:(

Ég held að fólk sé búið að missa áhugann á mér og mínu bloggi sjaldan eða aldrei hafa færri komið í heimsókn á síðuna mína en einmitt í dag, og svo eru margir dagar síðan einhver hefur haft fyrir því að koma með athugasemd svo nú er ég komin í mikla sjálfsvorkun og held að allir séu hættir að elska mig  

Eða þannig.  Nenni ekki að detta í það (fyrir þá sem ekki vita það þá er einmitt sjálfsvorkun mitt "fyllerí"...).  

---o---

Rakst á þetta gullkorn þegar ég kom heim;

Ég elska þig ekki bara vegna þess hvernig þú ert, heldur líka fyrir það hvernig ég verð sjálf í návist þinni. 

Svo skemmtilega vill til að þetta gullkorn sendi Lilja systir mér einmitt á 25 ára afmælinu mínu.  Sennilega er það einmitt þess vegna sem mér hefur alltaf þótt vænt um þetta gullkorn.

---o---

Pabbi kíkti í kaffi á deildina í dag og hitti Haddó, þið vitið, þessi sem er deildarstjóri og þekkti mömmu og pabba í kringum 1968!!!  Ægilega gaman hjá þeim að hittast aftur eftir öll þessi ár.  Pabbi og Tóti, fyrrverandi maður Haddó voru miklir vinir á sínum tíma.  Haddó hlær endalaust að því þegar þeir, pabbi og Tóti, bönkuðu upp á heima hjá henni.  Hún var þá 15 ára og bjó auðvitað í foreldrahúsum og mamma hennar trompaðist yfir þessum gömlu körlum sem voru að spyrja eftir litlu stelpunni hennar!!  Þeir voru þá ca 17-18 ára, frakkaklæddir og kallalegir, að sögn Haddó.  Gaman að því.  

Svo var síðasti dagurinn minn á deildinni í dag.  Skrítin tilfinning að labba þarna út í síðasta sinn.  En hver veit hvað framtíðin ber í skauti sér...   Amk er það geðið í næstu viku, spennandi að kynnast því líka.

Athugasemdir

[Peta (IP-tala skráð) 3.11.2006 kl. 19:51]

Elsku besta dúllan mín...

Ekki örvænta það er fullt, fullt af fólki sem elskar þig   ég er nú alltaf inná síðunni þinni en að commenta er því miður ekki mín sterka hlið...

Allavega þá langaði mig að segja þér að ég er allavega ein af þeim sem elskar þig þú ert FRÁBÆR...

Kv. Peta 

[Valdís (IP-tala skráð) 3.11.2006 kl. 20:28]

Kvitt frá mér. Hef litla orku í að kvitta eða blogga ...

[SigrúnSveitó, 3.11.2006 kl. 21:26]

Takk elskurnar Ég vissi að það væri einhver þarna úti...

[SigrúnSveitó, 4.11.2006 kl. 15:36]

Takk Ísak.  Gaman að heyra frá þér.  Þú ert velkominn á Skagann hvenær sem er.  Alltaf kaffi á könnunni

[Johanna (IP-tala skráð) 6.11.2006 kl. 17:57]

Eg er sko ordin algjor addaandi en thu ert svo dugleg ad skrifa ad eg tek thig svona i skorpum;) Annars alveg otrulega fallegt gullkorn, mun stela thvi vid gott tækifæri.