Annars velur maður alltaf eymdina án þess að hafa hugmynd um af hverju!

[SigrúnSveitó, 5.11.2006 kl. 12:59]

einmitt.  Ég hafði ekki val hérna áður fyrr, en núna hef ég það.  Og guði sé lof fyrir það.

[Gurrí (IP-tala skráð) 5.11.2006 kl. 13:52]

Já, það var sko aldeilis fjör að vera hérna fyrir opnu Atlantshafinu. Oft hefur lekið meira inn til mín ... en nú er bara mikil selta sem ég er óðum að þrífa af. Öldurnar hjá vitanum (kíktu til hægri framhjá höfninni) er GEGGJAÐAR og auðvitað líka þær við Langasandinn okkar. Það verður sérlega gaman skömmu fyrir myrkur því að þá verður farið að flæða svolítið að.

[Ólöf Ósk (IP-tala skráð) 5.11.2006 kl. 20:45]

já mamma það var aldilis mikið rok og rigning i nótt.

En þeð hefur nú líka  oft í Danmark

þín dóttir Ólöf Ósk