13. október

Í dag minnist ég Jóhanns Karls Birgissonar, sem lést 13. október 1989.  Ég hugsa alltaf til hans á þessum degi.  Jóhann Karl var bekkjarbróðir Lilju systir, og vinur hennar.  Ég sjálf kynntist Jóhanni mest sama ár og hann dó.  Ég ætla ekki að fara að skrifa neina minningargrein hér, en langaði bara til að minnast hans með þremur kertum.

---o---

Einu sinni sem oftar sit ég hér, á netinu, þegar ég ætti að vera að læra.  Er reyndar að fara á fund, reyndar 2 á eftir, og kem mér ekki í gang með lestur...enda bara tæpur hálftími þar til ég þarf að fara...

Jóhannes var þreyttur í morgun.   Það er greinilegt að hann þarf að fá að sofa annað slagið...  Þegar ég er að vinna þá vek ég hann 6.15, hann fer reyndar að sofa milli sjö og hálfátta á kvöldin.  Í morgun ákvað ég að leyfa honum að sofa þar sem ekkert lá á.  Hann svaf til kl 9!!  Og var útsofinn og endurnærður þegar hann vaknaði.  Gott að hann fékk að sofa, því um helgar fær hann ekki að sofa þar sem Jón Ingvi vekur hann yfirleitt.  Jón Ingvi er nefninlega morgunhani, sem Jóhannes er ekki, og Jón Ingvi vaknar iðulega mjög snemma (að mínu mati, ekki hans) og byrjar þá iðulega daginn á því að liggja og syngja inni í rúmi!  Er hann ekki bara yndislegur?!  Hugsið ykkur, að vakna syngjandi!  Yndislegt.  En það hins vegar gerir það að Jóhannes vaknar iðulega þótt hann sé ekki endilega búinn að sofa nóg.  

---o---

Ég man ekki ennþá þetta merkilega sem ég ætlaði að segja ykkur í fyrradag og er sjálf farin að halda að það hafi bara ekki verið neitt sérlega merkilegt...

 

---o---

Talið er að rekja megi ótta við töluna þrettán til þess að þrettán menn voru viðstaddir síðustu kvöldmáltíð Jesú. Þá telja sumir fræðimenn hann einnig tengjast því að í dagatali gyðinga og Kínverja eru ekki hlaupár heldur þrettán mánuðir í einstaka árum.

Þá er hugsanlegt að rekja megi þrettándaóttann til ásatrúar en samkvæmt henni bauð Óðinn ellefu vinum sínum til veislu í valhöll. Loki mætti hins vegar óboðinn til veislunnar (sem þrettándi maður) og leiddi það til átaka á milli hans og Baldurs sem síðar leiddu til dauða Baldurs.

Þetta kemur fram á mbl.is í dag.  Gaman að lesa þetta þar sem þetta með 13. og þá sérstaklega föstudaginn 13. er alltaf umræðuefni annað slagið.  

Þetta tengist hjátrú, myndi ég halda.  Ég hef ekki neinn ótta eða yfirleitt skoðun á 13. en hins vegar hef ég gert hluti gegnum ævina út frá hjátrú.  Eins og t.d. það að mig dreymdi nöfnin á bæði Ólöfu Ósk og Jón Ingva og þess vegna kom aldrei til greina annað en að skíra þau þessum nöfnum.  Eflaust hef ég gert fleiri hluti út frá hjátrú, enda íslendingur og hjátrúarfull

---o---

Skyldi fólk hafa tekið sér frí til að fara í Ikea í gær?  Mig langar að sjá nýja Ikea, en mér liggur ekkert á.  Þarf reyndar að fara þangað fyrr en síðar til að verla gardínu í annan eldhúsgluggann.  En það er ekki glæta að ég hefði lagt það á mig að fara í gær...úff...það hlýtur að hafa verið troðið út úr dyrum...

---o---

Jæja, farin á fund...verð bara að lesa á eftir...knús... 

Athugasemdir

[Elín Eir Jóhannesdóttir (IP-tala skráð) 13.10.2006 kl. 11:55]

Hæ honý pæ
Láttu mig vita þegar þú ferð í Ikea, gaman væri að hittast þar...það er líka mjög skemtileg pössun fyrir krakkana skilst mér og ekki lendur 6 ára aldurstakmark eða hvað það var !! ahhhaaa, sé fyrir mér okkur rölta þar um og fá okkur kaffisopa og huggulegt :) (með fulla kerru í eftirdraga hehe)
knús frá mér og góða helgi (við erum að fara í tvær veislur, afi brynjars hefði orðið 100 ára um helgina og svo skírn, svo ekkert verður úr því að ég fari í göngin þessa helgina ;/

[SigrúnSveitó, 13.10.2006 kl. 12:05]

:( leiðinlegt, hefði verið gaman að sjá þig.

Já, ég læt vita þegar ég ætla í Ikea, en ég fer mjög líklega ekki með börnin, þeim finnst skemmtilegra að fá að vera heima í rólegheitum. En ég er sko til í kaffibolla og huggulegheit með þér.

Knús...

[Elín Eir Jóhannesdóttir (IP-tala skráð) 13.10.2006 kl. 14:16]

ókí...
ég hélt samt að öllum börnum þætti svona ævintýralands pössun, boltaland ofl.svo skemtilegt, að ég tali nú ekki um að fá að sjá sjaldséð frændsystkin í leiðinni...
En það er auðvitað þægilegra fyrir okkur að vera laus við grísina í svona ferð :)

[SigrúnSveitó, 13.10.2006 kl. 14:20]

Þau langar pottþétt að hitta frændsystkinin, en bara helst heima hjá einhverjum ;) verð í bandi við þig fljótlega, kannski fær Ólöf Ósk að heimsækja Hörpu 4. nóv ef þið eruð heima...hringi þegar nær dregur...knús...