Dans og söngvamynd...

Við hjónin ákváðum að leigja okkur mynd í gærkvöldi.  Það gerist ekki oft, en einstaka sinnum langar okkur að letipúkast uppi í bæli og góna á einhverja vitleysu.  Þar sem við erum með sjónvarp gegnum skjá 1 þá er þetta svo einfalt, við liggjum uppi í bæli og veljum mynd, þurfum ekki einu að fara út á leigu.  Eini gallinn á því er að það er ekkert mjög mikið úrval mynda.  En við fundum eina, eða sko Einar fann hana og ég samþykkti...  Úff, svo lágum við í einn og hálfan tíma og gláptum á DANS-OG SÖNGVAMYND!!!  Einar HATAR svoleiðis myndir en hann lét sig hafa það þar sem það var búið að borga heilar 450 kr fyrir þessa vitleysu.  Ég náði að prjóna einn vettling á meðan við gláptum, klára hinn í kvöld því þá er sko Ørnen á DR1!!!  Veisla hjá okkur.  Þannig að það lítur út fyrir sjónvarpsgláp tæpan klukkutíma á viku næstu vikurnar

Hér er mikið fjör sem stendur.  Ólöf Ósk var reyndar að yfirgefa svæðið, fór til bekkjarsystur sinnar og ætlar að fara í sund með henni.  En Jón Ingvi er sem sagt með bekkjarbróðir sinn í heimsókn og það er mikið fjör í þeim.  Þeir eru reyndar að bíða eftir að pabbi Kristmanns vakni (var á næturvakt í álverinu) því þá ætla þeir heim til hans.  Jón Ingvi er kominn í kúrekabúning og ætlar þannig heim til Kristmanns.  Jóhannes dinglast hér um og ætlar núna út að hamra.  

Pabbi er hér enn.  Það er svo gaman að fá hann í heimsókn.  Hann er svo þægilegur og ljúfur, hann pabbi minn.  

Salný, nú er ég búin að afla mér slatta heimilda...á bara eftir að lesa það...og sjóða svo saman einhvern fínan fyrirlestur...

Einar er að vinna, hann vinnur og vinnur.  Það verður svo gott þegar ég fer að fá laun líka, svo hann þurfi ekki að vinna svona mikið.  Ég er að spá í að fara að drulla mér niður á spítala hér og athuga hvort ég geti potað mér inn á einhverjar aukavaktir kannski.  Svona til að koma mér inn í hitann...þá verður kannski jobb handa mér þegar ég útskrifast...

Jæja, best að lesa þessar greinar sem ég er búin að prenta út í löngum bönum... 

Athugasemdir

[Salný (IP-tala skráð) 8.10.2006 kl. 19:56]

Láttu mig endilega vita, er ekki bara gott að hafa kunnuglegt andlit í salnum.. er sjálf með fyrirlestur á miðvikudaginn kl. 16 í Hringsalnum á barnaspítalanum ef þig langar að koma...
Kem sko á þinn fyrirlestur ef ég á séns...
Hvernig er annars næsta helgi hjá ykkur?? Aðalsteinn er í helgarfríi, væri nú gaman að sjást ekki satt?

[ragnhildur (IP-tala skráð) 8.10.2006 kl. 19:57]

Hæ frænka .. bara segja þér að ég er alltaf að lesa :) kann e-ð ekki alveg á þessa nýju síðu hjá þér. Er svo vanaföst og "sakna" pínu gömlu blogspot síðunnar :)
Hva meinaru að dans-og söngvamyndir séu leiðinlegar!??! :D Við reyndar álpuðumst til að taka "Rent" um daginn. Þvílíkt sem var búið að auglýsa hana en meira að segja Ég gafst upp. Kræst, þvílík aula nýtísku útfærsla!! Eigið góða viku framundan.

[SigrúnSveitó, 8.10.2006 kl. 22:00]

Salný, hvað segiði um að kíkja á okkur á sunnudaginn?

Hehe, ég hef nú alltaf haft lúmskt gaman af dans-og söngvamyndum, man sérstaklega vel eftir einni, "Bræður sjö í konuleit", veit ekki hvort það segir þér eitthvað?! En Einar HATAR þær. Svo elska ég nú líka t.d. Grease, Dirty Dancing og svo var Sound of Music líka eftirminnileg ;)

Ég vona að þú lærir á þessa, ég sakna líka stundum blogspot, en samt ekki vandamálanna þar...

Knús...

[Gurrí (IP-tala skráð) 10.10.2006 kl. 13:11]

Okkur Einari á eftir að koma vel saman. Ég hata dans- og söngvamyndir. Sú eina sem ég get horft á án þess að kasta upp er Sound of Music og það er bara vegna góðra bernskuminninga. :)
Sjáumst brátt í kaffi!